" ဟိန္ဒူဘာသာ I ဂျိန်းဘာသာ Iဗုဒ္ဓဘာသာ I
ဂျူးဘာသာ I ခရစ်ယာန်ဘာသာနှင့်
အစ္စလာမ်ဘာသာ "
_________
မောင်သုခ
__________
[၁]
*************
" ဟိန္ဒူ ဘာသာ " [Hindunism]
********************
ဟိန္ဒူ ဘာသာသည် ဘီစီ (၁၅၀၀)
[BC-1500] ဝန်းကျင်တွင် စတင်
ပေါ်ပေါက်ခဲ့သည်။ ဤမတိုင်မီ
နှစ်များစွါ ကတည်းကပင် အမျိုးမျိုး
အဖုံဖုံသော စုံလင်ရှုပ်ထွေးလှသည့်
အယူဝါဒတို့သည် အိန္ဒိယ၌ အခြေပြုနှင့်
ခဲ့ပြီး ဖြစ်၏။ဟိန္ဒူ ဘာသာ အကြောင်း
ပြီးပြည့်စုံအောင် ပြောမည်ဆိုလျှင်
အလွန်ရှည်လျားစွါ ပြောဆိုရမည်
ဖြစ်သောကြောင့် ဤနေရာတွင်
အတတ်နိုင်ဆုံး အနှစ်ချုပ်၍
ဖော်ပြပါမည်။
ဟိန္ဒူ ဘာသာနှင့် ပက်သက်၍
အဋ္ဌကထာဆရာများ၏ မှတ်သားဖွယ်
အဆုံးအဖြတ်တခုမှာ ဤအယူဝါဒသည်
ကြောက်စရာကောင်းလောက်အောင်
အကွဲကွဲ အပြားပြား ဖြစ်နေသည်
ဆိုသောအချက်ပင်ဖြစ်၏။
ထိုအဆိုအမိန့်၏ ဆိုလိုရင်းအချက်သည်
အဓိပ္ပါယ်အမျိုးမျိုး ထွက်သည်။ဟိန္ဒူ ဘာသာသည်
လူအမျိုးမျိုး စိတ်အထွေထွေကို ဆွဲဆောင်
နိုင်စွမ်းရှိသည်မှာတော့ ငြင်းမရသော
အချက်ပင်ဖြစ်တော့သည်။
[၂]
" အိန္ဒိယ တိုက်အတွင်း ရှေးကျသော လူမျိုးများ "
ဘီစီ (၂၅၀၀) မတိုင်မီက အိန္ဒိယနိုင်ငံကို
ကြီးစိုးနေခဲ့သော လူမျိုးများမှာ အသားမည်းမည်း
ဆံပင်ကောက်ကောက်နှင့် ယခုတိုင်တောင်ပိုင်းတွင်
အများဆုံးနေထိုင်ကြသည့် ဒြာဗီးဒီးယန်း (Dravidians)
လူမျိုးများဖြစ်ကြသည်။ဤ ဒြာဗီးဒီးယန်း (Dravidians)
လူမျိုးများမှာ အိန္ဒိယဒေသခံ တိုင်းရင်းသားများ
မဟုတ်ကြချေ။ ထိုလူမျိုးများကြားတွင် ရှေးအလွန်
ကျသော အိန္ဒိယတိုင်းရင်းသား လူမျိုးများလည်း
ရောနှောနေထိုင်ခဲ့ကြ၏။ထို့နောက်
ဘီစီ (၂၀၀၀) မတိုင်မီအထိ အိန္ဒု မြစ်ဝှမ်းတွင်
လူမျိုးပေါင်းစုံ စုပေါင်းနေထိုင်ခဲ့ကြလေသည်။
ဘီစီ (၂၀၀၀) တန်းကာလ၏ အလယ်
ဝန်းကျင်လောက်တွင် အနောက်မြောက်ဘက်
ဟင်ဒူရုရှ် တောင်တန်းများပေါ်မှ ဖြတ်သန်း၍
ဝင်ရောက်လာသူများသည် လူမျိုးခြားများဖြစ်သည်။
သူတို့သည် အရပ်အမောင်းကောင်းပြီး အသားရေ
ဖြူဖွေးကြသည်။အင်ဒို ဥရောပ အနွယ်ဝင်များ
ဖြစ်သည်။သူတို့ကိုယ်သူတို့ အာရိယာန်
(Aryan) များဟု ခေါ်ကြလေသည်။
ထို့နောက် အချိန်အတော်အသင့်ကြာပြီး
သည့်အခါ ကျေးလက်ပုံပြင် ပုံဝတ္ထုများနှင့်
သူရဲကောင်း ကဗျာရှည်များ ပေါ်ပေါက်လာကြလေသည်။
နတ်ဆရာများကလည်း ဓမ္မတေးများ ဆုတောင်း
ဂါထာများကို သီဆိုလာကြသည်။ထို ဓမ္မတေးများနှင့်
နတ်ချော့တေးများ ဂါထာများကပင် ၎င်းတို့
ဘာသာကိုးကွယ်မှု၏ အသံကို
ဖြစ်ပေါ်စေခဲ့လေသည်။
" ဟိန္ဒူ လူမျိုး အချို့ကတော့ အာရိယာန်
ဒြာဗီဒီယန် ဆိုသည့် လူမျိုးများရှိခဲ့သည်ကို
လက်မခံကြပေ။ အာရိယာန်ရော ဒြာဗီဒီယန်ရော
ဘာသာစကားနှစ်ခုလုံးသည် သက္ကတ ဘာသာမှ
ဆင်းသက်သည်ဟု ဆိုကြ၏။ "
[၃]
" ဝေဒကျမ်းများ ပေါ်ထွန်းလာခြင်း "
ရှေးကျသော အင်းအိုင် ခါးလှည့် လက်ဖွဲ့
မန္တရားများနှင့်အတူ နောက်ဆုံးတွင် ဟိန္ဒူ အယူဝါဒ
ဆိုင်ရာ ပထမကျမ်းစာ များကို ရေးသားမှု
စတင်ခဲ့လေသည်။၎င်းတို့မှာ (Rig Veda)
ဣရု (ရိဂ်) l သာမ l ယဇု နှင့် အာတဗ္ဗန
ဝေဒကျမ်းများဖြစ်ကြသည်။
ဝေဒကျမ်းကြီးလေးခု၌ ကနဦးနှင့် ရှေးအကျဆုံး
ကျမ်းသည် (Rig Veda)ဣရု (ရိဂ်)ဝေဒ
ပင်ဖြစ်၏်။ အခြားသော ဝေဒကျမ်းများသည်
(Rig Veda)ဣရု (ရိဂ်)ဝေဒကျမ်းပေါ် မှီနေရသော
ကျမ်းများသာ ဖြစ်ကြကုန်သည်။
(Rig Veda)ဣရု (ရိဂ်)ဝေဒသည်
(ချီးမွမ်းခြင်း ကဗျာဟု အဓိပ္ပါယ်ရသည်။)သည်
ဘာသာရေး ကဗျာညွန့်ပေါင်းကျမ်းဖြစ်ပြီး
အတွဲ (၁၀) တွဲ ဓမ္မတေးပေါင်း တထောင်ကျော်
ပါဝင်၏။ ဘီစီ ရှစ်ရာစုလောက်အထိ ထိုကဗျာများကို
စာအရေးအသားဖြင့် မှတ်တမ်းမတင်ခဲ့ကြရသေးပေ။
ထိုမတိုင်ခင်ကမူ ခေတ်အဆက်ဆက် နှုတ်တိုက်
အာဂုံဆောင်၍ လာခဲ့ကြခြင်းဖြစ်သည်။ဓမ္မတေး
များသည် ဘုရားရှိခိုး စာသားများဖြစ်ပေ၏။
[၄]
" ဝေဒကျမ်းပါ နတ်များ၏ ပျံ့နှံ့ဖြစ်တည်မှု "
နတ်တပါးကိုဖြစ်စေ l နတ်နှစ်ပါးကို ဖြစ်စေ
(သို့မဟုတ်) နတ်အများကို ဖြစ်စေ ပူဇော်ဝတ်ပြု
ရှိခိုးသော ကဗျာများဖြစ်ပြီး ထိုဓမ္မတေးကဗျာများတွင်
ပတ္ထနာပြု ပါဝင်သောနတ်များသည် အလွန်ရှေးကျသော
နတ်များဖြစ်လေသည်။
ထိုနတ်များအနက် နတ်သုံးပါးကို
အီရန်လူမျိုးများကရော l ဂရိလူမျိုးများကရော l
ရောမလူမျိုးများပါ ဝေမျှ ရှိခိုးခဲ့ကြလေသည်။
ထိုနတ်သုံးပါမှာ ဈာယပ်ပီတာ (ဇီးယပ်ပီတာအဖြစ်
ဂရိလူမျိုးများ ကိုးကွယ်သည်။၎င်းကိုပင် ရောမလူမျိုး
များက ဂျူပီတာ အဖြစ်ကိုးကွယ်ကြသည်။) ၎င်းသည်
ကောင်းကင်၏ ဖခင်ဖြစ်သည်။နောက် ပထဝီမာတာ
ခေါ် ဝသုနြေ္ဒ မယ်တော်ကြီး (ဂိုင်ယာမာတာ ဟု
ဂရိတို့က ခေါ်သည်။နောက်ထပ် မေတ္တရာ
(အီရန်လူမျိုးများ၏ မေတ္တရာပင်ဖြစ်သည်)
တို့ဖြစ်ကြသည်။ထိုနတ်သည် အကျင့်သီလနှင့်
လွန်စွါ ပြည့်စုံသော သစ္စာကို စောင့်သိသော
နတ်ဖြစ်သည်။၎င်းသည် အစကနဦးတွင်
နေနတ်ဖြစ်ဟန်တူသည်။
[၅]
" လူတန်းစား လေးမျိုး (လူတန်းစားခွဲခြားမှု)
ပေါ်ပေါက်လာခြင်း "
ဘီစီ (၇) ရာစု ကုန်ခါနီးတွင်
ဂင်္ဂါချိုင့်ဝှမ်းကို အာရိယာန်လူမျိုးများ
သိမ်းပိုက်မိခြင်းကြောင့် တသီးတခြားစီဖြစ်နေသော
ရာဇာများအုပ်စိုးသည့် သီးခြားပဒေသရာဇ်နိုင်ငံ
ငယ်ကလေးများ တစုတပေါင်းတည်း ဖြစ်သွားကြ၏။
အာရိယာန်လူမျိုးများသည် အိန္ဒိယလူ့အဖွဲ့အစည်းတွင်
အထက်တန်းလွှာ နေရာကို ရရှိသွားပြီး အောက်ပိုင်း
လူတန်းစားများမှာ အာရိယာန် မဟုတ်သော
လူမျိုးများ ဖြစ်သွားသည်။
လူတန်းစားခွဲခြားမှုမှာ အခိုင်အမာ
မဟုတ်သေးသော်လည်း အိန္ဒိယ
လူ့အဖွဲ့အစည်းတွင် လူအုပ်စု
လေးစုကွဲသွားလေသည်။အပေါ်ဆုံး
အလွှာမှာ (Kshatriyas) ခတ္တိယ ခေါ်
မင်းစိုးရာဇာ အုပ်ချုပ်သူများဖြစ်၏်။
ဒုတိယအလွှာမှာ (Brahmins) ဗြဟ္မဏ
ပုဏ္ဏားနတ်ဆရာများဖြစ်သည်။ တတိယတန်း
အလွှာမှာ သာမန် လူတန်းစား ကုန်သွယ်
လယ်လုပ်သူများ (Vaisyas) ဝေဿ
များ ဖြစ်၏။အောက်ဆုံးတန်း ဇာတ်အနိမ့်ဆုံး
အလွှာမှာ အာရိယာန် မဟုတ်သည့် သူများ
အသားမည်း (Shudras) များဖြစ်သည်။
ထိုအထဲတွင်မှ ခတ္တိယနှင့် ဗြဟ္မဏများ
အကြားတွင် ဘယ်သူက ပိုမြတ်သလဲဆိုသော
ဂုဏ်သိက္ခာအတွက် အားပြိုင်မှု
ပေါ်ပေါက်ခဲ့သေးသည်။ဤအားပြိုင်ပွဲတွင်
ဘာသာရေးနှင့် သဘာဝလွန်တန်ခိုးများက
အခွင့်အာဏာထူးကို ရရှိသွားလေတော့၏။
ထို့နောက်ပိုင်း " ဗြဟ္မ " ခေါ် ဘုရားရှိခိုး
ဂါထာများ ပရိတ်တရားတော်များ၌ တန်ခိုး
အာဏာ အရှိန်အဝါရှိသည်ဆိုသော
အယူသီးမှုများလည်း တိုးပွါးလာရာ ထိုယဇ်
ပူဇော်ဂါထာ l ပရိတ်တော်များကို ရွတ်ဖတ်ရသော
ပုဂ္ဂိုလ်များ၏ ဂုဏ်သိက္ခာသည်လည်း
ပိုမိုတိုးတက်လာလေသည်။
[၆]
" ဗြဟ္မဏ များ တန်ခိုးထွားလာခြင်း "
