ဆော်လမွန်ဘုရင်

" ဆော်လမွန်ဘုရင် "

_______
မောင်သုခ
__________

[၁]

ဆော်လမွန်ဘုရင်ကြီး ဟုအသံကြားသည်နှင့်
ပညာဥာဏ်ကြီးသော သူတဦး ဖြစ်သည်ကို
အများစုက သိရှိပြီးသားဖြစ်ပေသည်။
တချို့လောကီဆရာများကလည်း ဆော်လမွန်ဘုရင်
ကြီးသည် လောကီဝိဇ္ဇာကြီးတပါးအလား
ပြောဆိုကြ၏။ ဆော်လမွန် ဘုရင်ကြီး
စီရင်ခဲ့သည်ဆိုသော အင်း အိုင် လက်ဖွဲ့များနှင့်
လောကီပညာပေါင်း မြောက်များစွါကိုလည်း
အွန်လိုင်းအနှံ့တွေ့မြင်မဆုံး။
တကယ် ဟုတ် မဟုတ်တော့စာရေးသူမသိ။
တကယ် ဟုတ်/မဟုတ်ဆိုသည်မှာ
အဆိုပါ လောကီပညာရပ်နှင့် သက်ဆိုင်သည်များကို
ဆော်လမွန်ဘုရင်ကြီး စီရင်ခဲ့ခြင်း ဟုတ် မဟုတ်ကို
ဆိုလိုပါသည်။

ဆော်လမွန်ဘုရင်ကြီးကို ယုဒဿာန်
သမ္မာကျမ်းစာ မြန်မာပြန်တွင်
(ရှောလမုန်) ဟု ရေးသားဖော်ပြ၏။
ကုရ်အာန် မြန်မာပြန်တွင် (စုလိုင်မန်)ဟု
ရေးသားသည်။ ကမ္ဘာသုံး အင်္ဂလိပ်လို
အရေးအသားဖြင့်တော့ (Solomon)
ဟုသာ ရေးသားကြ၏။တခြားသော
အခေါ်အဝေါ်နှင့် အရေးအသား
များကိုလည်း ယခုလိုတွေ့ရှိရသည်။
(Solomon or Shlomo / Hebrew: שְׁלֹמֹה /
Standard Hebrew: Šəlomo / Tiberian Hebrew:
Šəlōmōh; Arabic: سليمانSulayman)

ဟီဘရူးအခေါ် ဆော်လမွန်
(Hebrew Shelomoh)
ဆိုသည်မှာ ပြီးပြည့်စုံခြင်း l ငြိမ်းချမ်းခြင်းဟု
အနက်အဓိပ္ပါယ်ထွက်၏။

ဆော်လမွန်ဘုရင်ကြီး အကြောင်းကို
ခရစ်ယာန်သမ္မာကျမ်းစာ ဓမ္မဟောင်းတွင်
အနှံ့အပြားတွေ့နိုင်သည်။ဆော်လမွန်ဘုရင်ကြီး၏
ဖခင်မှာ အရှေ့အလယ်ပိုင်းဒေသတွင် အစ္စရေးလူမျိုးတို့၏
ပထမဦးဆုံးတိုင်းပြည်ဖြစ်သည့်ဣသရေလပြည်ကို
ထူထောင်ခဲ့သည့် ပထမဦးဆုံးဘုရင်ကြီး
ဒေးဗစ်(King David) ဖြစ်သည်။

[၂]

ဘုရင်ကြီး ဒေးဗစ်(King David)သည်
ဘုရားသခင်ကိုယ်တိုင် ရှင်ဘုရင်အရိုက်အရာ၌
ရွေးချယ်ခဲ့သည်ဟု ဂျူးဘာသာဝင်များနှင့်
ခရစ်ယာန်ဘာသာဝင်များက ယုံကြည်ကြသည်။
ဒေးဗစ်သည် BC (1080) ဖွား (King  Saul)
ဘုရင်ကြီးရှောလု၏ သားမက်လည်းဖြစ်ပြီး
သမီးဖြစ်သူ မိခါလ  နှင့် လက်ထပ်ထိမ်းမြားခဲ့၏။
(King Saul ) ကို သမ္မာကျမ်းစာ၌
(ရှောလု)ဟူ၍ ရေးသားဖော်ပြပါရှိသည်။

ဒေးဗစ် သည် ဘုရင်ကြီးရှောလု(king Saul)
လက်အောက်တွင် အမှုထမ်းခဲ့သော
ရဲစွမ်းသတ္တိပြည့်စုံသော စစ်သူရဲတဦးဖြစ်ပြီး
ပြည်သူတို့ ချစ်ခင်လှသောကြောင့်
ဘုရင်ကြီး ရှောလု (King Saul).ကိုယ်တိုင်
မနာလိုဖြစ်၍ စိုးရိမ်ကြီးသဖြင့်
အခါခါ လုပ်ကြံသတ်ဖြတ်ခဲ့သော
သူတဦးပင်။လုပ်ကြံမှု အထမမြောက်ခြင်းမှာ
ထာဝရဘုရားသည်  တချိန်၌ဘုရင်ဖြစ်လာမည့်
ဒေးဗစ် နှင့်အတူ ရှိနေသောကြောင့်ဖြစ်သည်ဟု
သမ္မာကျမ်းစာ၌ တွေ့ရသည်။

[၃]

