မဟော်သဓါသုခမိန် _ဆော်လမွန်ဘုရင်ကြီးနှင့် တေလဂူပုံပြင်များ

" မဟော်သဓါသုခမိန် _ဆော်လမွန်ဘုရင်ကြီးနှင့်
တေလဂူပုံပြင်များ  "

________
မောင်သုခ
___________

[၁]

" နိဒါန်း "

မဟော်သဓါနှင့် ဆော်လမွန်ဘုရင်ကြီးဟု
အမည်များကြားမြင်ရုံနှင့် ပညာဥာဏ်ကြီးသော
သူများဖြစ်သည်ကို မြန်မာစာဖတ်ပရိတ်သတ်တို့
ရင်းနှီးပြီးသား ဖြစ်ပေ၏။

ဆော်လမွန်ဘုရင်ကြီး အကြောင်းနှင့်
အမည်ကို ဂျူးဘာသာ lခရစ်ယာန်သမ္မာကျမ်းစာ
ဓမ္မဟောင်း ဓမ္မသစ်နှင့် ကုရ်အာန် ကျမ်းစာတို့တွင်
အနှံ့အပြားတွေ့နိုင်သည်။လူပုဂ္ဂိုလ်တဦးတယောက်
တည်း၏ အကြောင်းတို့အား ဤသို့ ဘာသာအယူဝါဒ
သုံးမျိုး၏ ကိုးကွယ်ရာဘာသာ အထင်ကရ
ကျမ်းစာတို့၌ ပါဝင်နေသည်ကို ကြည့်ရုံမျှဖြင့်
လူ့အဖွဲ့အစည်းဆိုသည်မှာ ယဉ်ကျေးမှု
ကူးလူးဆက်ဆံရုံတင်မကသေးဘဲ
ဘာသာ အယူဝါဒ ကိုးကွယ်ရာတွင်လည်း
ကူးလူးဆက်ယှက်မှုများ ရှိခဲ့ကြောင်း ထင်ရှား၏။

ဆော်လမွန်ဘုရင်ကြီး၏
ဖခင်မှာ အရှေ့အလယ်ပိုင်းဒေသတွင် အစ္စရေးလူမျိုးတို့၏
ပထမဦးဆုံးတိုင်းပြည်ဖြစ်သည့်ဣသရေလပြည်ကို
ထူထောင်ခဲ့သည့် ပထမဦးဆုံးဘုရင်ကြီး
ဒေးဗစ်(King David) ဖြစ်သည်။

(The King Solomon) ဆော်လမွန်ဘုရင်ကြီး၏
အမည်ကို သမ္မာကျမ်းစာတွင် (ရှောလမုန်) ဟု
ရေးသားဖော်ပြပြီး ကုရ်အာန်တွင် နဗီတမန်တော်
(စုလိုင်မန်) ဟု ပြန်ဆိုရေးသားသည်။

" ဆော်လမွန်ဘုရင်ကြီး  " အကြောင်း
စာရေးသူမှ သီးသန့်ရေးသားထားသည်အား
အောက်ပါလင့်ခ်တွင် ဖတ်ရှုနိုင်ပါသည်။

>>>
" ဆော်လမွန် ဘုရင်ကြီး "
https://m.facebook.com/story.php?story_fbid=482744895453059&id=100011526584294

[၂]

" ဆော်လမွန်ဘုရင်၏ သားလုပွဲ "

ဆော်လမွန်ဘုရင်ကြီး၏ တရားစီရင်ထုံး
တခုအား သမ္မာကျမ်းစာ၏
(1king 3း16-28)/ဓမ္မရာဇဝင်
တတိယစောင် (3း 16-28)
အထိတွင် အောက်ပါအတိုင်းပါရှိ၏။

" ဆော်လမွန် ဘုရင်ကြီး၏ ​စီ​ရင်​ဆုံး​ဖြတ်​ခြင်း​ပညာ "

အခါတပါး၌ ဆော်လမွန် ဘုရင်ကြီးထံသို့
အမှု ပြဿ      နာ ဖြေရှင်းရန်အလို့ငှာ
ပြည့်တန်ဆာမိန်းမနှစ်ယောက်ရောက်လာ၍ 
မိန်းမတစ်ယောက်က …
" အိုအရှင်၊ ကျွန်တော်မနှင့် ဤမိန်းမသည်
တစ်အိမ်တည်းနေကြပါ၏။ တစ်အိမ်တည်းနေလျက်
ကျွန်တော်မသည် သားမျက်နှာကို မြင်ပါ၏။
သုံးရက်လွန်မှ တစ်ဖန် ဤမိန်းမသည်
သားမျက်နှာကိုမြင်ပါ၏။ ထိုအိမ်၌ အဘယ်ဧည့်သည်မျှမရှိ။
သူနှင့် ကျွန်တော်မနှစ်ယောက်တည်းသာ ရှိပါ၏။
ဤမိန်းမသည် ညအခါ မိမိသားငယ်ကို
ဖိ၍အိပ်မိသောကြောင့် သားငယ်သေပါ၏။
သန်းခေါင်ယံ၌ သူသည်ထ၍ ကျွန်တော်မ
အိပ်ပျော်စဉ်အခါ ကျွန်တော်မသားငယ်ကိုယူ၍
မိမိရင်ခွင်၌ ထားပါ၏။ သူ၏သားငယ်
အသေကောင်ကိုမူကား၊ ကျွန်မ၏ရင်ခွင်၌
ထားပါ၏။