ထို့ကြောင့် ဗြဟ္မဏများသည် နောက်ဆုံးတွင်
သူတို့သည်သာ အမြတ်ဆုံး အမြင့်ဆုံးဖြစ်သည်။
နတ်တို့သည်ပင် သူတို့အမိန့်သြဇာကို ခံကြရသဖြင့်
သူတို့ကပို၍ မြတ်သည်ဟု ထုတ်ဖော်ပြောဆို
လာကြတော့သည်။ထိုအခါမှ စ၍ နတ်များသည်
အရေးမပါတော့ဘဲ ယဇ်ပူဇော်ခြင်းအမှုက ပို၍
အရေးပါ အရာရောက်ကြောင်း ပြသခဲ့ကြတော့၏။
အဓိက အကျဆုံးမှာ ယဇ်ပူဇော်စဉ် ရွတ်ဆိုရသော
ဂါထာ မန္တန်တို့၏ တန်ခိုးရှိန်စော် အာနုဘော်သည်
အကြီးမြတ်ဆုံးဖြစ်ကြောင်း ယုံကြည်လာကြ
လေတော့သည်။
ဗြဟ္မဏ ကျမ်းဂန်စာပေများသည် ထူးခြားပြီး
အတွဲများစွါရှိသော ကျမ်းဂန်စာပေများဖြစ်၏။
မူလအစကမူ ထိုစာပေများသည် နတ်ဆရာ
ဘုန်းကြီး သင်တန်းကျောင်း အသီးသီး၌
ဘုန်းကြီးလောင်းများကို သင်ကြားပို့ချချက်များ
ဖြစ်သည်။ဘီစီ (၇၀၀) ဝန်းကျင်လောက်မှ
ထိုပို့ချချက်များကို စာဖြင့်ရေးသား
မှတ်တမ်းတင်ခဲ့ကြ၏။
[၇]
" ဥပနိသျှဒ်ကျမ်းများ ပေါ်လာခြင်း "
ဤသို့ဖြင့် (Rig Veda)ဣရု (ရိဂ်)ဝေဒ
ကျမ်းလာ နောက်ပိုင်း ဓမ္မတေးသီချင်းများတွင်
စကြာဝဠာဖန်ဆင်းရှင် သဘောတရားသည်
ဘုရားတပါးတည်း ကိုးကွယ်မှုသဘောတွင်
ပြေငြိမ်းမှု ရရှိသွားသည်။ထို့နောက်ပိုင်း
(The Philosophy Of Upanishads)
ဥပနိသျှဒ် ဒဿ န များ ဥပနိသျှဒ်ကျမ်းများ
အလျှိုလျှို ပေါ်လာတော့၏။ဥပနိသျှဒ် ဆိုသည်မှာ
ဆရာ့အနားမှာ အနီးကပ်ထိုင်၍ သင်ယူခြင်း
သဘောကို ဆိုလိုသည်။
ထိုကျမ်းများ၏ ထူးခြားချက်မှာ မင်းစိုးရာဇာ
ခတ္တိယများ l လူတန်းစား အသီးသီးမှ လူများ l
မိန်းမများပင် ပါဝင်ဆွေးနွေးနိုင်ခြင်းပင်ဖြစ်သည်။
သူတို့သည်လည်း ဗြဟ္မဏ ပုဏ္ဏားများလိုပင်
ပါဝင်ဆွေးနွေးနိုင်ကြ၏။တခါတရံ ဗြဟ္မဏ
ပုဏ္ဏားတို့ထက်ပင် ဥာဏ်ရည်သာသူများ
ပေါ်လာတတ်လေသည်။
ဥပနိသျှဒ်ကျမ်းတို့တွင် ဗြဟ္မာကို
အရာခပ်သိမ်းတို့၏ ဝိညာဉ်ဟု ဖော်ပြသည်။
လူထဲ တိရစ္ဆာန်ထဲ ပိုးမွှားထဲ ပန်းပွင့်ထဲ သို့မဟုတ်
သက်ရှိအားလုံးထဲတွင် တွေ့ရသော အတ္တမံသည်
ဗြဟ္မာကိန်းနေသည်ဟု ဖော်ပြ၏။
ဘီစီ (၅၀၀) ခန့် ရောက်သောအခါ
အိန္ဒိယ ဟိန္ဒူ လူမှုရေးဘဝတွင် ဇာတ်စနစ်သည်
ခိုင်မြဲလေပြီ။ပထမတန်းစားမှာ ဗြဟ္မဏများ
ဖြစ်သွားပြီး ဒုတိယတန်းသို့ ခတ္တိယများ ရောက်ရှိ
သွားသည်။ခတ္တိယအောက်တွင် ဝေဿ
ခေါ် ကုန်သည်လယ်လုပ်များ ရောက်ရှိသည်။
အောက်ဆုံးတွင် သုဒ္ဒခေါ် ကျေးကျွန် လူတန်းစား
များ ဖြစ်၏။
[၈]
"မဟာ တြိမုတိ "
" တရိနိတီ " ဆိုသည်မှာ သုံးပါးပေါင်းမှ
တပါးဖြစ်သော ဘုရားကို ဆိုလိုသည်။
ဟိန္ဒူ ဘာသာဝင်များတွင် အားလုံးက
လက်ခံထားသော အချက်မှာ သုံးပါးပေါင်း
တပါးဖြစ်သော " မဟာ တရိနိတီ "
ဘုရားပင်ဖြစ်သည်။
၎င်းမှာ ဖန်ဆင်းရှင် ဗြဟ္မာ l ဖျက်ဆီးရှင် သီဝ နှင့်
စောင့်ရှောက်သော အရှင် ဗိဿ နိုး သုံးပါးပေါင်း
တပါးဟု ယူသော ဘုရားဖြစ်သည်။၎င်းကို ဟိန္ဒူ
ဘာသာအခေါ် အဝေါ်အားဖြင့် " တရိမုတိ "ဟု
ခေါ်သည်။ဤစကြာဝဠာဘောင်အတွင်း၌
အထက်ပါ သုံးပါးပေါင်းတပါးရသော
ဘုရားသည်သာ အစစ်အမှန်သဘောအတွက်
ရပ်တည်နေသည်ဟု ဆိုသည်။
( ခရစ်ယာန်ဘာသာတွင် အလားတူ
ဆင်တူသော သုံးပါးတဆူဝါဒကို
လက်ခံယုံကြည်ကြ၏။ ခရစ်ယာန်
ဘာသာအရ " သုံးပါတဆူ " မှာ
ဘုရားသခင် (ခမည်းတော်) သခင်ယေရှု
(သားတော်) နှင့် သန့်ရှင်းသောဝိညာဉ်တော်
(၃)ပါးကို တဆူတည်းအဖြစ်
သတ်မှတ်ကိုးကွယ်ကြသည်။ )
[၉]
" ဗြဟ္မာကြီး "
ဗြဟ္မာကြီးသည် ဖန်ဆင်းသော အရှင်ဖြစ်သည်။
၎င်းကို ကိုးကွယ်ဆည်းကပ်မှု နည်းကြ၏။
ဗြဟ္မာကြီးသက်သက် ကိုးကွယ်ဆည်းကပ်သော
နတ်ဗိမ္မာန် ဝတ်ပြုရာဋ္ဌာနသည် ယခုအခါ
ဒါဇင်ဝက်ခန့်ပင် မရှိတော့ ။အကြောင်းမှာ
ထို ဗြဟ္မာကြီးသည် ဖန်ဆင်းခြင်းကိစ္စကို
ဆောင်ရွက်ပြီးစီးသောအခါ သူ့အနေနှင့်
လူ့ပြည်လူ့လောက၌ လုပ်စရာဘာမျှမရှိတော့ပေ။
သို့သော် ထို ဗြဟ္မာကြီးကို နက်ရှိုင်းစွါလေးစားသည့်
သဘောကားရှိကြ၏။
အနုပညာနယ်တွင် ဗြဟ္မာကြီး၏ ပုံကို
မင်းစိုးရာဇာ တို့၏ အဆောင်အယောင်တို့ဖြင့်
သရုပ်ဖော်ကြသည်။ဗြဟ္မာကြီး၏ ရုပ်တုတွင်
ဦးခေါင်းလေးခု ပါ၏။ဝေဒကျမ်းများကို
ပြင်းပြင်းပြပြ ဖတ်ရှုနေသည်။ငန်းဖြူကြီး
စီး၏။လူ့လောကနှင့် ကင်းကင်းကွာကွာ
နေခြင်း သဘောကို ဆောင်၏။
[၁၀]
" သီဝ(သျှီဝ) "
သီဝ(သျှီဝ) ကို ကိုးကွယ်ကြသူများက
သီဝ(သျှီဝ)ကို " မဟာဒေဝ " ဟူသောဘွဲ့ကို
ပေးထားကြသည်။
သီဝ(သျှီဝ)ဟူသော ဘွဲ့အမည်မှာ
ကောင်းကျိုးချမ်းသာ မင်္ဂလာကို ဆောင်ခြင်းမျှ
မကဘဲ ဖျက်ဆီးခြင်းကို ဆောင်သူလည်း
ဖြစ်၏။လောက၌ ပြန်လည်မွေးဖွားခြင်း
သဘောအားလုံးသည် သီဝ(သျှီဝ) နှင့်မကင်းပေ။
သစ်ပင်များ ပြန်ပေါက်ခြင်း l တိရိစ္ဆာန်များ
မျိုးပွါးခြင်း l လူများ မျိုးပွါးခြင်း အစရှိသည်တို့သည်လည်း
သီဝ(သျှီဝ)နှင့် မကင်း။ဤမျိုးပွါးခြင်းအတွက်
လိုအပ်သော အခြေခံစွမ်းအားကို သရုပ်ဖော်
သောအားဖြင့် သူ့ကိုကိုးကွယ်ရာ အရပ်ဝတ်ကျောင်း
တို့၌ သီဝလိင်္ဂကို သင်္ကေတပြု၍
ဖော်ပြထားကြသည်။ထိုသင်္ကေတများအနက်
ထင်ရှား၍ အဓိကကျသော အမှတ်အသားများမှာ
လိင်္ဂနှင့် ယောနိ(ယောက်ျားအင်္ဂါနှင့် မိန်းမ
တန်ဆာ)တို့ဖြစ်ကြလေသည်။
ဤသင်္ကေတများကို ဆင်ခြင်သုံးသပ်
လေ့လာကြရာ၌ အပေါ်ယံအမြင်ဖြစ်သော
လိင်အင်္ဂါများတွင် လမ်းဆုံးပြီး ရပ်တန့်နေပါက
နက်နဲသော သဘောတရားပိုင်းတို့ကို
ထပ်မံသိလာတော့မည်မဟုတ်ပေ။
ဤသင်္ကေတများ၏ အနက်မှာ
သီဝ(သျှီဝ)သည် အသက်ဇီဝဓါတ်ကြီး
ဖြစ်သည်ကို ဖော်ဆိုထားခြင်းဖြစ်ပြီး
သူ၏ ဖန်ဆင်းခြင်းစွမ်းအားကို ပြဆို
ထားခြင်းဖြစ်ပေသည်။
ဟိန္ဒူ ဘာသာဝင် အချို့ကတော့
အနောက်တိုင်းမှ ယခုလိုဘာသာပြန်မှုကို
လက်မခံကြပေ။ သူတို့အဆိုအရ လိင်္ဂါ၏
အဓိပ္ပါယ်မှာ ကျား/မ လိင်္ဂါ မဟုတ်ဘဲ သင်္ကေတ
အဖြစ်ပြောဆိုကြ၏။သီဝ လင်္ဂါကို ကျောက်အမဲနှင့်
ပြုလုပ်ပြီး အပေါ်ကနေ နို့စက်ချ ပူဇော်လေ့ရှိကြသည်။
[၁၁]
သီဝ(သျှီဝ) ကိုပင် နတ်မိစ္ဆာပုံဟန်ဖြင့်
တွန့်လိမ်နေသော ကိုယ်ပေါ်တွင် ကနေဟန်လည်း
ထုလုပ်ကြသည်။လက်လေးဖက်ကို လေတွင်
မြှောက်၍ ၎င်းလက်တဖက်တွင် ဗုံငယ်တခုကို
ကိုင်လျက် အခြားတဖက်တွင် မီးလျှံ (သို့)
အသွားသုံးချောင်းပါသော မှိန်းကိုကိုင်လျက်
သူ့ခေါင်းပေါ်တွင် ဆန်းစလငယ်ကို တင်ထား၍
ဆံပင်တွင် ဂင်္ဂါမြစ်ရေများ စီးဆင်းလျက်
အလွန် လှပစွါ ကနေဟန်ဖြစ်၏။
ဤ သီဝ(သျှီဝ)၏ ကဟန်သည်
ဇာတိ နှင့် သေဆုံးခြင်း မရဏကို စက်လှည့်နေဟန်
ဖြစ်သည်။ဤသို့ ကနေဟန်ကို " ကမ္ဘာဖျက်
အကဟုလည်း ခေါ်ကြသည်။
ဤသို့ ဖျက်ဆီးတတ်သော ကမ္ဘာဖျက်အကတွင်
ရှင်သန်ခြင်း သဘောသည်လည်း တွဲလျက်
ပါဝင်နေ၏။ရှင်သန်ခြင်းသဘောမှာ သူ၏
နဖူးအလယ်တွင် ဒေါင်လိုက်ဖော်ပြထားသော
တတိယမျက်လုံး လည်တွင်ဆွဲထားသော
မြွေနှင့် ပြာသောလည်ပင်းတို့ဖြစ်၏။
ဤသို့ မွေးဖွားခြင်း ပျက်စီးခြင်းဆိုသည်မှာ