ဆော်လမွန်ဘုရင်ကြီး၏
အဖေဖြစ်သူ ဘုရင်ကြီး ဒေးဗစ်
(King David) ကို သမ္မာကျမ်းစာတွင်
(ဒါဝိဒ်) ဟူသော အမည်ဖြင့် ဖော်ပြထားသည်။
ဘုရင်ကြီး ဒေးဗစ် (King David)ကို အဖ
(Jesse) နှင့် အမိ Nitzevet(Talmud) တို့မှ
ဖွားမြင်ပြီး သားရှစ်ယောက်တွင်
ဒေးဗစ်(King David)မှာ အငယ်ဆုံးသောသား
ဖြစ်၏။ ဘုရင်ကြီး ဒေးဗစ်(King David)၏
ဖခင် (Jesse) ကို သမ္မာကျမ်းစာတွင်
ဗက်လင်မြို့သား (ယေရှဲ) ဟူသော
အမည်ဖြင့် ဖော်ပြ၏။

ဒေးဗစ် (King David) ဘုရင်ဖြစ်သောအခါ
အသက် (၃၀) သုံးဆယ် ။အနှစ်လေးဆယ်ကြာ
နန်းစံလေသည်။ဟေဗြုန်မြို့၌နေ၍ ယုဒပြည်ကို
ခုနှစ်နှစ်နှင့် ခြောက်လ မင်းပြု၏။ ဂျေရုဆလင်
မြို့၌နေ၍ ယုဒပြည်နှင့် ဣသရေလပြည်တလျှောက်လုံးကို
နှစ်သုံးဆယ့်သုံးနှစ် မင်းပြုသည်။

[၄]

ဘုရင်ကြီး ဒေးဗစ်(King David)တွင်
ထင်ရှားသော ဇနီးရှစ်ဦး ရှိပြီး
အမည်များမှာMichal_Ahinoam_Abigail_Maachah_
Haggith_Abital_Eglah_Bathsheba တို့ဖြစ်၏။
သားသမီး (၁၈) ဦး ရှိပြီး ဆော်လမွန်သည်
(၁၀)ယောက် မြောက်သား ဖြစ်သည်။
ဆော်လမွန်အား ခရစ်တော်မပေါ်မှီ
နှစ်ပေါင်း (၁၀၀၀)ဝန်းကျင်၌
သမ္မာကျမ်းစာအရေး(ယေရုရှလင်) ယခုအခေါ်
(ဂျေရုဆလင်) မြို့တွင်မွေးဖွားခဲ့သည်။

ဆော်လမွန်ကလေးအား
မွေးဖွားခြင်းကို သမ္မာကျမ်းစာ၏
ဓမ္မရာဇဝင် ဒုတိယစောင် (12:24_25)
တွင် အောက်ပါအတိုင်းဖော်ပြပါရှိသည်။

" ရှော​လ​မုန်​မွေး​ဖွား​ခြင်း​"

ဒါဝိဒ်သည် ဇနီးဖြစ်သူ
(Bath-sheba )ဗာသရှေဘကို
နှစ်သိမ့်စေသဖြင့်၊ သူ့ထံသို့ဝင်၍ ဆက်ဆံလေ၏။
သူသည်လည်း သားယောက်ျားကို ဖွားမြင်၍
ရှောလမုန်အမည်ဖြင့် အဘမှည့်လေ၏။
ထာဝရဘုရားသည် ထိုသူငယ်ကိုချစ်၍
ကျေးဇူးပြုတော်မူသဖြင့်၊ ပရောဖက်နာသန်ကို
စေခိုင်း၍ ယေဒိဒိအမည်ဖြင့် မှည့်တော်မူ၏။

2-Samuel (12:24-25)
(((David comforted Bath-sheba
his wife, and went in unto her, and lay
with her: and she bare a son, and he
called his name Solomon: and
the LORD loved him.
And he sent by the hand of
Nathan the prophet; and he called
his name Jedidiah.)))

ဆော်လမွန်သည် မိခင်ဖြစ်သူ
(Bath-sheba )ဗာသရှေဘ၏
ဒုတိယမြောက်သား ဖြစ်သည်။

ဘုရင်ကြီး ဒေးဗစ် (King David)
သေခါနီး အချိန်တွင် ယဇ်ပရောဟိတ် ဇာဒုတ် l
ပရောဖက် နာသန် l ယောယဒသား ဗေနာယ တို့ကို
ခေါ်၍ သားဖြစ်သူ ဆော်လမွန်ကို ထီးနန်းအရာပေးရန်
မှာကြားခဲ့သောကြောင့် ဆော်လမွန်တယောက်
ဘုရင်ဖြစ်လာခဲ့ခြင်းပင်။

[၅]

" ဆော်လမွန်မင်းကြီး ဥာဏ်ပညာတောင်းခြင်း "

ဆော်လမွန် ဘုရင်ကြီး နန်းတက်စတွင်
ထာဝရဘုရား၏ နာမတော်အဖို့ အိမ်တော်ကို
မတည်သေးသောကြောင့် လူအများသည်
မြင့်ရာ အရပ်တို့၌ ယဇ်ပူဇော်တတ်ကြ၏။

တရံရောအခါ ဆော်လမွန် ဘုရင်ကြီး
(King Solomon)သည် ယာဇ်ပူဇော်ခြင်းငှာ
အလွန်မြင့်မြတ်ရာ အရပ်ဖြစ်သော ဂိဗောင်မြို့သို့
သွား၍ ထိုယဇ်ပလ္လင်ပေါ်မှာ မီးရှို့ရာယဇ် တထောင်ကို
ပူဇော်လေ၏။

