ဝက်သား အကြောင်းပြောရအောင်

▇ " ဝက်သား အကြောင်းပြောရအောင် " ▇

_________
မောင်သုခ
▒▒▒▒▒▒▒▒▒

(၁)

ဝက်သား အကြောင်း ပြောမယ်ဆို
တရုတ်လူမျိုးတွေကို ဝက်ကောင်လုံးကင်တွေနဲ့
တွဲပြီး အရင် ပြေးမြင်ကြမှာ အမှန်ပဲ။ဝက်သား
အစ တရုတ်က လို့တောင် ပြောရမလိုပါ။

အခုချိန်ခါမှာတော့ တရုတ် နဲ့ ဝက်
ခွဲလို့ မရသလိုပဲ မြန်မာ နဲ့ ဝက်လည်း
ခွဲမရတော့ပါဘူး။စားကောင်းလွန်းလို့
တစ်ဝက်တည်း ဝက်ကုန်ကြရင်း
လူတွေလည်း ဝက်ဖြစ်လာကြပြီ
မဟုတ်လား။

(၂)

မြန်မာ့သမိုင်းမှာ ဝက်သားက
စတဲ့ ပဋိပက္ခတွေ ရှိခဲ့ဖူးတယ်။
ဘုရားရှင် နောက်ဆုံးဘုန်းပေးတော်
မူခဲ့တဲ့ ဆွမ်းထဲ ဝက်သားပါဝင်တယ်။
ဝက်သားကို နူးအောင်မချက်ရင်
ပြဿ     နာရှိတယ်။ဝက်သားနဲ့ မတဲ့တာ
တွေကို တွဲစားမိရင် အန်တတ်
သေတတ် စေတယ်။ဝက်သား
နဲ့ ပတ်သက်ပြီး တရုတ်ဒဏ္ဍာရီလာ
ပုံပြင်လေးဟာ စိတ်ဝင်စားဖို့
ကောင်းတယ်။

ကျွန်တော်တို့ ဝက်သားအကြောင်း
ပြောကြရအောင် …………

(၃)

" မြန်မာ့သမိုင်းလာ ဝက်သားပြဿ     နာ "
--------------------

ဝက်သားနဲ့ ပတ်သက်ပြီး မြန်မာ့
သမိုင်းမှာ ထင်ရှားတဲ့ အဖြစ်အပျက်
တစ်ခု ရှိပါတယ်။ဒါကို ကြည့်ရင် မြန်မာတွေ
ဝက်သားကြိုက်တာ ရှေးရှင်ဘုရင်တွေ
လက်ထက်ကတည်းကဆိုတာ သိသာ
စေနိုင်တယ်။

တရုတ်ပြေးမင်းလို့ ခေါ်ကြတဲ့
နရသီဟပတေ့မင်းမှာ  ဥဇ္ဇနာ l သီဟသူ l
ကျော်စွာ ဆိုပြီး သားသုံးယောက်ရှိလေရဲ့။

(၄)

သားသုံးယောက်ရဲ့ပွဲတော်အုပ်မှာ
သားကြီးနဲ့ သားငယ် အတွက် ဝက်လက်ကို
ထည့်ပီး သားလတ်သီဟသူရဲ့ ပွဲတော်အုပ်
ထဲမှာတော့ ဝက်ခြေထောက်ပဲ
အမြဲပါဝင်တယ်။

ဒါကို သီဟသူရဲ့ မယ်တော်သိတော့
သူကြံစည်တာက ပွဲတော်အုပ်ကို လာဘ်ထိုးပြီး
သူ့သားအတွက်အမြဲတမ်း ဝက်လက်
ဖြစ်စေသတဲ့။

(၅)

ဒါကို ဘုရင်သိတော့ မိဖုရားဖြစ်နဲ့
သားအလတ် သီဟသူကို နန်းရင်ပြင်
လူအများအလယ်မှာ ''ဝက်လက်ခိုးမ''
''ဝက်လက်ခိုးမသား'' လို့ နှိပ်ကွပ်
ခေါ်ဆို တော့တာပါပဲ။