သဘာဝအလွန်ကျသော အကြောင်း
ကိစ္စလည်းဖြစ်သည်။မွေးဖွားလာပြီး
မသေဆုံး မပျက်စီးသူ မရှိသကဲ့သို့
လောက၌ အချိန်နှင့်အမျှလည်း မွေးဖွားခြင်း
ပျက်စီးခြင်းတို့သည် ဒွန်တွဲ ဖြစ်ပျက်လျက်
တွဲ၍ တွဲ၍ တည်ရှိပျက်သုဉ်းနေသော
အရာများနှင့် ပြည့်နှက်နေသည် မဟုတ်ပါလော။
အနောက်တိုင်း နက္ခတ္တဗေဒပညာရှင်
ဒေါက်တာ Carl Sagan က ဒီ သီဝရုပ်တု
သင်္ကေတဟာ အနုမြူအတွင်းက အနုမြူ
အစိတ်အပိုင်းတွေ လည်ပတ်တာကို
ကိုယ်စားပြုတယ်လို့ ပြောထားပါတယ်။
ထို့ကြောင့် ဟိန္ဒူ အယူဝါဒ သင်္ကေတတို့သည်
အပေါ်ယံကြည့်ရှု သုံးသပ်ရုံမျှဖြင့် လက်လှမ်းမှီသော
အရာမျိုး မဟုတ်။ရှည်ကြာသော သက်တမ်းကို
အခြေပြုပြီး နက်နဲသော အဓိပ္ပါယ်နှင့်တကွ
တည်ရှိနေလေသည်။
[၁၂]
" ဗိဿ နိုး "
ဗိဿ နိုး သည် ဟိန္ဒူ ဝါဒ သုံးပါးတဆူတွင်
တပါးအပါအဝင်ဖြစ်၏။ ဗိဿ နိုး မှာ
ဖျက်ဆီးသူမဟုတ် ။ ထိန်းသိမ်းစောင့်ရှောက်သူ
ဖြစ်သည်။အစဉ်သဖြင့် အကြင်နာ ကရုဏာတရား
ကြီးမားပြီး တန်ခိုးများကို ထိန်းသိမ်းစောင့်ရှောက်သူ
အဖြစ်ထင်ရှား၏။ လူ့တန်ဖိုးများကို ခြိမ်းခြောက်
ခံရသည့်အခါတိုင်း ကောင်းမှု ကုသိုလ်တရားများကို
ဖျက်ဆီးသော အန္တရာယ်ကြုံရသည့်အခါတိုင်း
ထိန်းသိမ်းနိုင်လောက်သော အစွမ်းသတ္တိ
တန်ခိုး သြဇာ အကုန်သုံးပြီး ထိန်းသိမ်း
စောင့်ရှောက်လေ၏။ထို့ကြောင့် ဗိဿ နိုးသည်
လူထုကြား၌ လူကြိုက်များကာ ထင်ပေါ်
ကျော်ကြားသည်။
သူသည် ဤ ကမ္ဘာမြေပေါ်သို့
လူဝင်စားဘုရားလိုအပ်သော အခါတိုင်း
အဝတာရ အဖြစ်ဖြင့် ဆင်းသက်လာသည်ဟု
ယူကြသည်။
ဗိဿ နိုး ဘုရားဝင်စားသော
အဝတာရ (၉) ကြိမ်ရှိပြီဟု ဆိုကြသည် ။
၎င်းတို့မှာ …မသ်စယ _ကူးရမ_ဝရဟ_
နရဆင်းဂ _ ဝါမန _ပရသုရာမ_ ရာမ_
ကရိသျှနား _ဂေါတမဗုဒ္ဓ တို့ဖြစ်၏။
ဂေါတမဘုရားရှင်သည် (၉) ကြိမ်မြောက်
ဗိဿ နိုး ဘုရားဝင်စားသောအဝတာရ
ဖြစ်သည်ဟု ဟိန္ဒူ ဘာသာဝင်တို့
ယုံကြည်ကြသည်။
[၁၃]
" ကာလီမယ်တော် "
ကာလီမယ်တော်ရဲ့ မူလ အမည်ရင်းကမှာ
ဒူရ်ဂါ မယ်တော်ဖြစ်၏။ဒူရ်ဂါ မယ်တော်တွင်
အသွင် ကိုးမျိုး ရှိသည် ။၎င်းတို့မှာ…
(၁) ရှဲလ်ပုတ္တရီး (သေလပုတ္တြိ) -
စီးတော်ယာဉ် နွားလားဥဿ ဖ…
(၂) ဗြဟ္မကျာရီနီး (ဗြဟ္မ ကျာရိဏီ)
စီးတော်ယာဉ် မပါ …
(၃) ချန္ဒရာဂန္တား (ကျန္ဒဂံတာ )
စီးတော်ယာဉ် ကျား
(၄) ကုရ်ှမန္တား (ကုစ်မဏ္ဍ)
စီးတော်ယာဉ် ကျား
(၅) စက္ကန္ဒမာသား (စကန္တမာတာ)
စီးတော်ယာဉ် ခြင်္သေ့
(၆) ကာတရာရီနီး (ကတ္တယာယဏီ)
စီးတော်ယာဉ် ခြင်္သေ့
(၇) ကာလ်ရာတရီး (ကာလရာတရိ)
စီးတော်ယာဉ် လား
(၈) မဟာဂုဏ်ရီ (မဟာဂေါရီ )
စီးတော်ယာဉ် နွားလားဥဿ ဖ
(၉) သိဒ္ဒီဓာသရီ (သိဒ္ဓိဒါတရိ )
စီးတော်ယာဉ် ကြာပန်း
ဟူ၍ အသွင် (၉)မျိုး ဖြစ်သည်။
အမှတ်စဉ် (၇) ကာလ်ရာတရီး (ကာလရာတရိ)
အသွင်ဖြင့် ခန္ဓာတစ်ကိုယ်လုံး မည်းနက်နေအောင်
သဏ္ဍာန်ယူပြီး ကာလီမိစ္ဆာကို နှိမ်နှင်းခဲ့သည်အား
အစွဲပြုပြီး ဒူရ်ဂါ မယ်တော်ကို ကာလီမယ်တော်လို့ 
လူသိများကြ၏။
[၁၄]
ဟိန္ဒူ ဘာသာ အကြောင်းကို
အထက်ပါအတိုင်း တတ်စွမ်းသရွေ့စုံစေ့အောင်
အကျဉ်းချုပ် ဖော်ပြထားခဲ့လေသည်။အကျယ်ကို
ထပ်မံဖတ်ရှုလိုပါက စာရှုသူ ကိုးကားသော
ကျမ်းညွှန်းတို့ကို လေ့လာနိုင်ပေ၏။
ဘဂဝဒ်ဂီသာကျမ်းလာ ပါဒတပုဒ်အား
ဖော်ပြရင်း ဟိန္ဒူ ဘာသာ အကြောင်းမှ
ဂျိန်းဘာသာ သို့ ဆက်အံ့ ။
ဘဂဝဒ်ဂီသာ- ပါဒ (၆၄)
" ရာဂ (စွဲလမ်းတွယ်တာမှု ) အလုံးစုံနှင့်
မလိုလားသောစိတ်သဘောများ ကင်းစင်၍
စည်းကမ်းရှိသော လွပ်လပ်မှုဖြင့် မိမိ၏
အာရုံများကို ထိန်းချုပ်နိုင်သူသည် ဘုရားရှင်၏
အကြွင်းမဲ့ မေတ္တာတော်ကို ရရှိလေသည်။ "
အထက်ပါ ကျမ်းဂန်လာ စကားရပ်တွင်
" စည်းကမ်းရှိသော လွပ်လပ်မှု "ဟူသည့်
စကားသည် ကျွန်တော်တို့ တိုင်းပြည်အဖို့
အတော်လေး ဆင်ခြင် သတိချပ်စရာပင်
ဖြစ်တော့၏။
------------------------------
------------------------------
**********
ဂျိန်းဘာသာ (Jainism)
*************
[၁]
" မဟာဝီရ (Mahavira) "
ဘီစီ (၆) [BC-6] ရာစုဝန်းကျင်တွင် ဖြစ်သည်။
ထိုအချိန်တွင် ဟိန္ဒူ ဇာတ်စနစ်မှာလည်း
ဖြစ်ထွန်းဆဲပင်။မဟာဝီရ (Mahavira) သည်
ခတ္တိယဇာတ်ဝင် မှူးမျိုး မတ်နွယ် ဇာတ်မြင့်ထဲတွင်
ပါဝင်သူတဦးဖြစ်သည်။
မဟာဝီရ (Mahavira)ဟူသော အမည်သည်
ကြီးမြတ်သည့် ဥတ္တမပုရိသယောက်ျားမြတ်ဟူသော
ရဲစွမ်းသတ္တိရှိသော သူရဲကောင်းဟူသော
အနက်ရသည်။ထို မဟာဝီရ (Mahavira)ဟူသော
အမည်သည် သူ၏ ငယ်နာမည်ဖြစ်သော
" နာတပုတ္တဝါဒါမန " ဟူသော နာမည်အရင်းကို
ပပျောက်အောင် ဖုံးလွှမ်းသွားလေ၏။
မဟာဝီရ (Mahavira)ကို ဘီစီ - ၅၉၉
[BC-599] တွင် ဝေသာလီ(ခေတ်သစ်_ ဘီဟာ)
ပြည် အနီးတွင် ဖွားမြင်ပြီး ဘီစီ _ ၅၂၇ တွင်
[BC -527] ခန္ဓာဇာတ်သိမ်း ချုပ်ငြိမ်းခဲ့လေသည်။
[၂]
" တောထွက်ခြင်း "
မဟာဝီရ (Mahavira)သည်
အသက် (၃၂) နှစ်တွင် တောထွက်၏။
ဆောင်းရာသီ၏ ပထမလတွင်ဖြစ်သည်။
မြို့အပြင်ဘက်တွင်ရှိသော ရဟန်းများနှင့်
ကနဦးတွင် ပူးပေါင်း၏။ထို့နောက် ပါရှဝါ
ဓူတင်ဆောင် ရဟန်းများနှင့် လအနည်းငယ်ကြာ
ပူးပေါင်းနေထိုင်ပြီးနောက် မိမိဘာသာ
ကိုယ့်ဥာဏ်နှင့်ကိုယ် သီးခြားကျင့်ရန် အတွက်
ထိုရဟန်းများထံမှ ခွဲထွက်ခဲ့လေတော့သည်။
ထိုအခါမှ စတင်၍ သူသည် ကိုယ်တွင်ခြုံထားသော
ခြုံလွှာကို စွန့်လွှတ်လိုက်လေ၏။အဝတ်မပါ
ဗလာ ကိုယ်ထီးသာဖြစ်သည်။
မဟာဝီရ (Mahavira)၏ အခြေခံ
ယုံကြည်ယူဆချက် နှစ်ရပ်မှာ
" တပေါ " နှင့် " အဟိံသ " အကျင့်တို့ဖြစ်၏။
" တပေါ " အကျင့်မှာ အကြင်သူ၏ ဝိညာဉ်ကို
မကောင်းမှု ဒုစရိုက်တို့မှ ကင်းဝေးအောင်
ပြုလုပ်ရေးတွင် အပြင်းအထန် ခြိုးခြံသော
အကျင့်ကို ဆိုလိုသည်။ " အဟိံသ "
အကျင့်မှာ အကြင်သူ၏ ဝိညာဉ် (စိတ်) ကို
ဝိသုဒ္ဓိဖြစ်အောင် l သိက္ခာပြည့်ဝအောင်
ပြုလုပ်ရေးတွင် " အဟိံသ" အကျင့်ဖြစ်သော
သက်ရှိသတ္တဝါတို့အား သတ်ဖြတ် ညှဉ်းဆဲမှု
မပြုခြင်းဖြစ်သည်။ထိုအယူအဆများသည်
အိန္ဒိယတွင် အထူးအဆန်းတော့မဟုတ်ပေ။
အဘယ်ကြောင့်ဆိုသော် မဟာဝီရ (Mahavira)
သည် ထိုအယူအဆများကို မိဘ ဘိုးဘွား
ရိုးရာ အစဉ်အလာ အတွေးအခေါ်များမှ
ရယူခဲ့ခြင်းကြောင့်ဖြစ်၏။သို့သော်
ထူးခြားချက်ကား ထိုယုံကြည်ချက်များကို
သူသည် သစ္စာရှိစွါ အပြည့်အဝ ကျင့်ကြံ
နေထိုင်ခဲ့ခြင်းပင်။
[၃]
" မဟာဝီရ၏ စောင့်စည်း ရှောင်ကြဉ်သော
ကျင့်စဉ်များ "
ခရီးလှည့်လည်စဉ်အခါတိုင်း သူသည်
ရွာတရွာ၌ ညတညထက်ပို၍ တည်းခို
နေထိုင်ခြင်း မပြုခဲ့။မြို့တမြို့တွင်လည်း
ငါးညထက် ပို၍ မအိပ်ပေ။မည်သည့်
အရပ်ဒေသ မည်သူ့ကိုမျှ သံယောဇဉ်မထား။
မြေ၌ဖြစ်သော သတ္တဝါ l ရေ၌ဖြစ်သော သတ္တဝါ l
မီး၌ ဖြစ်သော သတ္တဝါ l လေ၌ဖြစ်သော သတ္တဝါ
စသည်တို့ဖြစ်ကြသော သစ်ကပ်မှော်ပင် l သစ်စေ့