ထိုမြို့၌ ထာဝရဘုရားသည် ညဥ့်အခါ
အိပ်မက်တွင် ဆော်လမွန်အား ထင်ရှားလျက်
ငါပေးရမည့်ဆုကို တောင်းလော့ဟု ဘုရားသခင်က
မိန့်တော်မူသည်ဟု ဆို၏။ဆော်လမွန်ကလည်း
" ကိုယ်တော်ကျွန်သည် ကိုယ်တော်၏
လူတို့ကို တရားစီရင်နိုင်မည့်အကြောင်း
ကောင်း မကောင်းကို ပိုင်းခြား၍ သိတတ်သော
ဥာဏ်ကို ပေးသနားတော်မူပါ။ဤမျှလောက်
များစွါသော ကိုယ်တော်၏ လူတို့ကို
အဘယ်သူသည် ကိုယ်အစွမ်းဖြင့်
တရားစီရင်နိုင်မည်နည်းဟု "
တောင်းလျှောက်၏။

[၆]

ထိုသို့ ဆော်လမွန်တောင်းသောဆုကို
ထာဝရ ဘုရားသခင်ကလည်း နှစ်ခြိုက်၏။
ဘုရားသခင်ကလည်း " သင်သည်
တာရှည်သောအသက်ကို မတောင်း၊
စည်းစိမ်ကိုလည်း မတောင်း၊ ရန်သူတို့၏
အသက်ကိုလည်း မတောင်း၊ တရားစီရင်ခြင်းငှာ
တတ်နိုင်သောဉာဏ်ကိုသာ ကိုယ်အဖို့
တောင်းလျှောက်သောကြောင့်
သင်တောင်းလျှောက်သည်အတိုင်း ငါပေး၏။
ရှေးကာလ၌ သင်နှင့်တူသောသူ တစ်ယောက်မျှမဖြစ်၊
နောင်ကာလ၌ မဖြစ်နိုင်အောင် ဉာဏ်ပညာနှင့်
ပြည့်စုံသောစိတ်ဝိညာဉ်ကို သင့်အားငါပေး၏။

ထိုမှတစ်ပါး သင်နှင့်တူသော
ရှင်ဘုရင်တစ်ယောက်ကိုမျှ သင့်လက်ထက်၌
မရှိစေခြင်းငှာ၊ သင်မတောင်းသောဆု၊ စည်းစိမ်ဥစ္စာ၊
ဂုဏ်အသရေကို ငါပေး၏။သင့်အဘဒါဝိဒ်
(King David) ကျင့်သည်အတိုင်း ငါ့လမ်းသို့လိုက်၍
ငါစီရင်ချက် ပညတ်တရားတို့ကို စောင့်ရှောက်လျှင်၊
တာရှည်သော အသက်ကိုလည်း ငါပေးမည်ဟု
မိန့်တော်မူ၏။

ဆော်လမွန်သည် နိုး၍ အိပ်မက်ဖြစ်မှန်းကိုသိ၏။
တစ်ဖန် ယေရုရှလင်မြို့သို့သွား၍ ထာဝရဘုရား၏
ပဋိညာဉ်သေတ္တာတော်ရှေ့မှာ ရပ်လျက်၊ မီးရှို့ရာယဇ်၊
မိတ်သဟာယယဇ်တို့ကို ပူဇော်၍
ကျွန်အပေါင်းတို့အဖို့ ပွဲကို စီရင်တော်မူ၏။

[၇]

" ဆော်လမွန် ဘုရင်ကြီး၏ ​စီ​ရင်​ဆုံး​ဖြတ်​ခြင်း​ပညာ "

အခါတပါး၌ ဆော်လမွန် ဘုရင်ကြီးထံသို့
အမှု ပြဿ      နာ ဖြေရှင်းရန်အလို့ငှာ
ပြည်တန်ဆာမိန်းမနှစ်ယောက်ရောက်လာ၍ 
မိန်းမတစ်ယောက်က …
" အိုအရှင်၊ ကျွန်တော်မနှင့် ဤမိန်းမသည်
တစ်အိမ်တည်းနေကြပါ၏။ တစ်အိမ်တည်းနေလျက်
ကျွန်တော်မသည် သားမျက်နှာကို မြင်ပါ၏။
သုံးရက်လွန်မှ တစ်ဖန် ဤမိန်းမသည်
သားမျက်နှာကိုမြင်ပါ၏။ ထိုအိမ်၌ အဘယ်ဧည့်သည်မျှမရှိ။
သူနှင့် ကျွန်တော်မနှစ်ယောက်တည်းသာ ရှိပါ၏။
ဤမိန်းမသည် ညအခါ မိမိသားငယ်ကို
ဖိ၍အိပ်မိသောကြောင့် သားငယ်သေပါ၏။
သန်းခေါင်ယံ၌ သူသည်ထ၍ ကျွန်တော်မ
အိပ်ပျော်စဉ်အခါ ကျွန်တော်မသားငယ်ကိုယူ၍
မိမိရင်ခွင်၌ ထားပါ၏။ သူ၏သားငယ်
အသေကောင်ကိုမူကား၊ ကျွန်မ၏ရင်ခွင်၌
ထားပါ၏။

နံနက်အချိန်၌ ကျွန်တော်မသည်
သားငယ်ကို နို့တိုက်မည်ထသောအခါ၊ သားငယ်သည်
သေလျက်ရှိပါ၏။ သို့ရာတွင် ကျွန်တော်မသည်
သေသောသူငယ်ကိုစေ့စေ့ကြည့်ရှုသောအခါ၊
ကျွန်တော်မ ဖွားမြင်သောသားမဟုတ်ပါဟု "
လျှောက်၏။

[၈]

