စု တု ပြု နှင့် စာပေသူခိုး ကွဲပြားစေလို

" စု တု  ပြု  နှင့် စာပေသူခိုး ကွဲပြားစေလို "

--------
မောင်သုခ
___________

[၁]

မြန်မာစာပေလောကမှာ
အစဉ်အဆက် ထင်ရှားခဲ့တဲ့ စာဆိုတွေဟာ
" စု တု ပြု " ဆိုတဲ့ လမ်းစဉ်ကို
လက်မလွှတ်ကြပါဘူး။
လက်ကိုင်ပြုသွားကြပါတယ်။ဒီနေရာမှာ
" စု တု ပြု  " ဆိုတဲ့  အဓိပ္ပါယ်ကို ကျကျနန
နားမလည်ရင် တချို့သော သူတော်ကောင်း
တွေကိုဖြစ်ဖြစ် စာပေပညာရှင်များကိုဖြစ်ဖြစ်
" စာပေသူခိုး" ဆိုတဲ့ ရင့်သီးတဲ့ အသုံးအနှုံးများနဲ့
ယိုးစွပ်မိတတ်ကြပါတယ်။

ဒါဟာ မသင့်တော် မှားယွင်းလွန်းသလို
အဂါရဝလည်း ဖြစ်စေတာမို့  မိမိတို့ထက်
အသက် ပညာ သိက္ခာ ကြီးမားသူတွေအပေါ်
စကားပြောဆိုတဲ့အခါ အပြုသဘောနဲ့
ဝေဖန်တာကသာ အသင့်တော်ဆုံးသော
နည်းလမ်းလို့ စာရေးသူအနေနဲ့
ကနဦး အကြံပြုလိုပါတယ်။

[၂]

" စု တု ပြု  " သူတိုင်းကို " စာပေသူခိုး "လို့
ပြောမယ်ဆို မြန်မာစာပေလောက တလျှောက်
စာသူခိုး l ပေသူခိုးတွေချည်းပါလားလို့
ပြောရပါတော့မယ်။ ဒီလို ပြောနိုင်လောက်တဲ့
အချက်အလက်တွေကလည်း တိကျထင်ရှားစွါ
ရှိနေတယ် မဟုတ်လား။

ဟုတ်ပြီ ။ ဒီလို စာဖတ်သူတွေအပေါ်
စေတနာထားပြီး " စု တု ပြု " ခဲ့တဲ့ ပုဂ္ဂိုလ်တွေကို
" စာပေသူခိုး "လို့ နှောင်းလူတွေကသာ မဆင်မခြင်
ယိုးစွပ်ကြရင်ဖြင့်  ရာမရကန်ဦးတိုးဟာလည်း
စာပေသူခိုး ဖြစ်သွားပါမယ်။ အလားတူ
မြန်မာတို့ရဲ့ ရှိတ်စပီးယားလို့ တင်စား
ခေါ်ဝေါ်ကြတဲ့ စာဆိုတော်ကြီး စလေ ဦးပုည
ဟာလည်း စာပေသူခိုးကြီးပါပဲ။ ဒါတင်ပဲလား
မဟုတ်သေးပါ။ ဇာတ်ကြီးဆယ်ဘွဲ့ကို
ပါဠိအဋ္ဌကထာကနေ မြန်မာစကားပြေ
ပြန်ဆိုခဲ့တဲ့ မင်းဘူးဆရာတော်ဦးသြဘာသ
ဟာလည်း စာပေသူခိုးကြီး
ဖြစ်သွားပါဦးမယ်။

ဘာ့ကြောင့်ဒီလို ပြောရသလဲဆိုတာကို
အောက်ပါအတိုင်း ရှင်းပြပါရစေ။
ဒီလို ပြောလို့ စာရေးသူကို အပြစ်တင်
မစောဘဲ စာစုကိုဆုံးအောင် ဆက်ဖတ်ကြည့်လိုက်ရင်
ဆိုလိုရင်းကို ထင်ရှားပါလိမ့်မယ်။

[၃]

" စလေ ဦးပုည ဟာ စာပေသူခိုးလော "

