" အကောင်း အဆိုး ဆိုကြရာဝယ် "
_________
မောင်သုခ
____________
[၁]
ကျွန်တော့် ဆရာကိုမြတ်မင်းကို
မေးဖူးသည်။ ပန်းချီကား တကား
ကောင်းမကောင်းကို ဘယ်လိုဆုံးဖြတ်သလဲ…???
ဘယ်လိုသိသလဲ …??? ဟူ၍ဖြစ်၏။
ကျွန်တော့်ဆရာ
ပြန်လည် ရှင်းပြသည်မှာ
(museum) ပြတိုက်တွေ သွား
" ပန်းချီကား ကောင်းကောင်းတွေ
များများကြည့် " ဟူပေတော့သည်။
ကျွန်တော့်ဆရာ ကျေးဇူးကြောင့်
(museum) ပြတိုက်တွေ သွားစရာမလိုဘဲ
သူစုဆောင်းထားသော
ရှေးဆရာ့ ဆရာ ဆရာကြီးများ၏
ပန်းချီကားကောင်း မြောက်များစွါကို
ကြည့်ခွင့်ရခဲ့သည်မှာတော့
လူဖြစ်ရကျိုးနပ်သည့်အထဲက
တခုဟုပင် ဆိုချင်ပေတော့၏။
မြန်မာ ပျူ ရခိုင် ဒင်္ဂါးများနှင့်
British India ငွေဒင်္ဂါးများ
စုဆောင်း လေ့လာရတာ ဝါသနာပါသော
ကျွန်တော်သည် ကိုရဲ (Daniel Yel Zatt) ထံမှ
သူစုဆောင်းထားသော ဒင်္ဂါးများကို
ကြည့်ရှုခွင့်ရသောအခါ တော်ရုံသာမာန်
ဒင်္ဂါးတို့သည် မျက်စိတွင် ဒင်္ဂါးကောင်းများအဖြစ်
မယူဆမိတော့သလို စိတ်တွင်လည်း
အကြိုက် မတိုးတော့ ။
[၂]
အစားအသောက် အကောင်းဆုံး
တခုခုအား စားဖူးထားသူသည် တခြားသော
အလားတူ အစားအစာမျိုး စားကြည့်လေက
မတူခြားနားသော အရသာကို နှိုင်းယှဉ်
သိခြင်းအားဖြင့် သိပြီး မည်သည့်ဟာ
ပိုကောင်းသလဲဆိုသည်ကို လွယ်ကူစွါ
သိရှိနိုင်ပေလိမ့်မည်။
ကျွန်တော်တို့သည်
နေရာတော်တော်များများ၌ အထက်ပါ
နှိုင်းယှဉ်သိ ဖော်မြူလာကို အသုံးချနိုင်ကြပေ၏။
[၃]
ဆရာမ ကြည်အေးကလည်း
ယခုလို ပြောခဲ့ဖူးကြောင်း မှတ်သားရပါသည်။
" လူကောင်းဖြစ်ချင်ရင်
တရားကောင်းကို လေ့လာရသလို…
စာကောင်း ကဗျာကောင်း ရေးချင်ရင်
စာကောင်း ကဗျာကောင်း များများဖတ်ကြ။ " ဟူ၏။
ဆရာမကြည်အေး ပြောကြားသည်ကို
ကျွန်တော့်ဆရာ ကိုမြတ်မင်း အထက်တွင်
ပြောတာနှင့် နှိုင်းယှဉ်ကြည့်လေက
ဦးတည်ရာတူညီသည်ကို တွေ့ရသည်။
အကြင်အခြင်းအရာတခုအား
ကောင်းမကောင်း ဆန်းစစ်ကြရာ၌ နှိုင်းယှဉ်သိမြင်ခြင်း