အခြားသော မိန်းမကလည်း
ဤသို့ ပြန်လည် လျှောင်တင်လေသည်။
"မဟုတ်ပါဘူး။ အသက်ရှင်သော
သူငယ်သည် ငါ့သား၊ သေသောသူငယ်သည်
သင်၏သားဖြစ်၏ဟု ငြင်းလေ၏။ အရင်မိန်းမကလည်း
ထိုသို့မဟုတ်။ သေသောသူငယ်သည် သင်၏သား၊
အသက်ရှင်သောသူငယ်သည် ငါ့သားဖြစ်၏ဟု "
ဆိုလေ၏။ ထိုသို့ရှေ့တော်၌ လျှောက်ဆိုကြလျှင်
ဆော်လမွန် ဘုရင်ကြီးကလည်း
" မိန်းမတစ်ယောက်က အသက်ရှင်သော
သူငယ်သည် ငါ့သား၊ သေသောသူငယ်သည်
သင်၏သားဖြစ်၏ဟုဆိုလျက်၊ တစ်ယောက်က
ထိုသို့မဟုတ်။ သင်၏သားသေပြီ။ ငါ့သား
အသက်ရှင်သည်ဟု ဆိုသည်ဖြစ်၍
ဓားယူခဲ့ဟု " မိန့်တော်မူသည်အတိုင်း
ဓားကို ရှေ့တော်သို့ယူခဲ့ကြ၏။

ဆော်လမွန်ဘုရင်ကြီးကလည်း
" အသက်ရှင်သောသူငယ်ကိုခွဲ၍ ထိုမိန်းမတို့အား
တစ်ယောက်တစ်ဝက်စီပေးလော့ဟု မိန့်တော်မူသော် "

အသက်ရှင်သောသူငယ်၏အမိသည်
မိမိသားကိုအလွန်သနား၍ …

" အိုအရှင်…
အသက်ရှင်သောသူငယ်ကို မသတ်ပါနှင့်
ဤမိန်းမအား ပေးတော်မူပါဟု "တောင်းပန်လေ၏။

အခြားမိန်းမကလည်း
" ငါမပိုင်စေနှင့်။ သင်လည်း မပိုင်စေနှင့် "
တဝက်စီ ခွဲပါလေစေဟု ဆို၏။

ထိုအခါ ဆော်လမွန်ဘုရင်ကြီးက
" အသက်ရှင်သော သူငယ်ကိုမသတ်နှင့်။
အရင်မိန်းမအား ပေးလော့။ သူသည် အမိမှန်သည်ဟု "
မိန့်တော်မူ၏။

အထက်ပါအတိုင်း
ရှင်ဘုရင်စီရင်တော်မူသည်အရာကို
ဣသရေလအမျိုးသားအပေါင်းတို့သည်
ကြားသိကြသောအခါ၊ တရားစီရင်စေခြင်းငှာ
ဘုရားသခင်ပေးတော်မူသောဉာဏ်နှင့်
ရှင်ဘုရင်ပြည့်စုံကြောင်းကို သိမြင်၍၊
ဆော်လမွန်ဘုရင်ကြီးကို ကြောက်ရွံ့
ရိုသေကြ၏။

[၉]

" ဆော်လမွန် ဘုရင်ကြီးနှင့် လောကီပညာ
    ဆက်နွယ်လာပုံ "

ဆော်လမွန် ဘုရင်ကြီးထံသို့ တရံသောအခါ၌
ထိုခေတ်အခါက အရှေ့အလယ်ပိုင်းရှိ
အင်အားကြီးမားလှသော အာရေဗျပြည်မှ
ရှီဗါ(sheba)ဘုရင်မသည်  ပြဿ      နာများမေးရန်
လက်ဆောင်ပဏ္ဏာ များယူဆောင်၍
အလည်လာလေ၏။သမ္မာကျမ်းစာ၌
ရှီဗါ(sheba)ဘုရင်မကို (ရှေဘပြည်ကို အစိုးရသော
မိဖုရား) ဟူ၍ ဖော်ပြပါရှိသည်။

ရှီဗါ(sheba) ဘုရင်မသည်
အလိုဆန္ဒရှိသမျှကို ဆွေးနွေးမေးမြန်းလေ၏။
သူမေးမြန်းသော ပြဿ      နာ မှန်သမျှတို့ကို
ဆော်လမွန် ဘုရင်ကြီးသည် ဖြေလေ၏။
နားမလည်၍  မဖြေနိုင်သောအရာ
တစ်စုံတစ်ခုမျှ မရှိ။

[၁၀]

ရှီဗါမိဖုရားသည် ဆော်လမွန်ဘုရင်ကြီး၏
ပညာအလုံးစုံကိုလည်းကောင်း၊ တည်ဆောက်သော
အိမ်တော်ကိုလည်းကောင်း၊စားပွဲတော်တန်ဆာကို
လည်းကောင်း၊ အမှုတော်စောင့်တို့ နေရာထိုင်ရာကို
လည်းကောင်း၊ လုလင်တို့ခစားသည် အခြင်းအရာကို
လည်းကောင်း၊ သူတို့ဝတ်သောအဝတ်တန်ဆာကို
လည်းကောင်း၊ ဝန်စာရေးများကိုလည်းကောင်း၊
ထာဝရဘုရား၏အိမ်တော်၌ မီးရှို့ရာယဇ်ပူဇော်ခြင်းကို
လည်းကောင်း မြင်သောအခါ မိန်းမောတွေဝေလျက်ရှိ၍
"ကိုယ်တော်၏အခြင်းအရာနှင့် ကိုယ်တော်၏ပညာကို
အကျွန်ုပ်သည် ကိုယ်ပြည်၌ကြားရသော"
သတင်းစကားမှန်ပါ၏။ သို့သော်လည်း 
ကိုယ်တိုင်ရောက်၍မမြင်မီ ထိုစကားကိုမယုံ။
ယခုမူကား၊ အရင်ကြားသောစကားသည်
တစ်ဝက်ကိုမျှမမီ။ ကိုယ်တော်၏ပညာနှင့် ကိုယ်တော်၏
စည်းစိမ်သည် အကျွန်ုပ်ကြားရသောသတင်းကို
လွန်ကဲပါ၏။" ဟု လျှောက်လေ၏။