နံနက်အချိန်၌ ကျွန်တော်မသည်
သားငယ်ကို နို့တိုက်မည်ထသောအခါ၊ သားငယ်သည်
သေလျက်ရှိပါ၏။ သို့ရာတွင် ကျွန်တော်မသည်
သေသောသူငယ်ကိုစေ့စေ့ကြည့်ရှုသောအခါ၊
ကျွန်တော်မ ဖွားမြင်သောသားမဟုတ်ပါဟု "
လျှောက်၏။

[၃]

" ဆော်လမွန် ဘုရင်ကြီး၏ စီရင်ထုံး "

အခြားသော မိန်းမကလည်း
ဤသို့ ပြန်လည် လျှောင်တင်လေသည်။
"မဟုတ်ပါဘူး။ အသက်ရှင်သော
သူငယ်သည် ငါ့သား၊ သေသောသူငယ်သည်
သင်၏သားဖြစ်၏ဟု ငြင်းလေ၏။ အရင်မိန်းမကလည်း
ထိုသို့မဟုတ်။ သေသောသူငယ်သည် သင်၏သား၊
အသက်ရှင်သောသူငယ်သည် ငါ့သားဖြစ်၏ဟု "
ဆိုလေ၏။ ထိုသို့ရှေ့တော်၌ လျှောက်ဆိုကြလျှင်
ဆော်လမွန် ဘုရင်ကြီးကလည်း
" မိန်းမတစ်ယောက်က အသက်ရှင်သော
သူငယ်သည် ငါ့သား၊ သေသောသူငယ်သည်
သင်၏သားဖြစ်၏ဟုဆိုလျက်၊ တစ်ယောက်က
ထိုသို့မဟုတ်။ သင်၏သားသေပြီ။ ငါ့သား
အသက်ရှင်သည်ဟု ဆိုသည်ဖြစ်၍
ဓားယူခဲ့ဟု " မိန့်တော်မူသည်အတိုင်း
ဓားကို ရှေ့တော်သို့ယူခဲ့ကြ၏။

ဆော်လမွန်ဘုရင်ကြီးကလည်း
" အသက်ရှင်သောသူငယ်ကိုခွဲ၍ ထိုမိန်းမတို့အား
တစ်ယောက်တစ်ဝက်စီပေးလော့ဟု မိန့်တော်မူသော် "

အသက်ရှင်သောသူငယ်၏အမိသည်
မိမိသားကိုအလွန်သနား၍ …

" အိုအရှင်…
အသက်ရှင်သောသူငယ်ကို မသတ်ပါနှင့်
ဤမိန်းမအား ပေးတော်မူပါဟု "တောင်းပန်လေ၏။

အခြားမိန်းမကလည်း
" ငါမပိုင်စေနှင့်။ သင်လည်း မပိုင်စေနှင့် "
တဝက်စီ ခွဲပါလေစေဟု ဆို၏။

ထိုအခါ ဆော်လမွန်ဘုရင်ကြီးက
" အသက်ရှင်သော သူငယ်ကိုမသတ်နှင့်။
အရင်မိန်းမအား ပေးလော့။ သူသည် အမိမှန်သည်ဟု "
မိန့်တော်မူ၏။

အထက်ပါအတိုင်း
ရှင်ဘုရင်စီရင်တော်မူသည်အရာကို
ဣသရေလအမျိုးသားအပေါင်းတို့သည်
ကြားသိကြသောအခါ၊ တရားစီရင်စေခြင်းငှာ
ဘုရားသခင်ပေးတော်မူသောဉာဏ်နှင့်
ရှင်ဘုရင်ပြည့်စုံကြောင်းကို သိမြင်၍၊
ဆော်လမွန်ဘုရင်ကြီးကို ကြောက်ရွံ့
ရိုသေကြ၏။

ဤသည်မှာ ဆော်လမွန်ဘုရင်ကြီး
" သားလုပွဲ " ၏ စီရင်ထုံး ဖြစ်သည်။

[၄]

" မဟော်သဓါ ဖြေရှင်းခဲ့သော ပြဿ      နာများ "

အထက်ပါ ဆော်လမွန်ဘုရင်ကြီး၏
" သားလုပွဲ" စီရင်ထုံးကဲ့သို့ပင် အလားတူညီသော
ဆင်တူယိုးမှား ဇာတ်လမ်းနှစ်ခုအား
မဟော်သဓါဇာတ်တော်ကြီး " သားတရား
စီရင်ခန်း " နှင့် အိန္ဒိယတောင်ပိုင်းရှိ တေလဂူ
ရိုးရာပုံပြင်များမှ " ဗြဟ္မဏပုဏ္ဏားနှင့် မယားနှစ်ယောက်"
ပုံပြင်တွင်လည်း တွေ့ရှိရလေသည်။