အခြေခံအကြောင်းရင်းသည် အဓိက လိုအပ်ချက်
တခုဖြစ်ပေတော့၏။
[၄]
ဤနေရာတွင် ပြောစရာရှိလာသည်မှာ
ခေတ်ကာလ မတူညီ ဖန်တီးပုံ အကြောင်းအရာ
အမျိုးအစား မတူညီသော အရာနှစ်ခုကို
နှိုင်းယှဉ်သိဖြင့် ဆင်ခြင်သုံးသပ်ကြည့်လေက
အဖြေမှန်ထွက်ပါ့မလားဟူ၍ မေးစရာ
ရှိလာပေတော့သည်။
အနုပညာ ဖန်တီးမှုတိုင်းတွင်ဖြစ်စေ…
တစုံ တခုသော အရာအား ဖန်တီးလျှင်ဖြစ်စေ …
အခြေခံအားဖြင့် ဝါသနာနှင့် စေတနာ အနစ်နာ
နာသုံးနာ အရင်းခံ ကြရပေ၏။
အရင်းစစ် အမြစ်မြေက ဆိုသည့်နှယ်
မည်သည့်ဖန်တီးမှုတွင် ဖြစ်စေ ဤသုံးချက်ကို
ဆန်းစစ်ကြည့်လိုက်လျှင် သိသာထင်ရှားပေတော့သည်။
[၅]
ကျွန်တော် သိသော နယ်ပယ်အရ လက်လှမ်းမှီသလောက်
ပြောရပါမူ ပန်းချီ စာပေရေးရာ ကဗျာဖန်တီးမှု နှင့်
နိုင်ငံရေး လောကတို့တွင် ရှေးလူကြီးများလောက်
ယခု ခေတ်ပြိုင် လူသားများသည် ဝါသနာ စေတနာ
အနစ်ခံမှု အားတွင် ခြေဖျားပင် မမှီကြကြောင်း
တွေ့မြင်ရ၏။
ထိုသို့ အခြေခံ အဓိကကျလိုအပ်သော
အချက်များဖြစ်သည့် ဝါသနာ စေတနာ အနစ်နာခံမှုများ
ချို့ယွင်း အားနည်းဆုတ်ယုတ်လာသော ကျွန်တော်တို့
လူ့အဖွဲ့အစည်း၏ သက်ဆိုင်ရာ နယ်ပယ်များသည်လည်း
ဆုတ်ယုတ် အားနည်းလာသည်ကို အမှန်အတိုင်း
ဝန်ခံရပေလိမ့်မည်။
[၆]
လောက၌ မည်သည့်ကျရောက်ရာ
နယ်ပယ်တွင်မဆို ဝါသနာ အခြေခံက
သာကောင်း၏။
ဝါသနာ မပါဘဲ အကြောင်းကြောင်းကြောင့်
လုပ်ကိုင်ရသော နေရာများ၌မူ စေတနာ
အရင်းခံသင့်ပေ၏။ စေတနာတွင် အနစ်နာခံမှု
ဖြည့်စွက်လိုက်ချေက အချိုပေါ်
သကာဆင့်ဆိုရမလိုပင်။
မိမိအကျိုးအတွက် ဖြစ်စေ
အများအကျိုးတွက်ဖြစ်စေ
မည်သည့်အလုပ်မဆို
စေတနာ ချို့တဲ့ချေက အလုပ်ကောင်းမမည်။
အကောင်း လုပ်သည် မခေါ်။ကြိုးချည်၍
လှော်သည့် ပမာနှယ်ပင် ဖြစ်ရချေမည်။
စေတနာ အရင်းမခံသော အကြင်အကြောင်းကိစ္စသည်
ကောင်းတာလုပ်သော်လည်း ကောင်းတာမဖြစ်တတ်သော
သဘောသဘာဝ ရှိလာတတ်၏။
[၇]