ထို့နောက် ဆော်လမွန်ဘုရင်ကြီးအား
ရှေဘမိဖုရားသည် ရွှေခွက်တစ်ရာ့နှစ်ဆယ် l
နံ့သာမျိုးအများ နှင့် ကျောက်မြတ်တို့ကို
ဆက်သသည်။

ဆော်လမွန် ဘုရင်ကြီးလည်း ရှီဗါမိဖုရား
ကြိုက်နှစ်သက်သော လက်ဆောင်တို့ကို
ပြန်လည်ပေးလေ၏။သမ္မာကျမ်းစာ၌
ဆော်လမွန်ဘုရင်ကြီးနှင့် ရှီဗာ(sheba)မိဖုရားတို့
တွေ့ဆုံခြင်းသည် ဤမျှသာ ပါရှိလေ၏။

အစ္စလာမ်ဘာသာဝင်တို့၏ ကုရ်အာန်ကျမ်းတွင်
ပါရှိသော အကြောင်းများကို နောက်အပိုဒ်တွင်
ဖော်ပြအံ့။အဆိုပါ ကုရ်အာန်ကျမ်းတွင်မတော့
ဆော်လမွန်ဘုရင်ကြီး နှင့် ရှီဗာဘုရင်မ
အကြောင်းတို့ကို မှော်ဆန်ဆန်
တွေ့မြင်ရပေသည်။

[၁၁]

လောကီဆရာများ ပြောသလို
" ရှီဗါ(sheba)မိဖုရားသည် ဆော်လမွန် ဘုရင်ကြီးအား
ရှေးဟောင်း အီဂျစ် ဆေးဝါးမန္တာန် ဂါထာမန္တယား
ကျမ်းစာအုပ်များ နှင့် အာရေဗျလူမျိုးများကို အမိန့်ပေး
စေခိုင်းနိုင်သော သူမ၏အခွင့်အာဏာနှင့်ညီမျှသော
သူမ၏ လက်စွပ်ကိုပေးအပ်ခဲ့ကြောင်းထိုလက်စွပ်မှာ
ရှီဗာ(sheba)လက်စွပ်ဟူ၍ ကျော်ကြားကြောင်း "
အစရှိသည်တို့မှာ ရှေးကျလှသော
သမ္မာကျမ်းစာ၌ မပါဝင်သလို ခိုင်မာသော
အကိုးအကား တိကျစွါ မတွေ့ရှိသောကြောင့်
နှောင်းလူတို့ ဖြည့်စွက် ချဲ့ကားမှုဟုသာ
စာရေးသူမှ ယူဆမိသည်။

ဤနေရာ၌ အလျင်းသင့်တုန်း ဆရာကြီး
ဒဂုန်ရွှေမျှား ဘာသာပြန်သော " ရှီဗာဘုရင်မ၏
လက်စွပ် " အမည်ရသော စာအုပ်ကို သတိရမိပေ၏။
ထို့ပြင် ဆရာကြီး ရွှေဥဒေါင်းပင် ဘာသာပြန်ခဲ့သော
" တန်ခိုးရှင်မ ရှီ "  "ရှီပြန်လာပြီ " စသည့်
စာပေရေစီးကြောင်း၏ ရင်းမြစ်သည်လည်း
အထက်ဖော်ပြပါ ဆော်လမွန်ဘုရင်ကြီးနှင့်
တွေ့ဆုံခဲ့သော ရှီဗာ(sheba)မိဖုရား၏ အကြောင်းကို
ချဲ့ကား ရေးသားချက်များသာ ဖြစ်တန်ရာ၏။
အကြောင်းမှာ လွန်ခဲ့သော နှစ်ပေါင်းသုံးထောင်
ဝန်းကျင်မှ ရှေဘ(ရှီဗာ The Queen of Sheba)
မိဖုရား၏ အကြောင်းကို တိတိကျကျ ခိုင်ခိုင်ခိုင်မာ
ရေးသားထားချက်များ ရှာဖွေမတွေ့ရှိခြင်းကြောင့်ပင်။
ဆရာကြီး ဒဂုန်ရွှေမျှား ဘာသာပြန်ထားသော
ရှီဗာမိဖုရားနှင့်ပက်သက်သော စာပေများကို
ဖတ်ရှုသောအခါ၌လည်း အထက်အညွှန်းပါ စာအုပ်
သုံးအုပ်စလုံးတွင် ရေရေရာရာ တိတိကျကျ
မပါဝင်ဘဲ စိတ်ကူးဇာတ်လမ်းသဘောအနေနှင့်သာ
တွေ့ရလေသည်။

[၁၂]

ထို့ပြင် ဆော်လမွန်ဘုရင်ကြီးအကြောင်းကို
ဂျူးဘာသာ ခရစ်ယာန်ဘာသာတို့ထက်
နောက်ကျ၍ ပေါ်ထွန်းလာသော အစ္စလာမ်ဘာသာ၏
ကုရ်အာန်ကျမ်းတွင်လည်း အောက်ပါအတိုင်း
ထူးဆန်းစွါ ဖော်ပြထားသည်ကိုတွေ့မြင်နိုင်၏။

ဤနေရာ၌ ဆော်လမွန်ဘုရင်ကြီးအား
ကုရ်အာန်ကျမ်းတွင် အင်္ဂလိပ်လို (Solomon) ဟု
ရေးသားဖော်ပြထားပြီး မြန်မာပြန်ကျမ်းစာတွင်
နဗီတမန်တော် (စုလိုင်မန်) ဟူ၍ ဖော်ပြ
ပါရှိသည်။