မဟော်သဓါဇာတ်တော်ကြီးတွင်
နွားတရားစီရင်ခန်း l လည်ရွဲတရားစီရင်ခန်း l
ချည်ထွေးတရားစီရင်ခန်း l သားတရားစီရင်ခန်း l
မယားခိုးတရားစီရင်ခန်း l ရထားတရားစီရင်ခန်း l
ရှားလှံတံပြဿ      နာ l ဦးခေါင်းခွံပြဿ      နာ l
မြွေပြဿ      နာ l ကြက်ပြဿ      နာ l ပတ္တမြား ပြဿ      နာ l
သားဖွား ပြဿ      နာ l ထမင်းပြဿ      နာ l သဲလွန် ပြဿ      နာ l
ရေကန် ပြဿ      နာ l ဥယျာဉ် ပြဿ      နာ l မြည်း ပြဿ      နာ l
ကကဏ္ဋက ပဥှာခန်း l သီရိကာလကဏ္ဍီ ပြဿ      နာခန်း l
မေဏ္ဍက ပဥှာခန်း l သီရိမန္တ ပြဿ      နာခန်း l သဗ္ဗရတနာ
စောရခန်း l ဘူရိ ပဥှာခန်း l ဒေဝဒိတာ ပုစ္ဆိတပဥှာခန်း l
ပဉ္စ ပဏ္ဍိတ ပဥှာခန်း l စလာက ဒေဝီ၏ ပဥှာခန်း l
ရေစောင့်ဘီလူး ပဥှာခန်း စသည့်အခန်းများပါဝင်ပြီး
ဘုရားအလောင်း မဟော်သဓါက ပြဿ      နာများအား
ပညာဥာဏ်ဖြင့်  ဖြေရှင်းသည်များ ပါဝင်လေ၏။

မဟော်သဓါ ဇာတ်ပါ " သားတရားစီရင်ခန်း"မှာ
အောက်ပါအတိုင်းဖြစ်သည်။

[၅]

" မဟော်သဓါ သားတရား စီရင်ခန်း "

သားတရားစီရင်ခန်းဟူသည်ကား တနေ့သ၌
မိန်းမတယောက်သည် မိမိသားကို ပိုက်ချီလျက်
ရေချိုးအံ့သောငှာ မဟော်သဓါသုခမိန် စီရင်သော
ရေကန်သို့ လာလတ်၍ ထိုရေကန်၌ သားငယ်ကို
ရေချိုးပြီးသော်   မိမိရေချိုးအံ့သောငှာ သားဖြစ်သူကို
အဝတ်ပေါ်၌ သိပ်ထားပြီးလျှင် ရေကန်နားသို့
ဆင်းသက်လေသည်။

ထိုအခါ ဘီလူးမတယောက်သည်
ထိုသူငယ်ကို မြင်သော် စားချင်သောစိတ်ရှိသဖြင့်
မိန်းမအသွင်ယူလျက် လာလတ်၍
" အဆွေ ဤသူငယ်သည် ချစ်စဖွယ်
သနားစဖွယ်ရှိ၏။သင့်သားပေလော ဟု
မေး၏။သူငယ် အမလည်း "အဆွေမ ကျွနုပ်
သားပင်တည်းဟု "  ဆိုလတ်သော်
ဘီလူးမသည်  သူငယ်ကို ချီ၍
" နို့တိုက်စမ်း ပါရစေ " ဟုဆို၏။

သူငယ်အမိလည်း သဘောရိုးထင်၍
" တိုက်ပါတော့ " ဟု ဆိုလျှင် ဘီလူးမလည်း
သူငယ်ကိုချီ၍ နို့တိုက်ယောင်ဟန် ရွှင်စေပြီး
ဆောင်ယူပြေးလေတော့သည်။သူငယ်၏
အမိလည်း အလျင်အမြန် ရေကန်မှတက်၍
လိုက်ကာ " ငါ့သားကိုဆောင်ယူ၍ အဘယ်သို့
သွားမည်နည်း " ဟု လိုက်လျက်
လက်လှမ်း၍မီသော် ဘီလူးမကို ကိုင်ဆွဲလေ၏။
ဘီလူးမလည်း " သင့်သား အဘယ်မှာ
ရှိသနည်း။ဤသူငယ်ကား ငါ့သားတည်း" ဟု
တုံ့ဆိုလေတော့သည်။ဤသို့ ငြင်းဆိုကြရင်း
လုကြရင်းဖြင့် ဘုရားအလောင်းတော်
မဟော်သဓါကစားရာ ဇရပ်တံခါးဝသို့
ရောက်လာကြလေ၏။ လူသူအများလည်း
တစတစ ကြည့်ရှုသူ များပြားလာတော့သည်။

[၆]

" သားလုစေခြင်း "