အကင်းအညှောင့်တို့မှာပင် စေ့စေ့ကြည့်တတ်လျှင်
အသက်ရှိတတ်သည့် သဘောဆောင်သောကြောင့်
မဟာဝီရ (Mahavira)သည် ဖျက်ဆီးခြင်းမှ
ရှောင်ကြဉ်လေ၏။
လမ်းလျှောက်သောအခါ သူသည်
စက္ခုနြေ္ဒကို ချလျက် မိမိရှေ့ တူရူ လူတရပ်စာခန့်
မြေအပြင်ကိုသာကြည့်၍ လျှောက်တတ်သည်။
ဘေးသို့လည်းကောင်း နောက်သို့လည်းကောင်း
အနည်းငယ်စီကြည့်၍ သူလျှောက်ရမည့်လမ်းကို
အထူးဂရုပြု ကြည့်ရှုကာသာ လျှောက်လှမ်း၏။
ဤသည်မှာ လမ်းပေါ်ရှိသက်ရှိများကို
ခြေဖြင့် မနင်းမိစေရန်ဖြစ်သည်။လမ်းသွားသော
အခါ လမ်းကို ရှင်းလင်းသုတ်သင်ရန်အတွက်
နူးညံ့သော တံမြက်စည်းတလက်ကို
ဆောင်ယူသွားလေ့ရှိ၏။ပိုးမွှားများ လမ်းပေါ်
ကျရောက်နေလျှင် နင်းမိပြီး သေဆုံးကြမည်ကို
စိုးရိမ်သောကြောင့်ဖြစ်သည်။
[၄]
" (Mohsha) မောက္ချ ကို ရရှိရန် ကျင့်ခြင်း "
သူသည် ဆွမ်းဆန်စိမ်းကို မည်သည့်အခါမှ
မခံယူ။ဆွမ်းခံသော အခါမှာပင် မိမိအတွက်
ရည်ရွယ်၍ ချက်ပြုတ်အပ်သော ဆွမ်းကို မခံ။
သူများစားရန်ချက်ထားသော အစားအစာမှ
ဖယ်၍ ချန်၍ လောင်းအပ်သော ဆွမ်းကိုသာ
ခံ၏။မိမိအတွက် ရည်ရွယ်သော ဆွမ်းတွင်
သက်ရှိသတ္တဝါကို သတ်ဖြတ်၍ ချက်ပြုတ်
လှူဒါန်းက မိမိတွင် အပြစ်မကင်းဖြစ်မည်ကို
စိုးသောကြောင့်ဖြစ်သည်။
ရေကို သောက်သောအခါ၌လည်း
အဝတ်ဖြင့် စစ်ပြီးမှ သုံးဆောင်တတ်၏။
ထို့အတွက် ရေစစ်ရန်အတွက် မိမိနှင့်အတူ
ပိတ်စတခုကို ယူဆောင်သွားလေ့ရှိသည်။
ထို့နောက် သပိတ်ထဲဆွမ်းတွင်လည်း
သက်ရှိပါမပါ စိစစ်၏။ထိုအရာများပါလျှင်
၎င်းအစိတ်အပိုင်း ဖယ်ရှားစွန့်ပစ်ပြီး
ကျန်သောဆွမ်းကိုသာ စား၍
မျှတလေသည်။
မဟာဝီရ (Mahavira)သည်
ဤသို့ ကျင့်ကြံ၍ နေတော်မူခြင်းမှာ
ဘဝသံသရာမှ လွတ်ကြောင်းဖြစ်သော
(Mohsha) မောက္ချ ကို ရရှိရန် မျှော်လင့်၍
ကျင့်ကြံအားထုတ်ခဲ့ခြင်းဖြစ်၏။
[၅]
" ဥာဏ်အလင်း (တရား) ရခြင်း "
ဆယ့်သုံးနှစ်မြောက်သောအခါ နွေရာသီ
ဒုတိယလ၏ စတုတ္ထသီတင်း နှစ်ပတ်တွင်
အရိပ်များ အရှေ့ဘက်သို့ လှည့်သွားသော
အချိန်၌ (Grimbikagrama) " ဂရဂမ္ဘီက ဂရမ္မ "
မြို့၏ အပြင်ဘက်အရပ် ( Rigupalika) ရိဂုပါလိက
မြစ်၏ မြောက်ဘက်ကမ်းရှိ အိမ်ရှင် (Samaga)
သမဂ လယ်ကွက်အတွင်း တခုသောကျောင်းအို
ကြီး၏ မြောက်ဘက်စူးစူး အင်ကြင်းပင်တပင်နှင့်
မဝေးလှသော နေရာ၌ ဆောင့်ကြောင့်ထိုင်လျက်
ကမ္မဋ္ဌာန်းတရားကို ပွားများအားထုတ်နေစဉ်
မဟာဝီရ (Mahavira)သည် နိဗ္ဗာန်ကို
မျက်မှောက်ပြုတော်မူသည်။အလုံးစုံသော
ဥာဏ်တော်၏ အဆုံးဖြစ်သော (Kevala)
ကေဝလဥာဏ်တော်ကို ရတော်မူခဲ့လေသည်။
မဟာဝီရ (Mahavira)က
နတ်များထံမှ အမအစကိုလည်း
မမျှော်လင့်ကြနှင့် ။ နတ်များသည်ပင်လျှင်
ရွေးနုတ်ကယ်တင်ခြင်းကို အလိုရှိနေကြသူများသာ
ဖြစ်ကြကုန်သည်ဟု ဟောကြားခဲ့၏။
မဟာဝီရ (Mahavira)၏ အလေးအနက်
ဟောကြားသော စကားမှာ " လူသား l
သင်သည်သာလျှင် သင်၏ ကလျာဏမိတ္တအစစ်
ဖြစ်၏။ အဘယ်ကြောင့် သင့်ကိုယ်မှ အပဖြစ်သော
မိတ်ကောင်း ဆွေကောင်းကို အပြင်မှာ ရှာသနည်း"
ဟူ၍ ဖြစ်သည်။
[၆]
" ဂိုဏ်းကွဲများနှင့် နိဂုံး "
ဂျိန်းဘာသာကိုးကွယ်မှု သမိုင်း
အစတွင် ဂျိန်းဘာသာဝင်များ အဝတ်ဝတ်သင့်
မဝတ်သင့် ပြဿ နာအပေါ် သဘောထား
ကွဲကြသေးတယ်။
" သွေတမ္ဘရ " (သို့မဟုတ်) အဝတ်အဖြူဝတ်
ဂိုဏ်းသားများသည် အနည်းဆုံး အဝတ်တပိုင်းတစ
ဝတ်ဆင်ရေးအမြင်အပေါ် လွပ်လပ်စွါ ရပ်တည်
ခဲ့ကြသည်။ ဘာသာရေး အယူ ပြင်းထန်တိကျ
သူများပါဝင်သော " ဒီဂမ္ဘရ " ဂိုဏ်းသားများကမူ
အခြေအနေအရသာ အဝတ်ဝတ်ဆင်သည်။
" ဒီဂမ္ဘရ " ဂိုဏ်းသားများက အမျိုးသမီးများသည်
အမျိုးသား မဖြစ်မချင်း ဘဝလွတ်မြောက်ရေး
မောက္ချကို မရနိုင်ဟု ယူကြ၏။အမျိုးသမီးမှာ
ယောက်ျားအဖြစ် ပြန်လည်မွေးဖွားခြင်းသာ
အဓိက ဖြစ်သည်။
အခြာသော ဂျိန်းဘာသာ ဂိုဏ်းကွဲတခုလည်း
ရှိသေး၏။ ၎င်းမှာ (Sthanakvasi)
" သဋ္ဌာနသိ ဂိုဏ်း " ဖြစ်သည်။ ထိုဂိုဏ်းသည်
ရုပ်တု ကိုးကွယ်ခြင်းလည်း မရှိ။ ဘုရားဝတ်ကျောင်း
တည်ဆောက်ခြင်းလည်း မရှိပေ။သူတို့သည်
နေရာတိုင်း၌ ကမ္မဋ္ဌာန်း ဘာဝနာ ပွါးများခြင်းဖြင့်
ဝတ်ပြုကြလေသည်။
မဟာဝီရ (Mahavira)သည်
သူ၏ ခန္တာကိုယ်ကို လုံးဝ
အောင်နိုင်သူဖြစ်၍ အလုံးစုံသော အကုသိုလ်
ဖြစ်ကြောင်းဖြစ်သော ကိလေသာအာရုံ
ကာမဂုဏ်တို့ကို ပယ်သတ်နိုင်ခဲ့ခြင်းကြောင့်
သူ့နောက်လိုက် (ဂျိန်းဘာသာဝင်) များက
သူ့ကို ဇိန (ဂျိန) ဟု ခေါ်ဆိုကြ၏။
မဟာဝီရ (Mahavira)သည် ယခုအခါ
(Isatpragbhara) ဣသတ္တပရဂဗ္ဘာရ ဟု
ခေါ်သော အမတသုခဘုံ၌ နောင်တဖန်
ပဋိသန္ဓေ နေရခြင်းဆင်းရဲမှ ကင်းလျက်
စံနေတော်မူပြီဟု ဂျိန်းဘာသာဝင်များက
ယုံကြည်ကြလေသည်။
----------------------------
-----------------------------
*********
ဗုဒ္ဓဘာသာ [Buddhism ]
*************
[၁]
" ဗုဒ္ဓဘာသာ အစ "
ဗုဒ္ဓဘာသာသည် ဂျိန်းဘာသာ ပေါ်ပြီးနောက်
ပေါ်ပေါက်ခဲ့သော အယူဝါဒ ဖြစ်သည်။
ကာလ၏ အဓွန့်ရှည်ကြာသော သဘောအရ
ဂျိန်းဘာသာနှင့် မရှေးမနှောင်း ခေတ်ပြိုင်လို
ဖြစ်နေ၏။
ဗုဒ္ဓဘာသာသည်လည်း ဂျိန်းဘာသာကဲ့သို့ပင်
အိန္ဒိယ၏ ခတ္တိယမျိုးနွယ်မှ ဆင်းသက်လာသော
အယူဝါဒပင်။
မဟာဝီရကဲ့သို့ပင် ဗုဒ္ဓသည်လည်း ဗြဟ္မဏဝါဒ၏
ဒဿ နများကို လက်မခံဘဲ ထိုအယူဝါဒများသည်
ခိုင်လုံသော အထောက်အထားမရှိဟု ယူဆပြီး
ဝေဒကျမ်းပါ ပူဇော်ပသမှုများသည် လူသားကို
ကယ်တင်နိုင်သော အစွမ်းအာနိသင်ပါသည်ဆိုသော
အချက်ကို ငြင်းပယ်၏။
ထို့ပြင် ဗြဟ္မဏပုဏ္ဏားနတ်ဆရာများသည်သာ
လူသားတို့၏ ဘဝလွတ်မြောက်ရေးလမ်းကို
ရှာဖွေပေးနိုင်သော အခွင့်အာဏာရှိသည်ဆိုသည့်
အချက်ကိုလည်း ဗုဒ္ဓက စိန်ခေါ်ခဲ့လေသည်။
ဂျိန်းဘာသာနှင့် ဗုဒ္ဓဘာသာသည် အချို့သော
အချက်များ၌ တူညီသယောင်ရှိသော်လည်း
ဖြောင့်ဖြောင့်ကြီး ဆန့်ကျင်နေသော အချက်များလည်း
ရှိ၏။
ဂျိန်းဘာသာနှင့် ဗုဒ္ဓဘာသာကို တူညီသည်ဟု
ပြောဆိုမှုများသည် ထိုအယူဝါဒနှစ်ခုအား
လုံးစေ့ပတ်စေ့နားမလည်သူများ၌
ဖြစ်ပေါ်တတ်သော ပြဿ နာတခုပင်။
[၂]
" ဂျိန်းဘာသာနှင့် ဗုဒ္ဓဘာသာ တူညီချက်များ "
" မဟာဝီရ " နှင့် " ဗုဒ္ဓ " သည်
ထင်ရှားသော ခတ္တိယမင်းမျိုးမှ ဆင်းသက်
လာကြသူများဖြစ်၏။နှစ်ပါးစလုံးသည်
လက်ထက်ထိမ်းမြားခဲ့ပြီး သားသမီး
တယောက်စီ ရရှိခဲ့သည်။နှစ်ပါးစလုံးက
ဗြဟ္မဏများ၏ နတ်ဘုရားတပါးတည်း
ရှိသည်ဆိုသော ဖန်ဆင်းရှင်ဝါဒ
" ဧကတ္တဝိဥာဏ " ဝါဒကို ငြင်းပယ်ခဲ့ကြ၏။
ဝေဒကျမ်းပါ ပူဇော်ပသမှုများသည် လူသားကို
ကယ်တင်နိုင်သော အစွမ်းအာနိသင်
ပါသည်ဆိုသောအချက်ကို
ငြင်းပယ်ကြ၏။
သံဃာ နှင့် သီလရှင် (ဘိက္ခု နှင့် ဘိက္ခုနီ)
အဖွဲ့အစည်းကို ထူထောင်ခဲ့ကြသည်။
ထိုသံဃာ့အဖွဲ့အစည်း ထူထောင်ခြင်းဖြင့်
ဗြဟ္မဏတို့၏ ဇာတ်ခွဲခြားခြင်း စနစ်ကို
ပယ်ပစ်လိုက်ခြင်းပင်ဖြစ်တော့၏။