(sheba) ရှီဗာမျိုးနွယ်ဝင်တို့ အကြောင်းအား
ကုရ်အာန် (ရှဗာကဏ္ဍ_34:15) တွင် ဤသို့ပါရှိလေ၏။
" ဧကန်မုချ စဗာ(Sheba)မျိုးနွယ်ဝင်တို့ အဖို့ ၎င်းတို့၏
နေထိုင်ရာ ဝန်းကျင်ဒေသ၌ပင် သက်သေလက္ခဏာ
တည်ရှိခဲ့၏။ထိုမျိုးနွယ်ဝင်တို့ နေထိုင်ရာ မြို့ရွာများ၏
လက်ယာဘက်၌လည်းကောင်း လက်ဝဲဘက်၌လည်းကောင်း
ဥယျာဉ်နှစ်ခု တည်ရှိခဲ့သည်။"

ဆော်လမွန်ဘုရင်ကြီးက
ပုရွက်ဆိတ်တို့ ငှက်တို့၏ စကားကို
နားလည်သောကြောင့် ရှီဗာဘုရင်မအကြောင်း
ကြားသိရပုံကိုလည်း ကုရ်အာန်၌ ဤသို့
ရေးသားထားသည်ကို တွေ့ရ၏။

[၁၃]

"  တိရိစ္ဆာန်(မာဂဓ) စကား နားလည်သော
     ဆော်လမွန် ဘုရင်ကြီး "

ကုရ်အာန် (ပုရွက်ဆိတ်ကဏ္ဍ_27း 16)
၎င်းပြင် စုလိုင်မန်(Solomon)သည်
ဒါဝူဒ်(King David) ၏ အရိုက်အရာကို
ဆက်ခံခဲ့၏။စုလိုင်မန်(Solomon)သည်
ဤသို့ပြောကြားခဲ့၏။ " အို လူအပေါင်းတို့
ငါတို့သည် ငှက်သတ္တဝါတို့၏ ဘာသာစကားကို
သင်ကြားပေးခြင်း ခံခဲ့ရလေသည်။ထိုမှတပါး
ငါတို့သည် အရာခပ်သိမ်းတို့ကို ချီးမြှင့်ပေးသနား
တော်မူခြင်း ခံခဲ့ရပေသည်။ဧကန်စင်စစ်
ဤသည်ထင်ရှားလှစွါသော ကျေးဇူးတော်ပင်
ဖြစ်ချေသည်။

ကုရ်အာန်(ပုရွက်ဆိတ်ကဏ္ဍ _27:18)
တစ်ရံရောအခါ ပုရွက်ဆိတ်များရှိကြသော
ချောင်းလျှိုရိုးသို့ရောက်ရှိခဲ့လေသော် ပုရွက်ဆိတ်တစ်ကောင်က
အို-ပရွက်ဆိတ် အပေါင်းတို့၊စုလိုင်မာန်(Solomon)နှင့်တကွ
ထို စုလိုင်မာန်၏ဗိုလ်ခြေတို့သည် အသင်တို့အား
မသိမမြင်ကြဘဲ (မတော်တဆ) ဖိကြိတ်တက်နင်း
ချေမှုန်းမပစ်မိကြရန် အသင်တို့သည် မိမိတို့၏
တွင်းများထဲသို့ ဝင်ရောက်လေကုန်ဟု
(ဟစ်အော်)ပြောကြားခဲ့လေ၏။

ကုရ်အာန်(ပုရွက်ဆိတ်ကဏ္ဍ _27:19)
ထိုအခါ စုလိုင်မာန်(Solomon) သည်
ထိုပရွက်ဆိတ်၏စကားကြောင့် ပြုံးရယ်ခဲ့လေ၏။

ကုရ်အာန် (ပုရွက်ဆိတ်ကဏ္ဍ -27:20)
၎င်းပြင် ထိုစုလိုင်မာန်(Solomon)သည်
ငှက်တိရစ္ဆာန်တို့ကို စစ်ဆေးခဲ့ရာ
(ဤသို့)ပြောကြားခဲ့၏။ ငါသည် မည်သည့်
အတွက်ကြောင့် ဘီးတောင်ပိုငှက်ကို
မမြင်ရပါသနည်း။ သို့တည်းမဟုတ် ၎င်းသည်
ပျောက်ကွယ်နေသလော။

[၁၄]

" ငှက်ကပြောသော ရှီဗာဘုရင်မအကြောင်း "

ကုရ်အာန် (ပုရွက်ဆိတ်ကဏ္ဍ_27:22)
ထို့နောက် မကြာမီပင် ထိုဘီးတောင်ပိုငှက်သည်
လာရောက်လျှောက်ထားလေ၏။ ကျွန်တော်မျိုးသည်
ကိုယ်တော်မသိသောအကြောင်းကို သိခဲ့ပါသည်။
၎င်းပြင် ကျွန်တော်မျိုးသည် ကိုယ်တော်၏ထံသို့
ရှီဗာမှ မှန်ကန်သောသတင်းတစ်ခုကို
ဆောင်ကြဉ်းခဲ့ပါသည်။

ကုရ်အာန် (ပုရွက်ဆိတ်ကဏ္ဍ - 27:23)
ဧကန်အမှန် ကျွန်တော်မျိုးသည် ထိုရှီဗာကို
စိုးမိုးအုပ်ချုပ်လျက်ရှိသော မိန်းမတစ်ဦးအား
တွေ့ခဲ့ပါသည်။ ၎င်းပြင် ထိုမိန်းမမှာ အရာခပ်သိမ်းတို့
ချီးမြှင့် ပေးသနားခြင်းခံရသည့်ပြင် ၎င်း၌
ကြီးကျယ်ခမ်းနားသော ပလ္လင်တစ်ခုသည်လည်း
ရှိပါသည်။