ဘုရားအလောင်းသုခမိန်သည်
သားလုနေသော အမျိုးသမီးနှစ်ယောက်ကို
စေ့စပ်စွါ အကဲခတ်၍ " သင်တို့ ငါ့ အဆုံးအဖြတ်၌
တည်ကြအံ့လော " ဟုမေးရာ နှစ်ဦးစလုံးမှ
" အရှင့်သား တည်ပါမည် " ဟု ကတိစကားရ၏။

ထိုအခါ မဟော်သဓါသုခမိန်သည်
မြေ၌စည်းတခုတား၍ စည်းအပေါ်၌
သူငယ်ကို အသာအယာချကာ
ဘီလူးမကို သူငယ်၏ လက်တို့၌ အမိရင်းကို
ခြေတို့၌ ကိုင်စေပြီးလျှင် သင်တို့နှစ်ယောက်
လုကြကုန်။ လုနိုင်သူ သားရှင်ဖြစ်စေ ဟု
ဆိုတော့သည်။

ထိုမိန်းမနှစ်ယောက်တို့လည်း
ဘုရားအလောင်းဆိုသည့်အတိုင်း လုကြလေသော်
သူငယ်သည် အလွန်နာကျင်သည်ဖြစ်၍ သည်းစွါ
ငိုလတ်လျှင် အမိသည် နှလုံးကွဲလေသကဲ့သို့
ပြင်းစွါ ခံစားရသောကြောင့် သူငယ်ခြေမှ လက်ကို
လွှတ်ပြီးလျှင် ညှိုးငယ်စွါ ရပ်လျက်
ငိုယိုလေတော့သည်။

[၇]

" မဟော်သဓါ စီရင်ထုံး "

ထိုအခါ မဟော်သဓါသုခမိန်သည်
" သားတရားစီရင်ခန်း" ကို စိတ်ဝင်တစား
စောင့်ကြည့်နေကြသော ပရိတ်သတ်ဘက်ကို
လှည့်လျက် " အချင်းတို့ ။ သူငယ်တို့ကို
မိခင်ရင်းသည် သာ၍ ချစ်သလော။ အမိ
မဟုတ်သော သူတို့သည် သာ၍ ချစ်သလော"ဟု
မေး၏။ လူတို့လည်း " အရှင့်သား သူငယ်တို့အား
မိခင်ရင်းသည် သာ၍ ချစ်ပါသည် " ဟု
ဆိုလတ်ကြသော် ။မဟော်သဓါ သုခမိန်သည်
" အချင်းတို့ သူငယ်ကို လုယူနိုင်သော
မိန်းမသည် ထိုသူငယ်၏ မိခင်လော ။ မလုယူ
နိုင်ဘဲ ငိုယိုနေသော မိန်းမသည် သူငယ်၏
မိခင်လော ။ သင်တို့ အဘယ်သို့ ထင်ကြသနည်း" ဟု
မေးမြန်းရာ  ပရိတ်သတ်ကလည်း 
" အရှင့်သား သူငယ်၏ နာကျင်ခြင်းဖြင့်
သည်းမခံနိုင်သောကြောင့် လွှတ်လိုက်သည့်
ငိုယိုနေသော အမျိုးသမီးအား သူငယ်၏
မိခင်ရင်းဟု ကျွနုပ်တို့ ထင်ကြသည် " ဟု
တူညီစွါ ပြောကြလေ၏။

ဘုရားအလောင်းမဟော်သဓါသည်
" အချင်းတို့ ထိုသူငယ်ကို ခိုးယူသော မိန်းမကို
အသင်တို့ သိကြကုန်သလော "ဟု ထပ်မေးရာ
" အရှင့်သား မသိပါ " ဟု ဖြေလျှင်
" အချင်းတို့ ဤမိန်းသည် လူမဟုတ်။
ဘီလူးမတည်း။ဤသူငယ်ကို စားလိုသဖြင့်
ခိုးလေသည် " ဟု မဟော်သဓါက
ဆိုလေသည်။

ပရိတ်သတ်တို့လည်း " အရှင့်သား…
အဘယ်ကြောင့် သိသနည်း " ဟု
မေးကြလတ်လျှင် " အချင်းတို့ ဤအမျိုးသမီးကို
သင်တို့ ရှုလော့ ။ မျက်တောင်လည်း မခတ် ။
မျက်ထောင့်လည်း နီ၏။ သူငယ်၌ သနား
ချစ်ခင်ခြင်းမရှိ။ ကြမ်းတမ်း၏။ခက်ထန်၏။"
ထိုသို့သောကြောင့် ဘီလူးမှန်း
အတတ်သိပေသည်ဟု ဆိုပြီး
မဟော်သဓါလည်း ဘီလူးမကို အမှန်အတိုင်း
ဝန်ခံစေရာ ဘီလူးမလည်း ဝန်ခံလေတော့သည်။
ထို့နောက် ဘီလူးမကို သီလထိုက်သင့်သရွေ့
တည်စေပြီး လွှတ်လိုက်လေ၏။