ဝက်သားကစတဲ့ ပြဿ     နာ ပေါ့သေးသေး
မဟုတ်ပါဘူး။နောင်အခါမှာ သားဖြစ်သူ
သီဟသူဟာ တရုတ်ပြေးမင်းလို့ ခေါ်တဲ့
နရသီဟပတေ့မင်းကို အဆိပ်အပြည့်နဲ့
စားတော်ပွဲကို ပြင်ဆင်ပြီး ကျွေးတာ
မငြင်းနိုင်ဘဲ စားပြီး သေရရှာတယ်။

(၆)

" ဘုရားရှင် ပရိနိဗ္ဗာန်ပြုခါနီး ဆွမ်း၌
   ဝက်သားပါဝင် "
--------------------

ဘုရားရှင် ပရိနိဗ္ဗာန် ပြုခါနီးအခါ
ပါဝါပြည် က ရွှေပန်းထိမ်သည်သား စုန္ဒရဲ့
သရက်ဥယျာဉ်မှာ သီတင်းသုံးနေတော်
မူတယ်။

စုန္ဒဟာ ဘုရားရှင်ကို ဆွမ်းလုပ်ကျွေး
တဲ့အခါ ပါဠိစကားအသုံး ‘သူကရမဒ္ဒဝ’
လို့ ခေါ်ဆိုတဲ့ ဝက်ပျိုသား အပါအဝင်ပါ။

ဒီဆွမ်းကို နောက်ဆုံးဘုန်းပေးပြီး
ဘုရားရှင်ဟာ ပရိနိဗ္ဗာန်ပြုတော်မူတယ်။
ဒါ့အပြင် ဆွမ်းဒါယကာ စုန္ဒကိုလည်း
‘ဒါယကာစုန္ဒ သင်၏ ဆွမ်းကို နောက်ဆုံး
ဘုဉ်းပေးတော်မူ၍ မြတ်စွာဘုရားသည်
ပရိနိဗ္ဗာန်ပြုတော်မူ၏၊ ထို့ကြောင့် သင့်အား
လာဘ်ကောင်းပါပေစွ၊ အရတော်ပါပေစွ "
ဟု ပြောကြားရန် ရှင်အာနန္ဒာအား
မိန့်ကြားတော်မူခဲ့တယ်။

‘သူကရမဒ္ဒဝ’ ကို ဝက်နားရွက်မှို
(ဝက်သားကဲ့သို့ နူးညံသောမှို တစ်မျိုး)
လို့ ယူဆကြပြီး  အယူအဆမတူညီတာတွေ
တွေ့ရတတ်တယ်။သူကရဆိုတဲ့ ပါဠိတော်က
ဝက်သားကို ပြောတာပါ။ မဒ္ဒဝ ဆိုတာက
နူးညံ့သောလို့ အဓိပ္ပါယ်ရတယ်။

(၇)

" ဝက်သားကို နူးအောင်ချက် "
--------------------

" အသီးမှာ သရက် အသားမှာဝက်"
ဆိုသလိုပဲ ဝက်သားဟာ အသားတွေမှာ
အရသာကောင်းမွန်တဲ့ အထဲ ပါဝင်တယ်။
ဘယ်လောက်ကောင်းတဲ့ အစားအသောက်
ဖြစ်ဖြစ် တန်ဆေး လွန်ဘေးတော့
ဖြစ်တတ်တယ်။

ဝက်သား မနူးတာကို စားမိရင်
ကလေး လူကြီး တွေမှာ သန်ကောင်
ဖြစ်တတ်တာကို သတိထားသင့်တယ်။
ဝက်သားကို နူးအောင် ချက်ရပါမယ်။

(၈)

" ဝက်သားနဲ့ ကြွက်နားရွက်မှို "
--------------------

ဝက်သား အစားများရင် နှလုံးသွေးကြော
ပိတ်ဆို့မှုကိုလည်း ဖြစ်စေတတ်ပါတယ်။
ဒီအတွက်တော့ ကြွက်နားရွက်မှိုက
သင့်တော်တယ်။နှလုံးသွေးကြောထဲ
ပိတ်ဆို့နေတဲ့ အညစ်အကြေးကို
ကြွက်နားရွက်မှိုက ဖယ်ရှားပေးတယ်။