မြန်မာတို့ရဲ့ ရှိတ်စပီးယားလို့ နာမည်ကျော်
စာဆိုတော်ကြီး  စလေဦးပုညဟာ
အချုပ်တန်း ဆရာဖေနဲ့ စာပေတိုက်ပွဲ
ထင်ရှားစွါ ရှိခဲ့ပြီး သူ့ခေတ်သူ့အခါက
စာကောင်းရင် စလေဦးပုည ရေးတယ်လို့သာ
လူတကာ ထင်နေကြတဲ့အထိကို
စာပေမှာ သြဇာကြီးလှပါတယ်။

ယနေ့ခေတ်အခါထိကိုလည်း
မြန်မာစာပေလောကမှာ စာဆိုတော်ကြီး
စလေဦးပုည ကို ဘေးဖယ်ထားလို့
လုံးဝ မရလောက်အောင် ထင်ရှားလှပါတယ်။

ဒီလို မြန်မာစာပေလောကရဲ့
ထင်ရှားကျော်ကြား လှတဲ့ စာဆိုတော်ကြီး
စလေဦးပုညဟာ ရာမရကန်ဦးတိုးရဲ့
စာတွေအတိုင်း တထပ်ထည်း
တုရေးထားတာတွေရှိပါတယ်။
အခုခေတ်လူတွေ ပြောသလို ပြောရရင်
ခိုးရေးတယ်ပေါ့ဗျာ။ ကျွန်တော်ကတော့
ဒီလို မမြင်ပါဘူး ။

[၄]

" ဦးပုညသည် ဦးတိုးသုံးသည့်
စာလုံးများကိုပင် အစဉ်နှစ်ခြိုက်သော
ကြောင့် ဦးတိုး၏ ကိုယ်ပိုင်ပစ္စည်းနှင့်
တူသော ဝေါဟာရစုတို့ကို  အခါအခွင့်
သင့်တိုင်း သုံးစွဲလေ၏။ "

ဦးတိုးက ရာမလေးတင်ပွဲအကြောင်းကို
ရေးရာ၌  ရာမမင်းကို နန်းသူတို့မြင်၍
ဣနြေ္ဒပျက်ခန်း၌ " မချစ်သူမရှိ l လံဂဓိ
လံကဓေါ l လောကဓံဘာဝl သတိများ
ရခါမှ "  ဒီလို ရေးတယ်။

ဦးပုညအတူလိုက်ပုံက " ဒိဋ္ဌဓမ္မော l
ရွံစရာ လံကဓေါနှင့် သံယောဇဉ်
မဖြစ်လို "  ဒီလိုရေးတယ်။ ဦးပုညရေးတဲ့
ဝိဇယ ပြဇာတ်မှာလည်း " ဖြစ်တတ်
ပျက်ပြန် l လံကဓေါ လောကဓံမှာ l
ကံနှင့် ကတ္တား ဒီတရားများကို "
ဒီလိုရေးပြန်တယ်။

ဒီမှာ မေးစရာ ရှိလာပါပြီ။
ရာမရကန် ဦးတိုးရဲ့ စာတွေကို
ပုံတူကူးချ  ရေးသားခဲ့တဲ့ စာဆိုတော်ကြီး
စလေဦးပုည ဟာ စာပေ သူခိုးကြီးလားဗျာ…????

အနုပညာနယ်ပယ်မှာ
စု တု ပြု  ဆိုတာ ရှိပါတယ်။
ဒါကို ပညာရှင်တိုင်းက အလိုဆိုးနဲ့
အသုံးမချဘူးဆိုရင် နားလည်
လက်ခံပေးထားမြဲပါ ခင်မျ။
ဆိုတော့ကာ စာဆိုတော်ကြီး
စလေဦးပုည ဟာ စာပေသူခိုး
မဟုတ်ရပါဗျာ။

[၅]

" ရာမရကန် ဦးတိုးဟာ စာပေသူခိုးပေလော "

ဦးတိုးကရော ဘာထူးသေးလဲဗျ။
ဟောဒီ့မှာကြည့် သူရေးတဲ့
အုန်းသီးဘွဲ့မှာ သူ့အရင် ရွှေတောင်
နန္ဒသူရေးတဲ့  ဝါးဘွဲ့ကို မှီးရေးတယ်
ဝန်ခံထားလေရဲ့။