မဟော်သဓါသုခမိန်၏ ပညာဥာဏ်ကြောင့်
အမိရင်းလည်း သားငယ်ကို ပြန်လည်ရရှိလေရာ
မဟော်သဓါ သုခမိန်အား ဝမ်းမြောက်ဝမ်းသာ
ချီးမွမ်းပြီးလျှင် ဆုတောင်းမေတ္တာပို့လျက်
" သားတရားစီရင်ခန်း "ပြီးလေတော့သည်။

[၈]

" တေလဂူရိုးရာ ပုံပြင် (Telugu Folktale) "

အထက်ဖော်ပြပါ ဆော်လမွန်ဘုရင်ကြီး၏
သားလုပွဲ l မဟော်သဓါ  သားတရားစီရင်ထုံး နှင့်
ဆင်တူသော ဇာတ်လမ်းတခုကိုလည်း
အိန္ဒိယတောင်ပိုင်း တယ်လင်ဂနနယ်
တေလဂူရိုးရာ ပုံပြင်ထဲမှ
" ဗြဟ္မဏပုဏ္ဏားနဲ့ မယားနှစ်ယောက် "
ဆိုသည့် ပုံပြင်တွင် အောက်ပါအတိုင်း
တွေ့ရလေ၏။

" ဗြဟ္မဏပုဏ္ဏားနဲ့ မယားနှစ်ယောက် "

အိန္ဒိယ တောင်ပိုင်း ရာဇဌာန်ပြည်နယ်
Dakhan(दखन)ရှိ ကျေးရွာငယ်တခုတွင်
ဗြဟ္မဏ ပုဏ္ဏားတဦးသည် မယား
နှစ်ယောက်နှင့် နေထိုင်လေသည်။

ပုဏ္ဏား၏ မယားကြီး ဖြစ်သူမှာ အချိန်တန်
နေ့လစေ့သောအခါ ကလေးငယ်တဦးကို
ဖွားမြင်၏။ ကလေးသူငယ်
(၁၀) လသား အရွယ်ရောက်သောအခါ
ုဗြဟ္မဏ ပုဏ္ဏားသည်  မိသားစုကို
ခေါ်ဆောင်ပြီး ဗာရာဏသီသို့ ပြောင်းရွှေ့ရန်
ထွက်ခွါလာခဲ့လေသည် ။ ကံဆိုးချင်တော့
လမ်းခရီး၌ ဗြဟ္မဏပုဏ္ဏားခမျာ ရောဂါဖြင့်
သေဆုံးတော့၏။

[၉]

ဗြဟ္မဏပုဏ္ဏား မရှိတော့သည့်နောက်ပိုင်း
ကျန်ရှိခဲ့သော ကလေးအား ပုဏ္ဏား၏
မယားနှစ်ယောက်စလုံးက အလွန်တရာ
ချစ်ခင်ကြလေသည်။ ကလေးငယ်အဖို့လည်း
မည်သူက သူ့မိခင်အရင်းဟု မသိနိုင်လောက်
အောင်ပင်  နှစ်ဦးစလုံးက သံယောဇဉ်ပိုကြ၏်။

တရက်သော အခါ ဗြဟ္မဏပုဏ္ဏား၏
ဇနီးအငယ်သည် မိခင်ရင်းဖြစ်သူ အလစ်၌
ကလေးကိုချီ၍ ဝေးရာသို့ ထွက်ပြေးလေတော့၏။
ကလေးသူငယ်ကို သူမသာ ပိုင်ဆိုင်လိုသော
ဆန္ဒသည် အထွဋ်အထိပ်ရောက်လာပေပြီ။

မိခင်ရင်းလည်း အဖြစ်အပျက်အား
ရိပ်မိသွားပြီး အလျင်အမြန်လိုက်လေ၏။
လမ်းခုလတ်၌ မီသောအခါ မိမိကလေးအား
ပြန်တောင်းလေလျှင် ပုဏ္ဏား၏အငယ်မယားက
သူမွေးထားသည့် ကလေး သူခေါ်တာဟု
ကလေးကို ပြန်လုရင်း ငြင်းလေတော့သည်။

ထိုသို့ လုကြ ငြင်းကြရင်းဖြင့်
လူအများလည်း စုဝေးရောက်ရှိလာရာ
အနီးနားရှိ တရားစီရင်သောနေရာသို့
ခေါ်ဆောင်သွားကြလေ၏။

[၁၀]

" တေလဂူပုံပြင်မှ စီရင်ထုံး "

တရားစီရင်သော နေရာ၌
တရားစီရင်သူက အမျိုးသမီးနှစ်ယောက်အား
အဖြစ်အပျက်ကို စစ်ဆေးမေးမြန်း၍
အကြောင်းစုံ သိသွားလေရာ
သူ့လက်အောက်ရှိ တာဝန်ထမ်းဆောင်နေသော
ငယ်သားတဦးကို ကလေးအား
တဝက်စီပိုင်း၍ ပေးလိုက်ရန်
အမိန့်ပေးလိုက်တော့သည်။