[၁၅]

" ဆော်လမွန် ဘုရင်ကြီးအား အစ္စလာမ်အယူအရ
    ကာဖိရ် မဟုတ်ကြောင်း  ကုရ်အာန်တွင် ဖော်ပြပုံ "

ကုရ်အာန် (ဂါဝီကဏ္ဍ_2း102)
နဗီတမန်တော် (စုလိုင်မန်) စိုးမိုးအုပ်ချုပ်
မင်းပြုနေသော အခါဝယ် ရှိုင်တွာန် များ ရွတ်ဘတ်
သရဇ္ဈာယ်ကြကုန်သော စုန်းပယောဂအတတ်ကိုသာ
ဆည်းပူး လိုက်စားကြကုန်၏။[ဤတွင်မျှ မကသေး။
အချို့သော လူ့ဗာလ တို့သည် နဗီတမန်တော်
(စုလိုင်မန်) ကို ကာဖိရ် အယူကို လိုက်စားသည်ဟူ၍
စွပ်စွဲခဲ့ကြသည်] စင်စစ်တမူကား နဗီတမန်တော်
(စုလိုင်မန်) သည်  မည်သည့်အခါမှ ကာဖိရ် အယူကို
လိုက်စားခဲ့သည် မဟုတ်ချေ။

ကုရ်အာန် (နဗီတမန်တော်များကဏ္ဍ_21း 81)
ထိုမှတပါး (ငါအရှင်မြတ်သည်)
စုလိုင်မန်(Solomon)အား ပြင်းထန်စွါ
တိုက်ခတ်သော လေကို နိုင်နင်းစေတော်မူခဲ့၏။
ယင်းလေသည် စုလိုင်မန်(Solomon)၏
အမိန့်နှင့် ငါအရှင်မြတ် ကျက်သရေ မင်္ဂလာ l
သုခချမ်းသာနှင့် ပြည့်စုံတော်မူသော နယ်မြေသို့
တိုက်ခတ်သွားလာလေသည်။စင်စစ်သော်ကား
ငါအရှင်မြတ်သည် အကြွင်းမဲ့သိတော်မူသော
အရှင်မြတ်ပင် ဖြစ်တော်မူပေသတည်း။

[၁၆]

" ရှိုင်တွာန် နှင့်  ဂျင်များ "

ဂျင်နှင့် ရှိုင်တွာန်များ အကြောင်း
ပြောရန် ရှိလာသောကြောင့်
၎င်းတို့အကြောင်း အကျဉ်းချုပ်ဖော်ပြပါမည်။
ဂျင်(Jinn) ဆိုသည်မှာ အာရဗီအဘိဓာန်တွင်
မမြင်တွေ့ရသောအရာ အား "ဂျင်န်" ဟုခေါ်သည်။
ဂျင်ဆိုသည်မှာ လူတို့ကဲ့သို့ ပင်၊စားခြင်း၊သောက်ခြင်း၊
မေထုံမှီဝဲခြင်း အစရှိ သည်တို့ကိုပြုမူကြပြီး
မျက်စိဖြင့်မမြင်တွေ့ရသော
အဖန်ဆင်းခံတစ်မျိုးဖြစ်သည်ဟု
ယုံကြည်ကြ၏။

အကြမ်းဖျင်းအားဖြင့် ဂျင်အမျိုးအစားသုံးမျိုးကို
တွေ့ရပြီး ၎င်းတို့မှာ လေကဲ့သို့ လေဟာနယ်
အတွင်းသာနေထုိုင်သည့်ဂျင် lမြွေ ၏အသွင်ကို
ဆောင်သောဂျင် lလူကဲ့သို့ သွားလာနေထိုင်သော
ဂျင်တို့ဖြစ်သည်။

အဆိုပါ (Jinn)ဂျင်ကို ဖန်ဆင်းရှင် အလ္လာက
အခိုးအငွေ့ မထွက်တဲ့ မီးတောက် တစ်ခုကနေ
ဖန်ဆင်းတယ်လို့ ဆိုကြပါတယ်။ဂျင်တွေမှာလည်း
လူတွေလိုပဲ ဖန်ဆင်းရှင် အမိန့်ဖီဆန်သူတွေရှိကြတယ်။
ဒီလိုမျိုး (Jinns)ဂျင်တွေထဲက အမိန့်ဖီဆန်သူ၊ဆိုး
သွမ်းသူတွေကို ရှိုင်တွာန်လို့ ခေါ်တာပါ။

[၁၇]

" ဆော်လမွန် ဘုရင်အား ကူညီသော
   ရှိုင်တွာန် နှင့်  ဂျင်များ "

ကုရ်အာန် (နဗီတမန်တော်များကဏ္ဍ_၂၁း ၈၂)
ရှိုင်တွာန် မိစ္ဆာကောင်တို့တွင် အကြင်ရှိုင်တွာန်
မိစ္ဆာကောင်များလည်း ရှိခဲ့ကြ၏။ ယင်း ရှိုင်တွာန်
မိစ္ဆာကောင်များသည် စုလိုင်မန်(Solomon) ၏
အကျိုးငှာ (သမုဒ္ဒရာ ပင်လယ်၌) ရေငုပ်ခြင်းကို
လည်းကောင်း l အခြားအလုပ်ကိစ္စဆောင်ရွက်
ခြင်းကိုလည်းကောင်း ပြုလုပ်ကြကုန်၏။
စင်စစ်သော်ကား ငါအရှင်မြတ်သည်
ထို ရှိုင်တွာန် မိစ္ဆာကောင်တို့အား ထိန်းသိမ်း
စောင့်ရှောက်တော်မူသော အရှင်မြတ်
ဖြစ်တော်မူပေသတည်း။