ရွှေတောင်နန္ဒသူရေး " ဝါးဘွဲ့ "

" ဝါးတလုံးကို သုံးလိုက်မည် l တစုမှာ ကနုတံ l
  တဖန်ခေါခွက် l တဝက်မှာတစို့ l တချို့မှာ ကင်ပြစ် l
   တဆစ်အခြား l ဘုရားတင်ရန် l တံခွန်တိုင်ထီး l
   တသီးတဝ l ဖြစ်ပြန်ရသည့်နှယ် " …

" ဦးတိုးရေး အုန်းသီးဘွဲ့  "

" အုန်းသီးတလုံးကို အသုံးတွေစုလိုက်သည့်
   သူ့ပညာ l စာနာဆင်ခြင် ဝါးတလုံးရှင်ကဲ့သို့
   ဂုဏ်ထင်ထင်စံမှီမှီ l စာဆိုမှုမှာ l အနုမြူတလုံးကို
   အကျယ်ဆုံးကောင်းကင်နှင့် တပြင်တည်း
  ချိန်မိအောင် l စကားအိမ်ဖြန့်တတ်သည့် ဥာဏ်ဂမ္ဘီ "…

ဒီမှာ စာဆိုတော်ကြီး ဦးတိုးဟာ
" စာနာဆင်ခြင် ဝါးတလုံးရှင်ကဲ့သို့  " ဆိုပြီး
မွေ့နန်းရကန်ဆရာ ရွှေတောင်နန္ဒသူကို
အတုယူရေးသားပါတယ်လို့ ဦးတိုး ကိုယ်တိုင်က
ဝန်ခံထားလေရဲ့ ။

[၆]

ဒါတင်ဘယ်ကမလဲ ။ ရှင်အဂ္ဂသမာဓိနဲ့
တခေတ်တည်းကျတဲ့ ပညာရှိမိန်းမ
အင်းဝမြို့သူမိဖြူ l ရခိုင်မြို့သူမိညိုတို့ရဲ့
ကိုယ်ရည်သွေးဘွဲ့ ရတုပိုဒ်စုံတွေကနေ
စာလုံးပါ မပြောင်းဘဲ ဦးတိုးက
သူ့ကိုယ်ရည်သွေး ဘွဲ့မှာ  အတုယူပြီး
ထပ်တူချည်း ဒီလို စပ်ဆိုလေရဲ့။

ဒါက မိဖြူရေးတဲ့ ကိုယ်ရည်သွေးဘွဲ့ …

" ကျွန်းတွင် ဇမ္ဗူ l ကျွန်ုပ်ဟူသား l
သောင်းယူဇနာ l မြေအောင်ချာ၌ l မဟာဗောဓိ l
တုမရှိသည်  … 

ပန်းတွင် မဉ္ဇူ l ကျွနုပ်ဟူသား ……စသည် ………

နန်းတွင်း မိဖြူ l ကျွန်ုပ်ဟူသား ………စသည် …………
…………………………………………………
နန်းတွင် မိဖြူသာတကား …… " 
ဒီလို ရေးစပ်ခဲ့တယ်။

ဒါကို ဦးတိုးက
" ပန်းမှာလည်း မဉ္စူ l ကျွန်းမှာလည်း ဇမ္ဗူ …
…………………………………………စသည် ………
………………………………………………………………
ဆယ်ကမ္ဘာပြန်လို့မှ မှီတန်ပါမလားလေ …"
ဒီလို အတုယူ ရေးလေရဲ့ ………

ဒီတော့ မေးစရာ ထပ်ရှိပြန်တာ
မြန်မာစာပေမှာ နာမည်ကြီးတဲ့ ရာမရကန်
ဦးတိုးက စာပေသူခိုးလား ခင်ဗျ။
မဟုတ်ရပါဘူးဗျာ။ စာဆိုတော်ကြီး
ရာမရကန် ဦးတိုးဟာ ကိုယ်တိုင်ကပင်
အတုယူ ရေးပါတယ်လို့ ရိုးသားစွါ
ဝန်ခံထားတာမို့ ဘယ်ကလာ
စာပေသူခိုးဖြစ်နိုင်ပါတော့မလဲ။