မိခင်ရင်းမဟုတ်သော
အမျိုးသမီးလည်း ကလေးငယ်အား
ငါမရလေလျှင် တခြားသူအား
မပေးနိုင်ဆိုသည့် အတွေးဝင်ကာ
တိတ်တဆိတ်သာနေ၏။

မိခင်ရင်းဖြစ်သော ကွယ်လွန်သူ
ဗြဟ္မဏပုဏ္ဏား၏မယားကြီးမှာတော့
ကလေးသေဘေးတွေ့နေသည်ကို ရင်ဝယ်
မချိသော ပူဆွေးမှုဖြင့် တရားစီရင်သူအား
ကလေးသေမှာစိုးလို့ သူမယူတော့ပါဘူး။
ကလေးကို မသေပါစေနဲ့ တပါးသော
အမျိုးသမီးငယ်သာ ပေးလိုက်ပါတော့ဟု
လျှောက်လေတော့သည်။

အထက်ပါ (Telugu) တေလဂူ ရိုးရာ
ပုံပြင်၌ လည်း ဆော်လမွန်ဘုရင်ကြီး၏
" သားလုပွဲ " နှင့် မဟော်သဓါ " သားတရားစီရင်ခန်း"
ကဲ့သို့ ဇာတ်လမ်း ဆင်တူလာလေသည်။

[၁၁]

" တေလဂူ ဘာသာစကား( Telugu language) "

" တေလဂူ " ရိုးရာပုံပြင်များ အကြောင်း
ပြောဆိုလျှင် တေလဂူဘာသာစကားအကြောင်းလည်း
ထိုက်သင့်သလောက်တော့ သိရှိထားသင့်ပေ၏။
တေလဂူဘာသာစကားဆိုသည်မှာ အိန္ဒိယနိုင်ငံ၏
တရားဝင်ရုံးသုံးဘာသာစကားတခုထဲ
အပါအဝင်ဖြစ်သည်။

တေလဂူလူမျိုး အများဆုံးနေထိုင်သည်မှာ
(Andhra Pradesh)အန္ဓရာပရာဒေ့ရ်ှပြည်နယ်တွင်
ဖြစ်ပြီး တေလဂူ (Telugu) ဘာသာစကားကို
အသုံးများကြသည်။ တေလဂူဘာသာစကားကို
အိန္ဒိယနိုင်ငံ၏ အခြားပြည်နယ်များ၌လည်း
အသုံးပြုပြီး (၂၀၀၁)ခုနှစ်  စစ်တမ်းကောက်ချက်အရ
တေလဂူစကားပြောသူ  (၇၄)သန်းဝန်းကျင်ရှိရာ
အိန္ဒိယနိုင်ငံ၏ တတိယမြောက်  အများဆုံး
အသုံးပြုသော ဘာသာစကားတစ်ခုဖြစ်၏။

(Telugu)တေလဂူမှာ ဒြာဗီဒီယန် (Dravidian)
မျိုးနွယ်ဝင် ဘာသာစကားတစ်ခု ဖြစ်ပြီး အိန္ဒိယ၏
မူလဘာသာစကား ဖြစ်သည်။ ဒြာဗီဒီယန်နွယ်ဝင်
ဘာသာစကားများကို သီရိလင်္ကာနိုင်ငံ အရှေ့မြောက်ပိုင်း၊
ပါကစ္စတန်၊ နီပေါနှင့် ဘင်္ဂလားဒေ့ရ်ှနိုင်ငံများအပြင်
မလေးရှား၊ စင်္ကာပူစသော နိုင်ငံများတွင်လည်း
သုံးစွဲကြောင်း သိရှိရသည်။

[၁၂]

" တေလဂူ ဘာသာစကား ဇစ်မြစ် "

ဒြာဗီဒီယန် မျိုးနွယ်ဆိုသည်မှာ
မြန်မာတို့ ရင်းနှီးပြီးသားဖြစ်သော ရာမာရဏဇာတ်တော်မှ
သီဟိုဠ်ကျွန်းဘုရင် ဒဿ      ဂီရိမျိုးနွယ်ဖြစ်ပြီး အသားအရောင်
မည်းနက်၍ ခန္ဓာကိုယ်ထွားကြိုင်းကာ သားစိမ်းငါးစိမ်း
စားသည့် ဘီလူးမျိုးနွယ်များဟု
ဆိုစမှတ်ရှိကြ၏။

ဤနေရာတွင် ထောက်ဆဆင်ခြင်ကြည့်ပါက
သီဟိုဠ်ဘာသာဖြင့် မုလကနဦး ရှိနေသော
မဟော်သဓါဇာတ်တော်ကြီးသည်
သီဟိုဠ် ဇာတ်ကြောင်းများကိုသာ အခြေပြုထားလေက
မဟော်သဓါဇာတ်တော်ပါ ကလေးငယ်အား
စားချင်သောကြောင့် ခိုးယူသည့် ဘီလူးမဆိုသည်မှာ
အဆိုပါ ဒြာဗီဒီယန်မျိုးနွယ်ဝင် အမျိုးသမီးတယောက်
ဖြစ်နိုင်သည် ဆိုသောအချက်ပင်။