" ဂျိန်းဘာသာနှင့် ဗုဒ္ဓဘာသာ မတူညီမှု "
ဂျိန်းဘာသာက " အတ္ထကိလမထနုယောဂ "
ဟုခေါ်သော အထူးခြိုးခြံ၍ ကျင့်ရသော
" တပေါ " အကျင့်သည်သာ ဘဝ၏
လွတ်မြောက်ရေးကို ဖြစ်စေနိုင်သည်ဟု
ယုံကြည်ချက်ထားသည်။ဗုဒ္ဓဝါဒအရမူ
နှစ်ဖက်အစွန်းမရောက်သော
" မဇ္ဈိမ ပဋိပဒါ " အလယ်အလတ်ကျင့်စဉ်
သည်သာ ဘဝ၏ လွတ်မြောက်ရေး လမ်းမှန်
ဖြစ်သည်ဟု ယူသည်။
ဗုဒ္ဓ၏ ထူးခြားချက်မှာ သူ့ခေတ်သူ့အခါက
ပေါ်ပေါက်ခဲ့သော ဘာသာရေးခေါင်းဆောင်များ
အတွေးအခေါ်ပညာရှင်များ ဟောကြားအပ်သော
လွတ်မြောက်ရေးကျင့်စဉ်များကို လက်တွေ့ကျကျ
စမ်းသပ်ကျင့်ကြံ စစ်ဆေးခဲ့ခြင်းဖြစ်၏။
ထိုသို့ ကျင့်ကြံခြင်း၌ ဗုဒ္ဓသည် အသက်ကိုပင်
ပဓါနမထားဘဲ ကျင့်ကြံခဲ့ခြင်းပင်။ဤသို့
စုံအောင်စေ့အောင် ကျင့်ကြံပြီးမှ
နောက်ဆုံးရှာတွေ့သောလမ်းစဉ်
" မဇ္ဈိမ ပဋိပဒါ " အလယ်အလတ်ကျင့်စဉ်
သည်သာ ဘဝ၏ လွတ်မြောက်ရေး လမ်းမှန်
ဟူ၍ ရှာဖွေတွေ့ရှိသွားခြင်းဖြစ်၏။
[၃]
" သိဒ္ဓတ္ထ "
သိဒ္ဓတ္ထ မင်းသားကို ဘီစီ - ၅၆၀
(BC-560) တွင် ကပ္ပိလဝတ်ပြည်၌
ဖွားမြင်သည်။ထိုပြည်သည် အိန္ဒိယပြည်
မြောက်ပိုင်း ဗာရာဏသီမြို့နှင့် မိုင်တရာခန့်
အကွာမှာရှိသည်။ဟိမဝန္တာတောင်ခြေရှိ
မြေသြဇာကောင်းသော အရပ်မှ တိုင်းပြည်
တခုဖြစ်၏။သူ့ဖခင်သည် သကျသာကီဝင်
အမျိုးအနွယ်၏ အကြီးအကဲဖြစ်သည်။
သိဒ္ဓတ္ထ ဆိုသော အမည်သည် မျိုးရိုးအမည်
မဟုတ်။မှည့်ခေါ်သော အမည်ဖြစ်သည်။
ဖခင် ဘုရင်ကြီးသည် သိဒ္ဓတ္တမင်းသား
ငယ်စဉ် ဘဝကတည်းကဘာသာရေးဘက်သို့
စ်ိတ်မပြောင်းစေရန် လူ့ဘဝ၏ အိုခြင်း နာခြင်း
သေခြင်း စသည်တို့ကို မမြင်တွေ့ရလေအောင်
သူ့သားအတွက် နွေ မိုး ဆောင်း ရာသီပြောင်း၍
စံမြန်းရန် အတွက် နန်းဆောင်သုံးဆောင်
ဆောက်လုပ်ထားလေ၏။ဥယျာဉ်ထွက်တော်မူရာ
လမ်းတလျှောက်လည်း လုလင်ပျို လုံမပျိုများ
ပျော်ရွှင်မြူးတူးကခုန်နေသည်ကိုသာ
ုမြင်တွေ့စေရန် စီမံထားရှိ၏။
သိဒ္ဓတ္ထ မင်းသားတောထွက်ချိန်တန်လျှင်
တာဝတိံသာ နတ်များက လူ့ပြည်ကို နတ်သား
တို့ စေလွှတ်ပြီး နိမိတ်ကြီးလေးပါး ပြသည်ဟု
ဆိုရိုးစကားရှိကြသည်။ စာရေးသူတော့
ထိုသို့ မမြင်မိ။ သိဒ္ဓတ္ထ မင်းသားခမျာလည်း
နန်းဆောင်များ၌ နေရသည်ကို ငြီးငွေ့သဖြင့်
အပြင်သို့ ခိုးထွက်သောအခါ နိမိတ်ကြီးလေးပါးကို
တွေ့ဟန်ရှိလေသည်။နိမိတ်ကြီးလေးပါးမှာ
သူအိုကိုတွေ့ခြင်း l သူနာကို တွေ့ခြင်း l
သူသေကို (မသာ)တွေ့ခြင်း l ရဟန်းမြတ်ကို
တွေ့ခြင်းတို့ဖြစ်သည်။
[၄]
" ကာလမသုတ်နှင့် ဘုရားမဖြစ်ခင်အကျင့်များ "
ဗုဒ္ဓ ဖြစ်ပြီးသောအခါ ဟောကြားသော
ဖတ်ရှု ကြားနာရသူတိုင်း အံ့သြချီးမွမ်းဖွယ်ဖြစ်သည့်
ကာလာမသုတ်ကို ဟောကြားခဲ့သည်မှာ
အကြောင်းမဲ့သက်သက်တော့ မဟုတ်ချေ။
ဗုဒ္ဓမဖြစ်မီ အချိန်၌ သူတော်စင် ဘဝကပင်
ကာလာမသုတ်အတိုင်း ကျင့်ကြံအားထုတ်ခဲ့သော
ကြောင့်သာ " သဗ္ဗညုတ ဥာဏ်တော် " ကြီးကို
ရရှိခဲ့ပြီး ဘုရားဖြစ်လာခြင်းဖြစ်ပေသည်။
ဗုဒ္ဓဘာသာဝင်အပေါင်းတို့၏ ဂုဏ်ယူဖွယ်ရာ
ဖြစ်သော ဗုဒ္ဓဟောကြားသည့် ကာလာမသုတ်
ဆိုသည်မှာ ဗုဒ္ဓ၏ ဘဝ အတွေ့အကြုံ
အစစ်ကြီးပင် ဖြစ်တော့လေသည်။
ဗုဒ္ဓသည် ဗြဟ္မဏ ဝါဒတို့အား
ဥဒကရာမ ပုတ္တ l အဠာရကာလာမ အစရှိသူတို့
ထံတွင် တပည့်ခံကာ ယောဂအကျင့် l ချိုးခြံသော
အကျင့် l လောကီဈာန် ရစေနိုင်သော သမာပတ်
ရှစ်ပါးကမ္မဋ္ဌာန်းနည်း l နေဝသညာနာသညာဈာန်ကို
ရစေနိုင်သောအကျင့် l ဂျိန်းဘာသာဝင်တို့၏
မိမိခန္ဓာကိုယ်ကို ညှဉ်းဆဲ၍ ခြိုးခြံစွါ ကျင့်ရသော
တပ အကျင့် l ပင်ပန်းဆင်းရဲကြီးဆုံးသော
ဒုက္ကရစရိယအကျင့် အစရှိသည်တို့အပြင်
တရားဥာဏ်သာ ရမည်ဆိုလျှင် မည်သို့သော
အကျင့်ကိုဖြစ်စေ ဗုဒ္ဓ ကျင့်ခဲ့သည်ချည်းဖြစ်၏။
အော်ဂလီဆန်စရာကောင်းသော အစားအစာ
တို့ကို စားခဲ့သည်။ဣရိယာပုတ် တခုတည်းဖြင့်
ရက်များစွါ တနေရာတည်းမှာ ရပ်လျက်နေခဲ့သည်။
တခါတရံ ဆောင့်ကြောင့်ထိုင်လျက် အကြာကြီး
နေခဲ့၏။ဆူးအခင်း အင်းပျဉ်ပေါ်လည်း အိပ်သည်။
ထိုင်၍လည်း နေသည်။သုသာန်များ၌ လူသေကောင်
ပုပ်များ l မီးရှို့ထားသော အရိုးပုံများ အကြား
အိပ်၏။တကိုယ်လုံး ဖုန်မှုန့်များ လိမ်းကျံဖုံးအုပ်
နေသည့်တိုင် ကျင့်သည်။ဆန်တစေ့ ဂျုံ တစေ့
လောက်ဖြင့် အဟာရကိစ္စပြီးအောင် ကျင့်၏။
တနေ့တာအတွက် သစ်သီးတလုံးမျှဖြင့်
ပြီးစီးခဲ့သည်။
[၅]
" ဗုဒ္ဓ "
အထက်ပါအတိုင်းကျင့်ကြံသော်လည်း
ရဟန်းဂေါတမအဖို့ စိတ်ပျက်ဖွယ်ရာသာ
ကြုံခဲ့လေသည်။တရား မရခဲ့။
ထို့ကြောင့် သဗ္ဗညုတဥာဏ်ရဖို့အရေး
နည်းလမ်းသစ်ကို စူးစမ်းရှာဖွေ ပြန်၏။
သူသည် ကျင့်ကြံရင်း လှည့်လည်ရင်း
ယခုအခေါ် ဗုဒ္ဓဂါယာဟုခေါ်သော အရပ်သို့
ရောက်လာ၏။ထိုနေရာအနီး တောအုပ်ငယ်
တခုရှိ၏။ သစ်ပင်တစ်ပင်၏ ခြေရင်း၌ ထိုင်သည်။
ထိုသစ်ပင်ကို ဗောဓိညောင်ပင်ဟု ခေါ်ကြ၏။
ဗောဓိပင်အောက်တွင် သူသည် ဝိပဿ နာ
ကမ္မဋ္ဌာန်း ဘာဝနာကို ပွါးများ
အားထုတ်လေတော့သည်။
သူအားထုတ်ခဲ့သော ထို ဝိပဿ နာ
ကမ္မဋ္ဌာန်းသည် နောင်အခါ သူ့နောက်လိုက်
သန်းပေါင်းများစွါတို့ လိုက်နာကျင့်ကြံအားထုတ်
သော တရားနည်းဖြစ်၏။ ဗုဒ္ဓကိုယ်တော်တိုင်
ရှာဖွေတွေ့ရှိခဲ့သော အဆိုပါနည်းသည်
လူတန်းစားမည်သူမဆို မည်သည့်ဘာသာ
အယူဝါဒ ကိုးကွယ်သူမဆို ဒုက္ခိတ ခြေပြတ်
လက်ပြတ်ပါမကျန် ယောက်ျား မိန်းမမရွေး
လျောင်း ထိုင် ရပ် သွား ဣရိယာပုတ် လေးပါးစလုံး
အားထုတ်နိုင်သော နည်းဖြစ်သည်မှာတော့
အံ့ချီး၍ မကုန်နိုင်စရာပင်။
ဗုဒ္ဓသည် သူ သဗ္ဗညုတ ဥာဏ်တော်ကြီးရတော်
မူခဲ့သော အထက်ပါ ဝိပဿ နာ ကမ္မဋ္ဌာန်းကြီးကို
အလွယ်တကူ ရလာသည်မဟုတ်။ နှစ်များစွါ
မသေရုံတမယ် နည်းလမ်းပေါင်းစုံဖြင့် ရှာကြံ
ဒုက္ခခံပြီးမှသာ ရရှိလာခဲ့ခြင်းဖြစ်၏။
ဤသို့သူရခဲ့သော ကမ္မဋ္ဌာန်းကျင့်စဉ်ကြီးအား
လောက လူသားအပေါင်းကို မဟာကရုဏာ
တော်ကြီးဖြင့် ရက်ရက်ရောရော
ထားရှိပေးခဲ့ တော့လေသည်တကား …………
………………………………………………………………
…………………………………………………………………
မောင်သုခ
[13-Jan-2018]
[၁]
ဘဂဝဒ် ဂီသာကျမ်း …
[၂]
မင်းမောင် [ဒဿ နိက ]
ဟိန္ဒူ ဓမ္မ ယဉ်ကျေးမှု မိတ်ဆက်
[၃]
ဆန်းလွင်
" လူတို့ ကိုးကွယ်ရာ ဘာသာကြီးများ "
" Man's Religions " ( John B.Noss)
____________________________
_______________________________
" ဂျူးဘာသာ_ ခရစ်ယာန်ဘာသာ _ အစ္စလာမ်ဘာသာ "
________
မောင်သုခ
__________
[၁]
" ဂျူးဘာသာ "
ဂျူးဘာသာသည် ခရစ်တော်မပေါ်မီ
နှစ်ပေါင်း ၁၂၃၀ (BC _1230) တွင် ပေါ်ပေါက်ခဲ့၍
စတင်တည်ထောင်သူမှာ ဂျူးလူမျိုး
(Moses) မိုးဇက် (မောရှေ)ဖြစ်ပြီး
စတင်ပေါ်ပေါက်ရာ ဒေသသည်
အစ္စရေးတိုင်းပြည် ဖြစ်၏။အဓိက
ဘာသာရေးကျမ်းဂန်မှာ ဓမ္မဟောင်း
(Hebrew Bible) ဖြစ်သည်။
မိုးဇက်(Moses) သည် ဘုရားသခင်
အလိုတော်အရ ဟေဗြဲလူမျိုးများကို