ဝက်သားကြိုက်သူတွေ l ဝက်သားကို
ခဏခဏ စားဖြစ်သူတွေဟာ ကြွက်နားရွက်မှို
ကိုလည်း မကြာမကြာ စားပေး
သင့်တယ်။

(၉)

" ဝက်သား နဲ့ မတည့်တာတွေ "
--------------------

ဒါ့အပြင် ဝက်သားကြိုက်သူတွေ
သတိပြု သင့်တာက ဝက်သားနဲ့ 
မတည့်တဲ့ ဟာတွေပါ။

(က)
ဝက်သား + ဗျိူင်းသား=  သေတတ်

(ခ)
ဝက်သား + ထန်းရည်ချို = သေတတ်

(ဂ)
ဝက်သား + ကြာရိုးကြာစွယ်= သေတတ်

(ဃ)
ဝက်သား+ ဒေါင်းသား = ဝမ်းလျှော

(င)
ဝက်သား + ပေရည်ပေသီး= ဝမ်းလျှော

(၁၀)

ဝက်သားဟာ ဘယ်လိုပဲ ရောဂါပိုး
ရှိတယ်ပြောပြော ဝက်သားတုတ်ထိုး
ကြိုက်တဲ့သူ  လက်ညှိုးထောင်ဆိုရင်
ကိုယ့်လက်ညှိုး အရင် မိုးပေါ် ရောက်
နေမလား တွေးမိတယ်။

ဝက်သား အစ တရုတ်ကလို့ ပြောထား
တာကြောင့် တရုတ်တွေ ဝက်သား
စားတာနဲ့ ပတ်သက်ပြီး ဒဏ္ဍာရီလာ
ပုံပြင် ဇာတ်လမ်းလေးတစ်ပုဒ်ကို
မျှဝေပါရစေ။

(၁၁)

" တရုတ်တွေ ဝက်ကင်စားခြင်း အကြောင်း "

ရှေးအခါက တရုတ်ပြည်မှာ ဝက်သတ္တဝါကို
အလေးအမြတ်ပြု စရာအဖြစ် ကိုးကွယ်
ပူဇော်ခဲ့ကြတယ်။

ဝက်သတ္တဝါကို သတ်ဖြတ်ရင် ဆွေစဉ်
မျိုးဆက် သေဒဏ်ပေးတဲ့ အလေ့ရှိခဲ့ဖူးရဲ့။
ဝက်ဟာ အဆီတစ်ထပ် အသားတစ်ထပ်
ဝဖြိုးလာတာနဲ့အမျှ စီးပွါးဥစ္စာ ချမ်းသာ
ကြွယ်ဝမှု တိုးတက်လာတယ်လို့
ယုံကြည်ကြလေရဲ့။

(၁၂)

ငွေကြေးချမ်းသာကြွယ်ဝသူတွေကတော့
ဝက်အရှင်ကို ခြံနဲ့မွေးထားပြီး အလေးအနက်
ထားလို့ ဝဖြိုးအောင် ကျွေးမွေးစောင့်ရှောက်
ကြတယ်။ ငွေကြေးချို့တဲ့သူတွေကတော့
ဝက်အရှင် မတတ်နိုင်လို့ ကြွေဝက်ရုပ် l
ရွှံ့ဝက်ရုပ်လေးတွေကိုပဲ နံ့သာတိုင်
ထွန်းလို့ ကိုးကွယ်ပူဇော်ကြတယ်။

တစ်ခါတော့ သူဋ္ဌေးအိမ်က
ဆယ်နှစ်အရွယ် ကလေးတစ်ယောက်ဟာ
မီးကို ဆော့ ကစားရင်း  အိမ်ပါ မီးလောင်လို့
တစ်ဆက် တည်း ဝက်ခြံရော ဝက်ပါ မီး
လောင်ကျွမ်းပြီး ဝက်ဟာ ကင်ထားသလို
ဖြစ်သွားတော့တယ်။

(၁၃)