အများစုထင်ထားသကဲ့သို့
မမြင်မတွေ့အပ်သော အစွယ်တပြူးပြူး နှင့်
တန်ခိုးတော်ထွားသည့် ဘီလူးမ မဟုတ်ဘဲ
သားစိမ်းငါးစိမ်း ကြိုက်နှစ်သက်ပြီး ကြမ်းတမ်း
ခက်ထက်သော သီဟိုဋ္ဌ်ကျွန်းသူ
အမျိုးသမီး တယောက်ဖြစ်နိုင်ပေသည်။

ဒြာဗီဒီယန်ဘာသာစကားသည် အိန္ဒိယ
တောင်ဘက်ပိုင်းရှိ ကျောက်ခေတ်နှောင်းပိုင်း
လူ့အသိုက်အဝန်းမှ မြစ်ဖျားခံလာသော
ဘာသာစကားတမျိုးဖြစ်ပြီး တေလဂူဘာသာစကားသည်
အဆိုပါ ဒြာဗီဒီယန်ဘာသာစကားမှ ကွဲထွက်လာသော
ဘာသာစကားတခုပင်ဖြစ်၏။ထို့ကြောင့် တေလဂူ
ဘာသာစကား၏ နှစ်အပိုင်းအခြားကို ထောက်ဆ
ခြင်းဖြင့် တေလဂူရိုးရာပုံပြင်များသည်လည်း
နှစ်ကာလ အလွန်ကြာညောင်းလှသော
အခါကာလကပင် တေလဂူမျိုးနွယ်စုတို့၌
အမြစ်တွယ်ရှင်သန်လာခဲ့သော ရိုးရာပုံပြင်များ
ဖြစ်သည်မှာ ယုံမှားဖွယ် မရှိပေ။

[၁၃]

" မဟော်သဓါ "သားတရားစီရင်ခန်း"၏ မူလ ဇစ်မြစ် "

မဟော်သဓါဇာတ်တော်သည်
ငါးရာ့ငါးဆယ်ဇာတ်တော်များထဲမှ ဇာတ်တော်
တခုဖြစ်၏။ ငါးရာ့ငါးဆယ် ဇာတ်တော်များ
ဆင်းသက်လာရာသည် သီဟိုဠ် ဘာသာဖြင့်ရေးသား
ထားသော အဋ္ဌကထာများဖြစ်ပေသည်။

မြတ်စွာဘုရားရှင် ပရိနိဗ္ဗာန်စံတော်မူပြီး
နှစ်ပေါင်း(၉၃၀) ဝန်းကျင်တွင် ရှင်မဟာဗုဒ္ဓဃောသ
မထေရ်ကြီးက သီဟိုဠ် ကျွန်း အနုရာဓမြို့ တောင်ဖက်ရှိ
မဟာဝိဟာရကျောင်းကြီး၌ သီတင်းသုံးနေတော်မူစဉ်
သီဟိုဠ်ဘာသာဖြင့် ရေးသားထားသော
ဇာတ်အဋ္ဌကထာများကို ပါဠိဘာသာဖြင့်
ပြုစုတော်မူခဲ့သည်။

ရှင်မဟာ ဗုဒ္ဓဃောသမထေရ် ပြုစူတော်မူခဲ့သော
ပါဠိ အဋ္ဌကထာများမှာ အခြားသောပိဋကတ်တော်များနှင့်အတူ
သာသနာတော်နှစ် (၉၃၀)ကျော်၌ပင် သီဟိုဠ်ကျွန်းမှ
မြန်မာနိုင်ငံအောက်ပိုင်း သထုံပြည်သို့ ရောက်ရှိခဲ့၏။
ထို့နောက် သာသနာနှစ် ၁၆၀၁ ခု(ခရစ်သက္ကရာဇ် ၄၁၉ ခုနှစ်)
ဝန်းကျင်တွင် ပုဂံပြည့်ရှင် အနော်ရထာမင်းက သထုံပြည်မှ
ပိဋကတ်တော်များကို ပင့်ဆောင်သဖြင့်
မြန်မာနိုင်ငံတဝှန်းလုံးသို့ တဖြည်းဖြည်း
ပျံ့နှံ့သွားလေသည်။

"ရှင်မဟာ ဗုဒ္ဓဃောသ "ပါဠိပြန်ထားသည်အား
မြန်မာစကားပြေဖြင့် မင်းဘူး ဆရာတော်
ဦးသြဘာသမှ ပြန်ဆိုခဲ့သောကြောင့်
မြန်မာစာဖတ်ပရိတ်များ အလွယ်တကူ
ဖတ်ရှုနိုင်ခဲ့တော့၏။

[၁၄]

" ရှင်မဟာ ဗုဒ္ဓဃောသ၏ မွေးရပ် (တေလဂူ)"