ဖာရိုးဘုရင်၏ အီဂျစ်ပြည်၌ ကျွန်ပြုခံနေရခြင်းမှ
ခေါ်ဆောင် ကယ်ထုတ်လာပြီးနောက်
ထို ဟေဗြဲလူမျိုးများသည် ထာဝရဘုရားရှင်နှင့်
ပဋိညာဉ်ပြုရန် လိုလားလျက်ရှိကြလေသည်။
နေရာမှာ ဆိုင်းနိုင်းတောင်ဟု ခေါ်သော
တောင်မြတ် ခြေရင်းတွင် ဖြစ်သည်။ထိုတောင်ကို
ဟိုရက်ဗ် တောင်ဟုလည်း ခေါ်ကြ၏။
ထို ဟိုရက်ဗ်တောင်မြတ် တည်ရှိရာ အရပ်ကိုမူ
ယခုတိုင်အောင် တိတိကျကျ မသိရသေးဘဲ
အငြင်းပွါးစရာ ဖြစ်ဆဲ ဖြစ်၏။
အစဉ်အလာ အယူအဆအရ ဆိုလျှင်
ထိုတောင်သည် ဆိုင်းနိုင်းကျွန်းဆွယ်၏
တနေရာရာမှာ ရှိသည်ဟု ယူဆရာပေသည်။
သို့ရာတွင် မကြာမီက သုတေသီပညာရှင်များကမူ
ထိုတောင်၏နေရာသည် ပင်လယ်သေ၏
အနောက်တောင်သို့ အနည်းငယ်ကျသော
(Aqabar Gulf) အကွာဘာ ပင်လယ်ကွေ့ထိပ်
(သို့မဟုတ်) (Kadesh - Barnea) ကာဒက်ရှ်
ဘာနီးယား ဒေသအတွင်းမှာ တည်ရှိသည်ဟု
ဆိုကြသည်။
မိုးဇက်(Moses) သည် ယာဝေးနတ်ဘုရားနှင့်
ဆွေးနွေးညှိနှိုင်းရန်အတွက် တောင်ပေါ်သို့
တက်သွားလေသည်။ နောက်ရက်အတန်ကြာ
သောအခါ ဟေဗြဲ လူမျိုးများအတွက် ယာဝေး
နတ်ဘုရား အလိုတော်ရှိသော အချက်များကို
ယူဆောင်၍ ပြန်ဆင်းလာခဲ့လေသည်။
ထို ယာဝေး နတ်ဘုရား၏ အလို ဆန္ဒတော်များကို
အကျဉ်းချုပ်၍ " ပညတ်တော်များ " ဟုခေါ်၍
ကျောက်ပြားပေါ်တွင် ကျောက်စာများအဖြစ်
ထွင်းထု ထားလေသည်။
နောက်အခါ ထိုပညတ်တော်များကို
ချဲ့ထွင်ပြီးလျှင် " တော်ရာကျမ်း "(Torah)
သို့မဟုတ် ဓမ္မသတ် (Law) အဖြစ်
ဖန်တီးခဲ့ကြလေသည်။
မှတ်တမ်းပေါ်တွင် ပညတ်တော်များကို
နှစ်ပိုင်းခွဲ၍ ကဗ္ဗည်းတင်ထားသည်။ကျောက်ပြား
တချပ်ပေါ်တွင် ကိုယ်ကျင့်တရားနှင့်ဆိုင်သော
ဥပဒေ စည်းမျဉ်းများကို ဖော်ပြထားသည်။
ထို ကဗ္ဗည်းကျောက်စာချပ်ပေါ်တွင် ပါသော
ကိုယ်ကျင့်သီလ ပညတ်တော်များကို
" ပညတ်တော် ဆယ်ပါး " ဟု လူသိများ၏။
" (Wailing Wall) ငိုကြွေးတံတိုင်း "
နီရိုးဘုရင် နတ်ရွာစံသောအခါ ဗိုလ်ချုပ်
(Vespasian) ဝဿ ပါရှန် ကို ရောမသို့
ပြန်ခေါ်ပြီး နန်းတင်ကြလေသည်။ထိုမင်းသည်
သူ၏ သားတော် (Titus) တိုက်တပ် ကို
စစ်ဗိုလ်ချုပ်ခန့်ပြီး ဂျူးလူမျိုးများကို တိုက်စေ၏။
ထိုစစ်ပွဲတွင် ဂျူးတို့သည် အညံ့မခံ လက်နက်မချဘဲ
သူရဲကောင်းဆန်စွါ ရောမတပ်ကြီးကို
ပိတ်ဆို့ခုခံသောကြောင့် ဂျေရုစလင်မြို့ကြီး
ဖျက်ဆီး ခံလိုက်ရသည်။ဂျေရုစလင်မြို့၏
အမည်ကိုလည်း ရောမလူမျိုးများက
" ဧလိယာ ကက်ပိတိုလီနာ "ဟူ၍
ပြောင်းပစ်လိုက်ကြ၏။
ထိုစဉ်အခါက ဂျူးလူမျိုးများသည်
ဂျေရုစလင် မြို့တော်ထဲ ချေချခွင့် မဆိုထားနှင့်
မြို့တော်အနီးအနား မယောင်မလည် လာကြည့်ခွင့်
ကိုပင် တားမြစ်ပိတ်ပင်ထားပြီး တွေ့လျှင်
သေဒဏ်အပြစ်ပေးစေခဲ့၏။
ဂျူးဘုရားကျောင်းတော်ကြီးကို ဖျက်ဆီးသည့်
နှစ်ပတ်လည်ရောက်သောအခါမှသာ
ဘုရားဝတ်ကျောင်းတော်ဟောင်း၏
ကျွင်းကြံရစ်သော အုတ်ခုံနံရံသို့လာပြီး
မိမိတို့၏ အမျိုးသားရေး အဆောက်အဦးကြီး
ပျက်စီးဆုံးရှုံးရခြင်းအတွက် ဂျူးလူမျိုးများ
ပျက်စီးဆုံးရှုံးရခြင်းအတွက် ထိုအုတ်နံရံကိုမှီပြီး
ညည်းတွား ငိုကြွေး ဆုတောင်းခြင်းကို
ခွင့်ပြုခဲ့လေသည်။
ထိုနံရံ၌ " ငိုကြွေး မြည်တမ်း ဆုတောင်းခြင်း "
အလေ့အထသည် ယနေ့ခေတ်တိုင်အောင်
တည်မြဲလျက် ရှိနေပေတော့၏။
ဖျက်ဆီးခံရသော ဘုရားကျောင်းနေရာသို့
ဂျူးလူမျိုးအများအပြား လာရောက်ငိုကြွေး
ဆုတောင်းလေ့ရှိကြသဖြင့် ယင်းတံတိုင်းကို
ငိုကြွေးတံတိုင်း(Wailing Wall) ဟု
ခေါ်ဆိုကြလေသည်။ဤအဖြစ်အပျက်သည်
အေဒီ (၆၆) ခုနှစ် ဝန်းကျင်တွင် ဖြစ်ပွါးခဲ့ပြီး
ယနေ့အချိန်ကနေ၍ တွက်ဆကြည့်လျှင်
နှစ်ပေါင်း (၁၉၅၀) တထောင့်ကိုးရာငါးဆယ်
ခန့်ကြာမြင့်ခဲ့လေပြီ။ ဂျူး လူမျိုးများနှင့်
ဂျူးဘာသာဝင်တို့အဖို့ ငိုကြွေး၍ မဆုံးနိုင်ကြ
လောက်အောင် နှမြောတသ အောက်မေ့စရာ
အကြောင်းကိစ္စကြီးပင် ဖြစ်လေတော့သည်။
[၂]
" ခရစ်ယာန်ဘာသာ "
ခရစ်ယာန်ဘာသာသည်
(AD-100) အေဒီတစ်ရာစုဝန်းကျင်တွင် ပေါ်ပေါက်ခဲ့၍
စတင်တည်ထောင်သူမှာ ဂျူးလူမျိုး ယေရှု
ဖြစ်ပြီး စတင်ပေါ်ပေါက်ရာဒေသသည်
အစ္စရေးတိုင်းပြည်ဖြစ်သည်။အဓိက
ဘာသာရေး ကျမ်းဂန်မှာ သမ္မာကျမ်းစာ
(ဓမ္မဟောင်း _ဓမ္မသစ်) ဖြစ်၏။ခရစ်ယာန်
ဘာသာသည် ခရစ်တော်မွေးဖွားသော
ဘီစီ (BC-4) လေးခုနှစ်တွင် စတင်
အမြစ်တွယ်လာသည်ဟု ပြောနိုင်သော်လည်း
ဓမ္မဟောင်းကျမ်းစာမှ သိသိသာသာကွဲထက်လာ၍
ကျမ်းစာအသစ်အဖြစ် (ဓမ္မသစ်ကျမ်း) ပေါ်ပေါက်
လာခဲ့သော အေဒီ- ၁၀၀ (AD-100) ခုနှစ်ကိုသာ
ခရစ်ယာန်ဘာသာ ပေါ်ပေါက်သည်ဟု
ဆိုလိုက်ပါသည်။
ယေရှုအား ဘီစီ (၄) ခုနှစ် ပတ်ဝန်းကျင်ခန့်တွင်
မွေးဖွားခဲ့သည်။ ထိုအချိန်က မဟာ ဟီရော့ဒ်ဘုရင်
အသက်တော်ထင်ရှား ရှိသေးသည်။ဤအချက်
အထောက်အထားများနှင့် အခြားသက်သေခံ
အထောက်အထားများအရ တမန်တော်ယေရှုကို
( Tiberius Caasar)တိုင်ဗေးရီးယပ်
ဆီဇာဘုရင် နန်းစံ (၁၅) နှစ်တွင်
ကားစင်တင်၍ သတ်ဖြတ်ခြင်းခံရသည်ဆိုသော
ရှင်လုကာ၏ သက်သေခံချက်များအရ ယေရှု
ခရစ်တော်၏ မွေးနေ့သည် ထို့ထက်ရှေးကျနိုင်သည်ဟု
မှတ်ယူရန် အကြောင်းရှိပေသည်။ရှင်မသဲနှင့်
ရှင်လုကာတို့၏ အဆိုအမိန့်များအရ
တမန်တော်ယေရှုကို ဂျေရုဆလင်မြို့၏တောင်ဘက်
ကျသော (Bethelhem) ဘယ်သယ်ဟမ် မြို့တွင်
မီးရှူး သန့်စင် ဖွားမြင်သည်ဟု ဆိုသည်။
ထိုအချိန်က ဂျိုးဆက်(ယောဆက်) နှင့်
မေရီတို့သည် ထိုမြို့သို့ အလည်အပတ်
ရောက်နေသည်ဟု ဆို၏။အလည်အပတ်
ရောက်နေခြင်းမှာ ထိုစဉ်က သန်းခေါင်စာရင်း
ပြုလုပ်နေသဖြင့် သူတို့၏အမည်ကို
မှတ်ပုံတင်ရန်ရောက်နေခြင်းပင်။
ဧဝံဂေလိ သတင်းကောင်းဆောင်ယူလာသူ
များ၏ အလိုအရ ယေရှုမိသားစု၏ နေရင်းဒေသမှာ
ဂါလီလီ ဒေသရှိ (Nazareth) နာဇရက်မြို့ဖြစ်သည်။
ထိုမြို့တွင် ဂျိုးဇက်သည် အသက်မွေးဝမ်းကျောင်းအဖြစ်
လက်သမားအလုပ်ကို လုပ်ကိုင်နေခဲ့သူဖြစ်၏။
ယေရှု အနေနှင့်မူ ထိုမြို့တွင် မွေးဖွားပြီးနောက်
ရက်သတ္တပတ် အနည်းငယ်သာ နေခဲ့သည်ဟု
ဆိုကြသည်။
ဂေါ့စပယ် (Gospel) ခေါ် သတင်းကောင်း
ဆောင်ယူလာသူများထံမှ ရသော
အတွင်းရေး သက်သေခံ အထောက်အထား
များအရ ယေရှုသခင်၏ မိဘများမှာ
သာမာန် အရပ်သူ အရပ်သားများဖြစ်ကြပြီး
ဘာသာရေး အလွန်ကိုင်းရှိုင်းသူများဖြစ်ကြောင်း
သိရ၏။
ဤနေရာတွင် (BC နှင့် AD) အကြောင်းကို
ရှင်းလင်းစေရန် အလို့ငှာ အနည်းငယ် ဖော်ပြပါမည်။
(ဘီစီ)BC-ဆိုသည်မှာ BC-before Christ
(used to indicate that a date is before
the Christian Era) ခရစ်မပေါ်မီနှစ်ကို ခေါ်ဆို၏ ။
(အေဒီ)AD ဆိုသည်မှာ ခရစ်တော်မွေးဖွားပြီးနှစ်မှစ၍
ရေတွက်သည်။ AD used to indicate that
a date comes the specified number of
years after the accepted date of
Christ's birth.