ကလေးဟာ နီရဲနေတဲ့ ဝက်ခေါက်ကို
လက်နဲ့ သွားတို့ကြည့်တယ်။လက်ပူ
သွားလို့ ယောင်ပြီး ပါစပ်ထဲ လက်ကို
ထည့်လိုက်မိရာက ဝက်သားကင်ရဲ့
အရသာထူးကို သိသွားလေရဲ့။
ဒီတော့ကာ ဝက်ကင်ရဲ့ အသားကို
စိမ်ပြေနပြေ ထိုင်စားတော့တယ်။

ကလေးရဲ့ မိဘတွေ ရောက်လာတဲ့အခါ
သားဖြစ်သူ သဲကြီးမဲကြီး စားနေတဲ့
အရာကို အတော်ပဲ စိတ်ဝင်စားသွားတယ်။
ဒါနဲ့ပဲ ဘာလဲလို့ မြည်းကြည့်ရာကနေ
ဝက်ကင်ရဲ့ အရသာကို သူတို့လည်း
အတော်ပဲ ကြိုက်နှစ်သက်
သွားကြလေရဲ့။

(၁၄)

ဒီလိုနဲ့ ဆွေမျိုးတွေဆီ ဝက်ကင်ကို
ဝေရင်း မျှရင်း ဝက်ကင်ဟာ နေပြည်တော်
မှာ နာမည်ကြီးသွားတော့တယ်။ ဝက်
ဘုရားကြီးကိုလည်း တမင်သတ်တာ
မဟုတ်ဘဲ သူ့ဟာသူ ခြံထဲ မီးလောင်
သေတာ အပြစ်မရှိဘူးလို့ ယူဆကြရင်း
မီးရှို့လိုက် ဝက်ကင်စားလိုက် လုပ်
လိုက်ကြတာ နေပြည်တော်မှာ တစ်နေ့
တစ်နေ့ အိမ်ခြေလေးငါးဆယ်လောက်
မီးလောင်တော့လေရဲ့။

ရှင်ဘုရင်လည်း ဒီသတင်းကို
ကြားတဲ့အခါ ဝက်ကင်စားချင်လို့ မီးရှို့
ကြကြောင်း စုံစမ်းသိရှိသွားတယ်။လူယုံ
တွေဆီကတစ်ဆင့် ဝက်သားကင်ကို
ရှင်ဘုရင် ကိုယ်တိုင် စားမိရာက
ဘုရင်လည်း ဝက်သားစွဲပြီး မီးလောင်မှု
တွေဟာ နန်းတွင်းထဲမှာပါ ဖြစ်ပွါး
တော့တယ်။

(၁၅)

နန်းတွင်း ပညာရှိတွေလည်း ဒီကိစ္စ
ကို သိသွားတဲ့အခါ တစ်ပြည်လုံး
မီးလောင်ပြင်ဖြစ်တော့မယ့် အရေးမို့
ရှင်ဘုရင်နဲ့ တိုင်ပင်ကြပြီး သကာလ…

" ဝက်ကို သတ်ရင် ဆွေစဉ်မျိုးဆက်
    သေဒဏ် အစား "

" ဝက်ကို သတ်ပြီး စားသောက်လျှင်
   အပြစ်မရှိ။

ကင်လိုက ကင် l ပြုတ်လိုက ပြုတ် l
ကြော်လိုက ကြော် l ပေါင်းလိုက ပေါင်း
ကြိုက်သလိုသာ စားကြတော့လို့
စားသောက်ခွင့်ပြုလိုက်တယ်။ "

အဲဒီ့အချိန်ကစပြီး တရုတ်လူမျိုးတွေဟာ
ဝက်ကို အမျိုးမျိုး အရသာထူးကဲအောင်
ကင်တဲ့နည်းတွေကို ရှာကြံ စားသောက်
လာလိုက်တာ ဒီကနေ့အထိပဲ
ဆိုပါတော့။

                                    မောင်သုခ
                                 (20 - Sep -2019)

ကိုးကား - တရုတ် ဒဏ္ဍာရီ ပုံပြင်(၁၀၀)