အရင်းစစ် အမြစ်မြေက ဆိုသလို
" မဟော်သဓါ ဇာတ်တော် " စတင်ရာ
ရှင်မဟာ ဗုဒ္ဓဃော၏ မွေးရပ်မြေကို
လေ့လာကြည့်လျှင်  တကျောင်းတဂါထာ
တရွာ တပုဒ်ဆန်းဆိသြလို မြန်မာပြည်မှ
မွန်လူမျိုးဟူ၍ ဆိုကြ ပြောကြသလို ။
အိန္ဒိယတိုက်သားဟုလည်း
ပြောဆိုကြလေ၏။

သမိုင်း အချက်အလက်များအရ
အိန္ဒိယသားပိုဖြစ်နိုင်ပေသည်။
သီရိလင်္ကာ မဟာဝံသ ကျမ်းတွင်
ရှင်မဟာ ဗုဒ္ဓဃောသကို အိန္ဒိယနိုင်ငံ
ဗုဒ္ဓဂါယာ၏ မဟာဗောဓိပင် အနီး
ဃောသရွာတွင်  မွေးဖွားသည်ဟု
ဆိုပေသည်။

(Dharmananda Kosambi)
ရှင်ဓမ္မနန္ဒကောသမ္ဗိကတော့ ရှင်မဟာ
ဗုဒ္ဓဃောသသည်  ဗြဟ္မဏမျိုးနွယ်ဖြစ်ပြီး
ဗုဒ္ဓဂါယာမှာ  မွေးဖွားသည် ဆိုသော
အချက်အား လက်မခံပေ။ဆရာတော်၏
အဆိုအား စာရေးသူကိုယ်တိုင်လည်း
နှစ်သက်လက်ခံမိ၏။

[၁၅]

" ရှင်မဟာ ဗုဒ္ဓဃောသနှင့် တေလဂူပုံပြင် "

ဆရာတော်က အဋ္ဌကထာ ကျမ်းပြုရှင်
ရှင်မဟာ ဗုဒ္ဓဃောသအား အိန္ဒိယတောင်ပိုင်း
တယ်လင်ဂနနယ်မှ တေလဂူလူမျိုးဟု ဆို၏။

ရှင်ဓမ္မနန္ဒကောသမ္ဗိ ပြောဆို
ထောက်ပြသော အချက်သာ အမှန်ဆိုပါက
အိန္ဒိယတောင်ပိုင်း တယ်လင်ဂနနယ်မှ
တလဂူလူမျိုးဖြစ်သော ဆရာတော်
" ရှင်မဟာ ဗုဒ္ဓဃောသ" သည်
(Telugu Folktales) တေလဂူ ရိုးရာပုံပြင်များနှင့်
ရင်းနှီးကျွမ်းဝင် နေသည်မှာ  အထူးအဆန်းတော့
မဟုတ်ပေ။

ဆရာတော် ရှင်မဟာ ဗုဒ္ဓဃောသအဖို့
မဟော်သဓါဇာတ်တော်ကြီးအား
သီဟိုဠ် ကျွန်း အနုရာဓမြို့ တောင်ဖက်ရှိ
မဟာဝိဟာရကျောင်းကြီး၌ ပါဠိဘာသာသို့
ပြန်ဆိုရေးသားသည့်အခါ၌ သီဟိုဠ်ဇာတ်ဝတ္ထုများနှင့်
သူကြားဖူး မှတ်သားဖူးသော (Telugu Folktale)
တေလဂူရိုးရာ ပုံပြင်များကို အာရုံရမိမှာတော့
အမှန်ပင်။

ထို့ကြောင့် မဟော်သဓါ သုခမိန်၏
" သားတရား စီရင်ခန်း " သည်
ဆော်လမွန် ဘုရင် သားလုပွဲမှ လာသည်
ဆိုခြင်းထက် အဋ္ဌကထာ ကျမ်းပြုသူ
ရှင်မဟာ ဗုဒ္ဓဃောသ၏ မွေးရပ်ဖြစ်သော
အိန္ဒိယတောင်ပိုင်း တယ်လင်ဂနနယ်မှ
တလဂူလူမျိုးတို့၏ (Telugu Folktale)
တလဂူ ရိုးရာ ပုံပြင်များက ဆင်းသက်သည်သာ
ပိုမိုဖြစ်နိုင်ကြောင်း စာရေးသူအနေနှင့် ထင်မြင်ယူဆ
သုံးသပ်မိတော့ပေသတည်း …………………………
……………………………………………………………………
………………………………………………………………………

ကိုးကား >>>

[၁]
ဆင်တူသော ဇာတ်လမ်းသုံးခု
ဆော်လမွန် ဇာတ်လမ်း _မဟော်သဓါ
ဇာတ်လမ်းနှင့်တလဂူ ရိုးရာပုံပြင်ဇာတ်လမ်း
ဖတ်ရှုရန်လင့် >>>>>
Telugu Folktale
http://www.pitt.edu/~dash/type0926.html

[၂]
" တေလဂူဘာသာစကား အကြောင်း
  သိကောင်းစရာ "
https://en.m.wikipedia.org/wiki/Telugu_language