[၃]
" အစ္စလာမ်ဘာသာ "
အစ္စလာမ်ဘာသာသည်
(AD_ 610) ဝန်းကျင်တွင် ပေါ်ပေါက်ခဲ့၍
စတင်တည်ထောင်သူမှာ အာရပ်လူမျိုး မိုဟာမက်
ဖြစ်ပြီး စတင်ပေါ်ပေါက်ရာဒေသသည်
အာရေဗျ နိုင်ငံ မက္ကာမြို့ဖြစ်၏။အဓိက
ဘာသာရေး ကျမ်းဂန်မှာ ကုရ်အာန်
(Quran) ကျမ်းစာ ဖြစ်သည်။
မိုဟာမက်သခင် တည်ထောင်သော
အစ္စလာမ်ဘာသာသည် စောစောကနဦး
ကာလတွင် လျင်မြန်စွါ ပြန့်ပွါးခဲ့လေသည်။
ထိုသို့ ဘာသာပြန့်ပွါးအောင် ဆောင်ရွက်ရာတွင်
စစ်မက်အင်အားကို အသုံးပြုတိုက်ခိုက်သော
နည်းလမ်းကို အသုံးပြုခဲ့လေသည်။ဤသို့
အဓမ္မနည်းကို ကျင့်သုံးပြီး အကြမ်းဖက်ပြုလုပ်ခဲ့ခြင်းကို
အရှေ့တိုင်းသားများရော အနောက်တိုင်းသားများပါ
မမေ့နိုင်သော ဖိနှိပ်ခြင်းအဖြစ် အရာထင်ခဲ့
လေတော့သည်။မွတ်ဆလင် (Muslim) ၏
အဓိပ္ပါယ်မှာ " သစ္စာခံသူ " ဟု အဓိပ္ပါယ်
ရရှိသည်။
ဥရောပအနောက်တောင်နှင့် အရှေ့တောင်ပိုင်း
တို့တွင်သာ ဤဘာသာ၏ ပြင်းထန်စွါ
တဟုန်ထိုး တိုးဝင်လာခြင်းကို ရပ်တန့်သွားအောင်
ပြုလုပ်နိုင်ပြီး ၎င်းတို့၏ တိုက်ခိုက်မှုများကို
ပြန်လည် တွန်းလှန်နိုင်လိုက်ကြသည်။
ဤ အစ္စလာမ်ဘာသာကို လက်ခံသူများသည်
အစ္စလာမ်ဘာသာပါ အယူအဆများသာ
အကြွင်းမဲ့ မှန်ကန်သော အယူဝါဒများ
ဖြစ်သည်ဟု ယုံကြည်လက်ခံကြပြီး ထိုအယူဝါဒ
များကို သူတို့နားလည်နိုင်ခြင်းကိုလည်း
ဂုဏ်ယူတတ်ကြလေသည်။
ဤဘာသာက အခြေခံကျမ်းစာတခုတည်းကိုသာ
အမိအရ ဆုပ်ကိုင်ထားသည်။ထိုကျမ်းစာပါ
အချက်များကို မူလအတိုင်း အပြောင်းအလဲမရှိအောင်
ထိန်းသိမ်းစောင့်ရှောက်လာခဲ့ကြသောကြောင့်
အဋ္ဌကထာဆရာများ၏ အဓိပ္ပါယ်ဖွင့်ဆိုမှုကြောင့်
အယူအဆကွဲလွဲဖောက်ပြန်မှု အရှုပ်အထွေးမှ
အတော့်ကို ကင်းစင်ခဲ့သည်ဟု ဆိုနိုင်ပေသည်။
ကုရ်အာန်ကျမ်းစာထဲ မပါသောအရာအားလုံးကို
သိ၍ တန်ဖိုးမရှိဟုလည်း မွတ်ဆလင်များ စိတ်မှာ
ယုံကြည်စွဲမှတ်ထားကြလေသည်။မိုဟာမက်
သခင်ဟောကြားသော တရားဓမ္မများသည်
အသစ်တခုမှမရှိ l သူ့မူရင်း ကိုယ်ပိုင်အတွေးအခေါ်
ဆို၍လည်း ဘာတခုမှ မရှိကြောင်း ထောက်ပြစေကာမူ
မွတ်ဆလင်များ အနေနှင့် သူတို့ကိုးကွယ် ယုံကြည်
နေသော ဘာသာအပေါ် အထင်ကြီးဂုဏ်ယူသော
သဘောသည် ယုတ်လျှော့သွားမည် မဟုတ်ပေ။
အစ္စလာမ်ဘာသာဝင်များက ထိုဘာာသာ
မပေါ်ပေါက်မီက ပေါ်ပေါက်ခဲ့သော
ဘာသာအယူဝါဒများမှာ ပါဝင်သော အချက်အလက်များ
တဝက်တပျက်သာ မှန်သော အချက်အလက်များမှာ
ကုရ်အာန် (Quran) ကျမ်းစာထဲ ကျမှ အားလုံး
ပြီးပြည့်စုံသွားသည်ဟုလည်း ဂုဏ်ယူဝင့်ကြွား၍
ပြောဆိုတတ်ကြသည်။
ကမ္ဘာပေါ်မှာ ပေါ်ထွန်းခဲ့သော ဘာသာတရားများ
အကြောင်းကို နှံ့နှံ့စပ်စပ် သိကြသော ဘာသာရေး
အသိကြွယ်သူများ အနေနှင့် ကုရ်အာန်ကျမ်းစာကို
ဖတ်ရှုကြည့်လိုက်သည်နှင့် တပြိုင်နက် မိုဟာမက်
သခင်သည် တခြားဘာသာများမှ အယူဝါဒများကို
ကျယ်ကျယ်ပြန့်စွါ ရယူထားကြောင်း ချက်ချင်းပင်
အလွယ်တကူ သိမြင်နိုင်ပေသည်။
[၄]
" မတူညီ ကွဲလွဲသည်များ "
ဂျူးဘာသာ l ခရစ်ယာန်ဘာသာနှင့် အစ္စလာမ်ဘာတို့သည်
ဟိန္ဒူ ဘာသာ ဗုဒ္ဓဘာသာတို့နှင့် မတူညီသော
ထင်ရှားသည့် ခြားနားချက်များရှိ၏။
သို့သော်လည်း အဆိုပါ
ဘာသာကြီး သုံးခုအတွင်း ဆက်နွယ်မှုများတွင်တော့
အံ့သြဖွယ် တူညီသည့်အချက်များလည်း ရှိနေပေသည်။
ဤဘာသာကြီး သုံးခုစလုံးတွင် တူညီသော
ဘုရားသခင်၏ တမန်တော်များကိုတွေ့ရပြီး
၎င်းတမန်တော်တို့အကြောင်း ပြောဆိုရေးသား
မှုများတွင်တော့ တဘာသာနှင့် တဘာသာ
မတူညီ ဆန့်ကျင်မှုများအထိပင် ရှိလာလေ၏။
လူပုဂ္ဂိုလ် တဦးတယောက်တည်း၏ အကြောင်း
အရင်းသည်ပင် ဘာသာသုံးခုတွင် မတူညီသော
ဆန့်ကျင်သော ခြားနားချက်များကို တွေ့လာရသောအခါ
မည်သည့်ဘာသာ ကျမ်းစာက အမှန်ဖြစ်သည်ကိုပင်
မေးခွန်းထုတ်စရာ ရှိလာပေတော့၏။
ဤဘာသာကြီး သုံးခုစလုံးမှ
ဘုရားသခင်သည်လည်း တပါးတည်းပင်
ဖြစ်လေသလော။မည်သည့် ဘုရားသခင်သည်
အစစ်အမှန်လော ဆိုသည်မှာလည်း စိတ်ဝင်စား
စရာ ဖြစ်လာတော့ပေသည်။
ကနဦးစတင်ပေါ်ပေါက်ခဲ့သော ကျမ်းစာလာ
အချက်များက မှန်ကန်ပါသလော။ အလယ်အလတ်
ပေါ်ပေါက်လာသော ကျမ်းဂန်များက အမှန်ပင်လော။
နောက်ဆုံးပေါ်ပေါက်လာ၍ (upgrade) မြှင့်တင်ထားသော
ကျမ်းဂန်လာအချက်များက မှန်ကန်သလော ဆိုသည်မှာလည်း
ဒွိဟဖြစ်စရာပင်။
မည်သို့ပင်ဆိုစေကာမူ
ဘာသာဝင်တို့အသီးသီးသည် မိမိဘာသာရေး
ကျမ်းဂန်များကို အထွဋ်အမြတ် တုမရှိ တန်ဖိုးထား
မြတ်နိုးကြသူများဖြစ်ကြမှာတော့ မြေကြီးလတ်ခတ်
မလွဲနိုင်သော အကြောင်းကိစ္စပင်ဖြစ်၏။
[၅]
" တူညီသော အချက်များ "
အထက်ပါ ဘာသာကြီးသုံးခုစလုံးတွင်
တူညီသော အချက်များမှာ တဆူတည်းသော
ဘုရားကို ကိုးကွယ်ခြင်း l ထာဝရဘုရားသခင်နှင့်
တိုက်ရိုက်တွေ့ဆုံ စကားပြောခွင့်ရသော
တမန်တော်များရှိခြင်း l စေတန်(ရှိုင်တွာန်) ကဲ့သို့သော
နတ်ဆိုးများ ပါဝင်ခြင်း တို့ဖြစ်သည်။ထို့ပြင်
ကိုယ့်ကျင့်တရားအပေါ် တာဝန်ယူမှု တာဝန်ခံစေ
မှု အတွက် တရားစီရင်သောနေ့ ရှင်သန်ထမြောက်ခြင်း
အပြစ်ပေးခြင်းများလည်း ပါဝင်၏။
အဆိုပါ ဘာသာကြီးသုံးခုစလုံးသည်
အထူးသဖြင့် ဘုရားသခင်နှင့်အတူ
ပဋိညာဉ် သဘောတူညီချက်များကို အလေးပေး
ယုံကြည်ကြသည်။ဂျူးဘာသာဝင်များအဖို့ မိုးဇက်မှ
တဆင့် သက်သေခံချက်များကို ယုံကြည်ကြပြီး
ခရစ်ယာန်ဘာသာဝင်များအဖို့ ယေရှုမှ တဆင့်
သက်သေ ခံချက်များကို ယုံကြည်ကြ၏။ အလားတူပင်
အစ္စလာမ် ဘာသာဝင်များအဖို့ မိုဟာမက်မှ တဆင့်
သက်သေခံချက်များကို ယုံကြည်ကြလေသည်။
အဆိုပါ ဂျူး ခရစ်ယာန် အစ္စလာမ်ဘာသာများအား
ဘုရားသခင်နှင့် ကြားခံချိတ်ဆက်ပေးသော
ကနဦးလူသားများမှာ မိုးဇက် l ယေရှု l မိုဟာမက်
တို့ပင် ဖြစ်ပေတော့သည်။
[၆]
" အသိအမှတ် ပြုကြသည်များ "
ခရစ်ယာန်ဘာသာသည် ဂျူးဘာသာ၏