[၇]

" မင်းဘူးဆရာတော် ဦးသြဘာသဟာ
   စာပေသူခိုး  ပေလော "

ဒါတင်ပဲလား ဘယ်ဟုတ်လိမ့်မလဲ ။
မြန်မာပြည်မှာ အင်းဝကောင်းစားစဉ်အခါက
ရှင်မဟာ သီလဝံသ l ရှင်မဟာ ရဋ္ဌသာရ
အစရှိတဲ့ လင်္ကာဆရာတွေ ပေါ်ပေါက်ခဲ့တယ်။
ဒီဆရာတော်တွေနဲ့ ခေတ်ပြိုင် တခေတ်တည်းကျတဲ့
ရှင်အဂ္ဂသမာဓိက " နေမိဘုံခန်း " စတဲ့ ပျို့လင်္ကာ
တွေကို ရေးတယ်။

ဒီနောက်ပိုင်းမှာ ဇာတ်တော်ကြီးဆယ်ဘွဲ့ကို
အမရပူရ ကောင်းစားစဉ်အခါ ဘိုးတော်ဦးဝိုင်း
လက်ထက် မင်းဘူးဆရာတော်ဦးသြဘာသနဲ့
ညောင်ကန်ဆရာတော်က ပါဠိဇာတ်အဋ္ဌကထာကနေ
မြန်မာစကားပြေပြန်ခဲ့ကြတယ်။ဒီလို ပြန်တဲ့အခါ
ဦးသြဘာသရေးတဲ့ နေမိဇာတ်တော်ကြီးဟာ
ဘုံခန်းဆရာတော် ရေးသားတာကို
အတုယူရေးတာ ဖြစ်လေရဲ့။

ဘုံခန်းဆရာက "တထောင့်ကိုး လှိုဏ်l
တိုင်ကားသုဝဏ်l ဖလ်ကားအမိုး l ပြည့်လျှမ်းဖြိုးမျှ
တန်ခိုး မကြုံ l ဘုန်းလည်း ပုံလျက် l ညီစုံလည်ရှက်l
  ရွှေကြက်ဖက်သို့ "  ဒီလို ရေးစပ်တယ်။

ဦးသြဘာသက " လှိုဏ်စမုတ်လေသာ l
ရတနာခုနှစ်မျိုးl အမိုးနံရံ l ဖလ်အတိပြီးသော l
ဗိမ္မာန်ဘုံဆောင်ဝယ် " ဒီလို အတုယူရေးတယ်။

ဒီတော့ မေးစရာ ရှိပြန်လာပြီ။
မြန်မာစာပေရဲ့ ကျေးဇူးရှင်တဖြစ်လည်း
မင်းဘူးဆရာတော် ဦးသြဘာသ ဟာဖြင့်
စာပေသူခိုးကြီး လားခင်ဗျ။

ပေါက်ကရဗျာ။ ဝါသနာ စေတနာ
အနစ်နာ နာသုံးနာ အရင်းခံပြီး
နောက်လူတွေ အဆင်ပြေပြေ
ဖတ်ရှုနိုင်ဖို့ ကြိုးစားအားထုတ်ခဲ့တဲ့
ဆရာတော်ကြီးဟာ ဘယ်ကဘယ်လို
စာပေသူခိုး ဖြစ်ပါလိမ့်မလဲ ။

[၈]

" ဆရာမင်းသိင်္ခဟာ စာပေသူခိုးပေလော "

နောက်ပိုင်း လူငယ်တွေ အပြောများလာတာ
တခုက စာရေးဆရာ ဆရာမင်းသိင်္ခကို
စာပေခိုးသူ စာပေသူခိုးလို့ ခပ်စိတ်စိတ်
ပြောလာကြတာလေးပါ။