စေတနာထားရှိမှုသည် အဓိကအရေးကြီးသော
အခြေခံ လိုအပ်ချက် တခုဖြစ်သော်လည်း
ကျွန်တော်တို့သည် အကြင်အကြောင်းကိစ္စနှင့်
ဖန်တီးမှုတို့အပေါ်တွင် စေတနာ တခုတည်းဖြင့်လည်း
မပြည့်မစုံ ဖြစ်နေမှာ အမှန်ဖြစ်ပြီး လုပ်ပုံလုပ်နည်း
မှန်ကန်ဖို့ရာလည်း လိုအပ်ချက်တခု ဖြစ်လာသည်။
စေတနာ ဘယ်လောက်ကောင်းကောင်း
လုပ်ပုံ လုပ်နည်း မမှန်ကန်က လိုရာခရီး
မရောက်။စေတနာလည်း ကောင်းရမည်
လုပ်ပုံ လုပ်နည်းလည်း မှန်ရမည် ။
ဤသို့မှသာ လိုရာခရီး ရောက်ပေတော့၏။
ဤစကား မှန်ကန်ကြောင်းကို
ငါးရာ့ငါးဆယ် ဇာတ်နိပါတ် အတ္ထကာမဝဂ်လာ
ရောဟိဏီဇာတ်တော်၌ ထင်ရှားလေသည်။
အနာထပိဏ်သူဋ္ဌေးတွင် ရောဟိဏီမည်သော
ကျွန်မရှိလေသည်။တရက်သောအခါ အမိသည်
အိပ်နေစဉ် ယင်ကောင်များ နှောင့်ယှက်လွန်းသဖြင့်
ရောဟိဏီအား တားဆီးခိုင်းလေရာ ယင်ကောင်များကို
ကျည်ပွေ့ဖြင့်လိုက်ရိုက်လေ၏။ယင်ကောင်ကို ကျည်ပွေ့ဖြင့်
မရိုက်မိဘဲ အမိဖြစ်သူ၏ ဦးခေါင်းကို အရှိန်လွန်ရိုက်မိလေရာ
ဒဏ်ကြောင့် အမိသေလေတော့၏။
[၈]
အလားတူ ဇာတ်တော်တခုမှာ
ငါးရာ့ငါးဆယ် ဇာတ်နိပါတ် အတ္ထကာမဝဂ်လာ
အာရာမဒူသက ဇာတ်တော်ဖြစ်၏။
ဤဇာတ်တော်သည် တိုင်းပြည်အုပ်ချုပ်မင်းလုပ်
သူများနှင့်တကွ အစိုးရမင်းများအဖို့
မှတ်သား နာယူ ဆင်ခြင်သုံးသပ်ဖွယ်
အလွန်ကောင်းသော ဇာတ်တော်ဖြစ်လေသည်။
ဗာရာဏသီပြည်၌ ဗြဟ္မဒတ်မင်း စိုးစံစဉ်
တနေ့သောအခါ နက္ခတ်သဘင်ပွဲချိန်နှင့်
တိုက်လေရာ မင်းကြီး၏ ဥယျာဉ်မှူးသည်လည်း
နက္ခတ်ပွဲကို ပါဝင်ဆင်နွှဲရန် ပိုးထလေတော့၏။
သို့ဖြင့် ဥယျာဉ်ထဲမှ မျောက်တို့၏ ခေါင်းဆောင်
မျောက်ကြီးထံသွား၍ ဤဥယျာဉ်သည်
သင်တို့အတွက် အလွန်ကျေးဇူးများလှသည်။
အသီး အပင် အရွက်များကို သင်တို့ စားကြရသည်။
ငါပြန်မရောက်မချင်း သစ်ပင်များကို ရေလောင်းရစ်ကြဟု
အမှားထားခဲ့ကာ နက္ခတ်ပွဲသဘင်ကျင်းပရာသို့
ထွက်ခွါသွားလေတော့၏။
ဥယျာဉ်ထဲမှ မျောက်များသည် မျောက်ကြီး