ဘုရားသခင်နှင့် ပဋိညာဉ်သဘောတူညီချက်များ
ဖွင့်ဟဝန်ခံချက်များကို လက်ခံလေ၏။သို့သော်
အစဉ်အလာအားဖြင့် ရှုမြင်ကြသည်မှာ
ယေရှုသည် ဂျူးဘာသာကို အစားထိုးမှုနှင့်အတူ
ခရစ်ယာန်ဘာသာ ပေါ်ပေါက်လာသည်ဟု
ရှုမြင်ကြပေသည်။
အလားတူပင် မိုဟာမက်သည်လည်း
ဂျူးဘာသာ ခရစ်ယာန်ဘာသာတို့အား
အစားထိုး ပြင်ဆင် မြှင့်တင်မှုများနှင့်အတူ
အစ္စလာမ်ဘာသာ ပေါ်ပေါက်လာသည်ဟု
ရှုမြင်ကြ၏။
ထို့ကြောင့် ခရစ်ယာန်အယူဝါဒသည်
ဘုရားသခင်နှင့် ပဋိညာဉ်အသစ် l
သက်သေခံ အထောက်အထားအသစ်
(သမ္မာကျမ်းစာအသစ်) ဟူ၍ ပြောဆိုကြလေသည်။
ထို့အတူ အစ္စလာမ်ဘာသာသည်လည်း
ဂျူးဘာသာနှင့် ခရစ်ယာန်ဘာသာကို
အသိအမှတ်ပြု၏။ဂျူးဘာသာကျမ်းစာ နှင့် ခရစ်ယာန်
သမ္မာကျမ်းစာများမှ တမန်တော်များ၏ ဖွင့်ဟဝန်ခံ
ချက်များကို သဘောတူ အသိအမှတ်ပြုသည်။
[၇]
" အစ္စလာမ်ဘာသာ ကုရ်အာန်လာ အချက်များ "
အစ္စလာမ်ဘာသာ ကုရ်အာန်ကျမ်း၌
သူ့ထက်အရင် ပေါ်ပေါက်ခဲ့သော ဂျူး ခရစ်ယာန်
သမ္မာကျမ်းစာများ အတွင်းမှ တမန်တော်များ ဖြစ်သည့်
အီဗရာဟမ် l မူဆာ Musa (Moses) l ဒေးဗစ် (King David) l
(King Solomon )ဆော်လမွန် lအီဆာ (ယေရှု) တို့၏
အမည်နာမများအား သမ္မာကျမ်းစာ အသစ်
(ဓမ္မသစ်) ထက်ပင် အလေးထား ဖော်ပြလေ၏။
အစ္စလာမ်ဘာသာ၏ ကုရ်အာန်ကျမ်းစာသည်
ဂျူးဘာသာ ခရစ်ယာန်ဘာတို့အား အစားထိုး ပြင်ဆင်
မြှင့်တင်ထားသည်ဟု မည်သို့ပင် ဆိုစေကာမူ
အစ္စလာမ်ဘာသာ ဝင်များ၏ ယုံကြည်ချက်မှာ
ကုရ်အာန်ကျမ်းတော်မြတ်သည် ဘုရားသခင်၏
ဆိုလိုချက်များအား အကြွင်းမဲ့ ပြီးပြည့်စုံစေသော
ကျမ်းဟု ယုံကြည်ကြပြီး တမန်တော် မိုဟာမက်ကိုလည်း
ဘုရားသခင်၏ စကားတော်များအား ပြီးပြည့်စုံစေ
သော တမန်တော်ဟု ယုံကြည်ကြပေတော့သည်။
[၈]
" တိုးတက် ကျယ်ပြန့်လာသော ကျမ်းဂန်များ "
အထက်ပါ ဂျူးဘာသာ (Hebrew Bible)ကျမ်းစာ
ခရစ်ယာန် သမ္မာကျမ်းစာနှင့် ကုရ်အာန်ကျမ်းစာ
တို့ကို နှိုင်းယှဉ်ကြည့်ပါက ခရစ်ယာန်သမ္မာကျမ်းစာသည်
ဂျူးဘာသာကျမ်းစာ၏ မည်သည့်အပိုင်းများတွင်
ပိုမိုလက်ခံလာကြပြီး မည်သည့်အပိုင်းတို့ကို
ပိုမိုစွါ အသေးစိတ် အနက်ဖွင့်လာသည် ဆိုသည်အား
တွေ့ရှိရမည်ဖြစ်ပြီး အစ္စလာမ်ဘာသာသည်လည်း
အလားတူပင် ဂျူးဘာသာ ကျမ်းစာနှင့် ခရစ်ယာန်
သမ္မာကျမ်းစာ တို့မှ တမန်တော်တော်များ၏
အကြောင်းတို့ နှင့်ဖွင့်ဟဝန်ခံချက်များကို တစတစ
အသေးစိတ် ပီပြင်စွါ တိုးပွါး ဖော်ပြလာကြောင်း
တွေ့ရှိရမည် ဖြစ်သည်။
ဤသည်မှာ ကျွန်တော်တို့
လူ့အဖွဲ့အစည်းသည် စိတ်ပိုင်းဆိုင်ရာ ရုပ်ပိုင်းဆိုင်ရာ
ရုပ်ဝတ္ထု ပတ်ဝန်းကျင်များ တိုးတက်ထွန်းကား
လာကြသကဲ့သို့ ဘာသာတရားတို့သည်လည်း
နှစ်ကာလ ကြာမြင့်လာသည်နှင့် အမျှ တခုထက်
တခု ပိုမို အသေးစိတ် တိုးတက်လာကြောင်း
ပြယုဂ် တခုပင် ဖြစ်တော့၏။
အစ္စလာမ်ဘာသာသည် ခရစ်ယာန်ဘာသာထက်
နှစ်ပေါင်း (၆၀၀).ခန့် နောက်ကျပြီး ပေါ်ပေါက်ကာ
ဂျူးဘာသာထက်မူ နှစ်ပေါင်း (၂၆၀၀) ဝန်းကျင်ခန့်
နောက်ကျပေါ်ပေါက်လာသော ဘာသာတခုဖြစ်၏။
ခရစ်ယာန်ဘာသာ ပေါ်ပေါက်သောအချိန်တွင်
ဂျူးဘာသာ၏ သက်တမ်းသည်နှစ်ပေါင်း
(၂၀၀၀) ဝန်းကျင်ရှိနေပြီ ဖြစ်ရာ
ခရစ်ယာန်ဘာသာ၏ ဓမ္မသစ်ကျမ်းစာတွင်
ဂျူးဘာသာကျမ်းစာ၌ ပါဝင်ပြီးသော
တမန်တော်တို့အကြောင်းသည်လည်း
ထပ်မံပါဝင်လာသည်။ ထို့အပြင် နောက်ဆုံး
ပေါ်ပေါက်လာသော အစ္စလာမ်ဘာသာ၏
ကုရ်အာန်ကျမ်းစာတွင်မတော့ ဂျူးဘာသာကျမ်းစာမှ
တမန်တော်များနှင့် ခရစ်ယာန် သမ္မာကျမ်းစာမှ
တမန်တော်များအကြောင်း ပိုမိုပီပြင်ထင်ရှားစွါ
ဖော်ပြပါရှိလာပေတော့သည်။
[၉]
" အစ္စလာမ်ဘာသာ(ကုရ်အာန်)မှ ဂျူး ခရစ်ယာန် ကျမ်းစာလာ
တမန်တော်များကို လက်ခံအလေးထား ပုံ "
ထို့အပြင် အစ္စလာမ်ဘာသာ ကုရ်အာန်ကျမ်း၏
အင်(မ်)ရာန်မ် မျိုးနွယ် ကဏ္ဍ _ကုရ်အာန် Quran
(3း84)တွင် အစ္စလာမ်ဘာသာသည် သူ့အရင်
အရင် နှစ်ကာလများစွါက ပေါ်ပေါက်ခဲ့ပြီးသော
နောင်တော်ဘာသာရေးကျမ်းစာများပါ တမန်တော်
များကို ယုံကြည်ကြောင်း ထိုအဆိုပါ နဗီတမန်တော်
များကို တပါးနှင့်တပါး ခွဲခြားပြောဆိုခြင်း
မပြုရန်ပင် အလေးထား အသိအမှတ်ပြု၍
အောက်ပါအတိုင်း ဖော်ပြပါရှိလေသည်။
ကုရ်အာန် Quran (3း84)
အင်(မ်)ရာန်မ် မျိုးနွယ် ကဏ္ဍ…
(အို-နဗီတမန်တော် မုဟမ္မဒ်) အသင်သည်
ပြောကြားပါလေ။ အကျွန်ုပ်တို့သည် အလ္လာဟ်
အရှင်မြတ်ကိုလည်းကောင်း၊ အကျွန်ုပ်တို့အပေါ်ဝယ်
ကျရောက်လာသောဓမ္မဒေသနာ (ကုရ်အာန် ကျမ်းတော်မြတ်)
ကိုလည်းကောင်း၊နဗီတမန်တော် အစ်ဗ်ရာဟီမ်၊
နဗီတမန်တော်အစ္စမာအီလ်၊နဗီ တမန်တော်အစ္စဟာက်၊
နဗီတမန်တော်ယအ်ကူဗ်နှင့် (နဗီတမန် တော်ယအ်ကူဗ်၏)
သားမြေး၊ မြစ်တို့ အပေါ်၌ ကျရောက်လာသော
ဒေသနာတော်များကို လည်းကောင်း
ယုံကြည်ကြပါသည်။
ထို့ပြင် နဗီတမန်တော်မူစာ၊ နဗီတမန်တော် အီစာနှင့်
အခြား နဗီတမန်တော် အပေါင်းတို့အား၎င်းတို့၏
အရှင်မြတ်အထံတော်မှ ပေးသနားတော် မူသော
ဒေသနာတော်များကိုလည်း ကျွန်ုပ်တို့
ယုံကြည်ကြပါသည်။
(တဖန် ယင်းကဲ့သို့ ယုံကြည်ရာ၌) ထိုနဗီတမန်တော်
အပေါင်းတို့အနက် တပါးနှင့် တပါး ခွဲခြားခြင်း
အလျင်း မပြုကြပါ။အမှန်သော်ကား အကျွန်ုပ်တို့သည်
ထို (တစ်ဆူတည်းသော)(အလ္လာဟ်အရှင်မြတ်၏
ဒေသနာတော်များ)ကို လိုက်နာသော
မုစ်လင်မ်များ ဖြစ်ကြပါသည်။
ကိုးကား >>>
[၁]
How is Islam similar to Christianity and Judaism…???
https://www.islamicity.org/4654/how-is-islam-similar-to-christianity-and-judaism/
[၂]
ဆန်းလွင်
" လူတို့ ကိုးကွယ်ရာ ဘာသာကြီးများ "
" Man's Religions " ( John B.Noss)
[၃]
ကုရ်အာန် မြန်မာပြန်
(ဆရာဃာဇီ မုဟမ္မဒ်ဟာရှင်မ်နှင့်အဖွဲ့)
No comments:
Post a Comment