စာရေးဆရာ ဆရာမင်းသိင်္ခ
ဝန်ခံထားတာ အတော့်ကို
ရှင်းလင်းပါတယ်။ ဒီမှာ ဖတ်ကြည့်ပါဦး။

" လှေငယ်တို့မည်သည် ကမ်းနှင့် အလွန်ဝေးစွါ
  မခွါစကောင်း ဆိုသကဲ့သို့ ကျွန်ုပ်သည်
  ဆရာကြီးရွှေဥဒေါင်း အစရှိသည့်
   ဆရာကြီးများ၏ ရေးသားမှုများကို
အမှီပြုရေးသား ရပေတော့သည် "
လို့ဝန်ခံခဲ့ဖူးပါတယ်။

ဒီတော့ကာ အထက်ပါ အချက်အလက်တွေနဲ့ 
ပြန်စဉ်းစား ဆင်ခြင်ကြည့်လိုက်ရင်
ဆရာမင်းသိင်္ခဟာ " စု တု ပြု " ဆိုတဲ့
အနုပညာခြေလှမ်းတွေထဲက " စု တု " ဆိုတဲ့
အပိုင်းကနေ  " ပြု " ဆိုတဲ့ ကိုယ်ပိုင်ဖန်တီးမှုကို
ပြုလုပ်ဖို့ အားထုတ် ကြိုးစားနေတာကို
ထင်ရှားစွါ တွေ့ရပါလိမ့်မယ်။ဒီလို စာပေသမား
တယောက်ကို ကျွန်တော်တို့ " စာပေသူခိုး "
လို့ ပြောလို့ မဖြစ်နိုင်ပါဘူး။ဒါအတော်လေး
ထင်ရှားလှပါတယ်။

[၉]

" စု တု  ပြု  နှင့် စာပေသူခိုး ကွဲပြားစေလို "

ဒီနေရာမှာ အလျင်းသင့်တုန်း အထက်က
ဆရာမင်းသိင်္ခ စကားလေး ပြန်ကိုးကားပါရစေ။
" လှေငယ်တို့မည်သည် ကမ်းနှင့် အလွန်ဝေးစွါ
  မခွါစကောင်း ဆိုသကဲ့သို့ ကျွန်ုပ်သည်
  ဆရာကြီးရွှေဥဒေါင်း အစရှိသည့်
   ဆရာကြီးများ၏ ရေးသားမှုများကို
အမှီပြုရေးသား ရပေတော့သည် "
လို့ဝန်ခံခဲ့ဖူးပါတယ်။

အထက်မှာဖော်ပြခဲ့တာမှာလည်း
ရာမရကန် ဦးတိုးဟာ သူရေးသားတဲ့
" အုန်းသီးဘွဲ့" ဟာ  သူ့အရင် ကနဦး
ရေးသားထားခဲ့တဲ့   " ဝါးဘွဲ့ " အရေးကိုညွှန်းဆိုပြီး
" စာနာဆင်ခြင် ဝါးတလုံးရှင်ကဲ့သို့  " ဆိုပြီး
မွေ့နန်းရကန်ဆရာ ရွှေတောင်နန္ဒသူကို
အတုယူရေးသားပါတယ်လို့  ဝန်ခံခဲ့ဖူးတာကို
အမှတ်ရမိစေပါတယ်။

တကယ်တော့ ဒီစာပေပညာရှင်ကြီးတွေဟာ
အခုခေတ် လူတွေ မဆင်မခြင် ပြောသလို
" စာပေသူခိုး " ကြီးများ မဟုတ်ရပါဗျာ။
စာပေအနုပညာ ဖန်တီးမှု လမ်းစဉ်အရ
" စု တု ပြု " ဆိုတဲ့ အပိုင်းတွေက " စု "
" တု " ဆိုတဲ့  မိမိနှင့် သက်ဆိုင်ရာ စာပေ
ဗဟုသုတတို့ကို စုဆောင်းခြင်း တုပ ရေးသားခြင်း
ဒီလမ်းစဉ်တွေကို ဖြတ်သန်းနေကြတာပါ။
ဒီကနေမှ  " ပြု  " ဆိုတဲ့ မိမိကိုယ်ပိုင်
အရေးအသား ဟန်ပန်နဲ့ စာပေဖန်တီးမှု
တွေကို ပြုလုပ်နိုင်မှာ ဖြစ်လို့ပါပဲ။