ကုရ်အာန် ( ရှဗာကဏ္ဍ  ၃၄း ၁၃)
ဂျင်တို့သည် ထိုစုလိုင်မာန်(Solomon)၏
အကျိုးငှာ ၎င်းအလိုရှိသော ကြီးကျယ်သော
အဆောက်အအုံများကို  လည်းကောင်း၊
(ကျောက်၊ ကြေးနီ၊ ဖန် စသည်များဖြင့်ပြီးသော)
ရုပ်တုများကိုလည်းကောင်း၊  ရေကန်ကြီးများတမျှရှိ
ဇလုံ၊ အင်တုံများကိုလည်းကောင်း၊
မပြောင်း မရွှေ့နိုင်သော အိုးကြီးများကိုလည်းကောင်း၊
ပြုလုပ်ပေးကြကုန်၏။

[၁၂]

" ဆော်လမွန် ဘုရင်ကြီး၏ တပ်မက်ရာ "

ထာဝရဘုရား အမိန့်ရှိသည်မှာ
" သင်တို့သည် တပါးသော အမျိုးသားတို့နှင့်
စုံဖက်ခြင်းကို မပြုရ။ အကယ်စင်စစ် သူတို့သည်
မိမိတို့ ဘုရားများနောက်သို့ သင်တို့၏ စိတ်နှလုံးကို
လွဲစေကြလိမ့်မည်ဟု ဣသရေလ အမျိုးသားတို့အား
မိန့်တော်မူထား၏။ "

ဆော်လမွန်ဘုရင်ကြီးသည် အဲဂုတ္တု ဖာရော
ဘုရင်နှင့် မိတ်ဆွေဖွဲ့လျက် သမီးတော်နှင့်စုံဖက်၏။
သို့ပါသော်လည်း ဖာရောဘုရင်၏ သမီးမှတပါး
ဣသရေလမျိုးနွယ် မဟုတ်သော မောဘအမျိုး l
အမ္မုန်အမျိုး l ဧဒုံ အမျိုး l ဇိဒုန်အမျိုး l ဟိတ္တိအမျိုး
မိန်းမအများတို့ကို ချစ်တတ်၏။တပါးသော
အမျိုးအနွယ်မှ အမျိုးသမီးတို့အားသာ
တက်မက်လေ၏။ဤသည်မှာ ဆော်လမွန်
ဘုရင်ကြီး၏ တပ်မက်ရာ ဖြစ်လေတော့သည်။

[၁၃]

ဆော်လမွန်ဘုရင်ကြီးသည် တဆူတည်းသော
ထာဝရဘုရားကို ကိုးကွယ်သော်လည်း
မျိုးနွယ်မတူသော မိဖုရားများ ကျေနပ်စေရန်ငှာ
ဇိဒုန်နတ်သမီး အာရှတရက်l အမ္မုန်ဘုရား မိလကုံ_
မောလုတ် l မောဘဘုရား ခေမုရှ တို့အဖို့
ဂျေရုစလင်မြို့အရှေ့ဘက်၌ရှိသော တောင်ပေါ်တွင်
နတ်ကွန်းများကို တည်ဆောက်ပေးခဲ့လေ၏။

ဆော်လမွန် သီချင်းတွင် အပျိုတော်တဦး၏
အလှကို ဖွဲ့ဆိုရာ၌ မိဖုရား (၆၀) l မောင်းမမိသံ (၈၀)
အပျိုတော် အတိုင်းမသိရှိသည်ဟု ဖွဲ့ဆိုထားလေသည်။
[source - Old Testament _Song Of Solomon (6:8)]
အထက်ပါ ကျမ်းစာလာ ဆော်လမွန်သီချင်းကို
ထောက်ရှုပါက ဆော်လမွန်ဘုရင်ကြီးသည်လည်း
ုမြန်မာတို့၏ မင်းတုန်းမင်းကြီးကဲ့သို့ မိဖုရား
မောင်းမမိသံ အမြောက်အများ ရှိခဲ့ဟန်တူပေ၏။

ဤသို့ဖြင့်ပင်ဆော်လမွန်ဘုရင်ကြီးသည်
ဂျေရုစလင်မြို့၌နေ၍ ဣသရေလ တနိုင်ငံလုံးကို
နှစ်လေးဆယ်စိုးစံပြီးနောက်
ပျံလွန်တော်မူသည်။ဆော်လမွန် ဘုရင်ကြီး
သေဆုံးသွားပြီးသော်လည်း သူနှင့်ပက်သက်သော
ဒဏ္ဍာရီပုံပြင်များမှာတော့ ကမ္ဘာအနှံ့ ပျံ့နှံ့လို့
မဆုံးနိုင်တော့သည် တကား ……………………………
…………………………………………………………………………
…………………………………………………………………………

                                           မောင်သုခ
                                           [7_Jan_2018]

ကိုးကား _

(၁)
ဆန်းလွင် _ " လူတို့ကိုးကွယ်ရာ ဘာသာကြီးများ "

(၂)
သမ္မာကျမ်းစာ မြန်မာပြန်…(ယုဒဿာန်)

(၃)
ကုရ်အာန် မြန်မာပြန် …
http://quran.mmsy.info/app/

(၄)
Wikipedia (king soul_King David_
                 The Queen Of Sheba

(၅)
https://commons.m.wikimedia.org/wiki/Category:Queen_of_Sheba

(၆)
http://www.newworldencyclopedia.org/entry/Solomon