[၁၀]

ဒီနေရာမှာ   " စု တု ပြု " ဆိုတဲ့
အပိုင်းသုံးပိုင်းမှာ  " တု " ဆိုတဲ့
အပိုင်းကို ပြောစရာရှိလာပါပြီ။
အစဉ်အဆက် စာပေပညာရှင်ကြီးတွေဟာ
မိမိတို့တုပကြောင်း ရှေးဆရာကြီးများကို
မှီခိုရေးသားကြောင်း ရိုးသားစွါ
ဝန်ခံခဲ့ကြတာဟာ အတုယူစရာပါ။
ဒါက စာပေခိုးတာ မဟုတ်ပါ။
မိမိလေစားတဲ့ ဆရာသမားရဲ့
အရေးအသား ကို တုပ ရေးသားတယ်
ခေါ်ပါတယ်။ဒီအတွက်လည်း ရိုးသားစွါ
ဝန်ခံကြတဲ့အတွက် ပိုလို့တောင် လေးစား
အားကျစရာပါ။

ကျွန်တော်တို့ဟာ မိမိလေးစားအားကျတဲ့
စာပေပညာရှင်ကြီးများနဲ့ တုပ ရေးသားကြတဲ့အခါ
မရှက်မကြောက် ရိုးသားစွါ ဝန်ခံဖို့ လိုအပ်ပါတယ်။

[၁၁]

" နာ သုံး နာ "

ဆရာမ ကြည်အေးကလည်း
ယခုလို ပြောခဲ့ဖူးကြောင်း မှတ်သားရပါတယ်။

" လူကောင်းဖြစ်ချင်ရင်
တရားကောင်းကို လေ့လာရသလို…
စာကောင်း ကဗျာကောင်း ရေးချင်ရင်
စာကောင်း ကဗျာကောင်း များများဖတ်ကြ။ " ဟူ၏။

ဒါဟာ အလွန် မှတ်သားစရာပါ။ ကျွန်တော်တို့
ရှေး ရှေးက စာပေပညာရှင်ကြီးများဟာလည်း
သူတို့ထက်ရှေးကျတဲ့ စာပေတွေထဲက
စာကောင်းပေကောင်းတွေကို ဖတ်ရှုခဲ့ကြပြီး
စာပေ ဗဟုသုတ အသိအမြင်တွေကို
စုဆောင်းခဲ့ကြပါတယ်။တုပ ရေးသားခဲ့ကြပါတယ်။
ဒီလိုနဲ့ ကိုယ်ပိုင် စာပေဖန်တီးမှု တွေကို 
ပြု လုပ်နိုင်ခဲ့ကြတာပါ။

ကျွန်တော်တို့ဟာလည်း ဒီလမ်းစဉ်ကိုပဲ
လိုက်ကြရမှာပါ။ ဒီမှာ အရေးကြီးတာက
အနုပညာ ဖန်တီးမှုတိုင်းတွင်ဖြစ်စေ…
တစုံ တခုသော အရာအား ဖန်တီးလျှင်ဖြစ်စေ …
ကဗျာ စာပေ ဖန်တီးမှုတွင် ဖြစ်စေ…
အခြေခံအားဖြင့် ဝါသနာ စေတနာနှင့် အနစ်နာ
နာသုံးနာ အရင်းခံ ရပါတယ်။။

အရင်းစစ် အမြစ်မြေက ဆိုသလို
မည်သည့်ဖန်တီးမှုတွင် ဖြစ်စေ ဒီသုံးချက်ကို
လက်မလွှတ်တမ်း ကိုင်ဆွဲကြရပါမယ်။

[၁၂]

" စု တု ပြု  မဟုတ်သည်များ "

ယနေ့ခေတ်အခါမှာ ကြပြန်တော့
စာညွန့်ခိုးတဲ့နည်းတွေ အတော်ပေါလာပါတယ်။
သူများရေးသားတဲ့ ဇာတ်အိမ် ဇာတ်ကွက်အတိုင်း
ဟိုနေရာအစားထည့် ဒီနေရာ အစားထည့်
ခရက်ဒစ်လည်း မပေး လေးစားသမှုနဲ့
ဘယ်ဆရာကို မှီရေးပါတယ်လည်း ဝန်မခံ
မသိရင် ကိုယ်တိုင်ပဲ ဖန်တီး ရေးသားသလိုလို
ဘာလိုလို ညာလိုလို နဲ့ အချောင်ခို
ဗြောင်ကျကျ စာခိုးတဲ့ စာသူခိုးတွေဟာတော့
" စု တု ပြု " လမ်းစဉ်က " တု " ဆိုတဲ့ တုပမှုထဲ
ထည့်လို့ လုံးဝ မသင့်တော်ပါဘူး။

သူများရေးထားတာ ကော်ပီယူ
နာမည်နေရာမှာ ကိုယ့်နာမည်လေးကောက်ထည့်
တတ်ကြတဲ့ အပြုအမူဟာလည်း " စု တု ပြု " လမ်းစဉ်က
" တု " ဆိုတဲ့ တုပမှုထဲ ထည့်လို့ မရပါဘူး။
ဒါမျိုးကြတော့ " စာပေသူခိုး " လို့သာ
ပြောရပါတော့မယ်။

[၁၃]

ဒီလို စာပေသူခိုး တွေရဲ့ အနှစ်ချုပ်ဖြစ်ပုံကတော့
" စု တု ပြု  " လမ်းစဉ်ရဲ့ အရင်းစစ် အမြစ်မြေလို့
ပြောရမယ့် အောက်ခြေဖောင်ဒေးရှင်းဖြစ်တဲ့
" စု " ဆိုတဲ့ စာပေနဲ့ပက်သက်တဲ့ 
သင့်တော်တဲ့ အသိအမြင် ဗဟုသုတများမှာ
" စု "  ဆောင်းနိုင်မှု မရှိတာကို တွေ့ကြရပါလိမ့်မယ်။

ဒီတော့ ဘာရေးရမှန်း မသိတော့
သူများစာ ခိုးတဲ့ " စာပေသူခိုး " များ
ဖြစ်ကြရပါတော့တယ်။

ဒီလို စာပေသူခိုး များကို
အပေါ်က စာပေပညာရှင်များနဲ့ တန်းတူထားပြီး
" စာပေသူခိုး " " စာသူခိုး "  များ အတူတူလို့
ပြောဆိုကြရင်ဖြင့် အတော်လေးကို
လွဲကြ မှားကြမှာ သေချာမုချပါပဲ။

ဒီလောက်ဆိုရင်ဖြင့် " စု တု ပြု " နဲ့
" စာပေသူခိုး " ဆိုတဲ့ အနက်အဓိပ္ပါယ်အပေါ်
ထိုက်သင့်သလောက်တော့ ခြားနား
ကွဲပြားပြီလို့ မှတ်ယူရင်း " စု တု ပြု  နှင့်
စာပေသူခိုး ကွဲပြားစေလို "  စာစုလေးကို
နိဂုံး ချုပ်လိုက်ပါတယ်။ လိုအပ်တာ
မှားယွင်းတာ ချို့တဲ့တာ ရှိနေရင်ဖြင့်
စာရှုသူများကပဲ ဖြည့်စွက်ပေးဖို့
တောင်းဆိုပါရစေ ဗျာ ။

                                 မောင်သုခ
                                 [28_Dec_2017]

မှတ်ချက် ။

အထက်မှာ ဖော်ပြထားတဲ့ ပျို့ l ရတု
စတာတွေကို ပြည့်ပြည့်စုံစုံ ဖတ်လိုရင်တော့
" ဦးလူဘေဝင်း " ရေးသားတဲ့
" မြန်မာစာ စာစီစာကုံးကျမ်း " ကို
ဖတ်ရှုပါလို့ ညွှန်းဆိုလိုပါတယ်။

စာရေးသူလည်း အဆိုပါကျမ်းစာအုပ်ကနေ
ကောက်နုတ် ဖော်ပြတာ ဖြစ်ပါတယ်။