ညွှန်ကြားချက်အရ ဥယျာဉ်တွင်း သစ်ပင်များကို
ရေလောင်းကြပေတာ့သည်။ မျောက်ကြီး၏
အံ့သြနဘန်း စေခိုင်းချက်ကား " အို မျောက်အပေါင်းတို့
ရေကို ဆင်ခြင်၍ သုံးတတ်ရမည်။ရေမလောင်းမီ
သစ်ပင်ငယ်များကို ဦးစွါနုတ်၍ ကြည့်ကြ။
အမြစ်ရှည်သည့်အပင်ကို တွေ့လျှင်
ရေများများလောင်းကာ အမြစ်တိုလျှင် သင့်ရုံသာ
လောင်းကြ။ နောင်တချိန် ရေအခက်အခဲ ရှိနိုင်သည် "
ဟူပေတော့သတည်း …
မျောက်ငယ်များလည်း မျောက်ကြီး ခိုင်းသည့်အတိုင်း
ပြုလုပ်ကြလေရာ ဥယျာဉ်တခုလုံး အစိုးရမကောင်းသည့်ဒဏ်
လှိမ့်ပိမ့်ခံရသည့် မြန်မာပြည်အလား သစ်ပင်ပန်းမန်အပေါင်း
ထောင်းလမောင်း ကျေလေတော့၏။
[၉]
အထက်ပါ ဇာတ်တော်တို့တွင် စေတနာထားသည်ကား
မှန်၏။ လုပ်ပုံလုပ်နည်း မမှန်ကန်လေသောအခါ
အကောင်းလုပ်ပါသော်လည်း အကျိုးရလာဒ်တွင်မူ
ဆိုးဝါး ပျက်စီးရသည်ကို မှတ်သားဆင်ခြင်ဖွယ်
တွေ့ရလေတော့သည်။
ထို့ကြောင့် မည်သည့်အလုပ်တွင်ဖြစ်စေ
စေတနာလည်း ကောင်းရမည်
လုပ်ပုံ လုပ်နည်းလည်း မှန်ရမည် ။
ဤသို့မှသာ လိုရာခရီး ရောက်ပေတော့မည်ဟု
မုချ မှတ်သားထိုက်လေ၏။
ယနေ့အခါသမယ၌
တိုင်းပြည်အပေါ် စေတနာထားကြသော
အစိုးရသစ်လူကြီးမင်းများနှင့်တကွ
နယ်ပယ်အသီးသီးမှ လူတို့သည်လည်း
နေရာအနှံ့ အသီးသီး ပေါ်ထွန်းလာကြသည်ကို
အားရစဖွယ် မြင်တွေ့ရပါသည်။စေတနာ
အခြေခံရှိနှင့်ပြီးသော လူများဖြစ်ကြသည့်အတွက်
စေတနာတွင် လုပ်ပုံလုပ်နည်း မှန်ကန်မှုတဖြစ်လည်း
မှန်ကန်သော အားထုတ်မှုများဖြည့်စွက်လိုက်လေက
အချိန်တိုအတွင်း တိုင်းပြည်တိုးတက်မှာ
အမှန်ပင်ဖြစ်ပါသည်။
[၁၀]
စာပေနယ် နိုင်ငံရေးနယ်ပယ်
များနှင့်တကွ ပရဟိတ နယ်ပယ်များသည်လည်း
ပြည်သူများနှင့် လွန်စွါ နီးနီးကပ်ကပ် ကူးလူး
ဆက်ဆံလာပြီ ဖြစ်ရာ မည်သူကတော့ဖြင့်
စေတနာကောင်းထားသည် မထားသည်ဆိုသည်ကို
ပြည်သူနှင့် ပရိတ်သတ်က လွယ်ကူစွါ အချိန်တိုအတွင်း
သိရှိလာပြီဖြစ်သည်။
ထို့အပြင် စေတနာမှန်သော်လည်း
လုပ်ပုံလုပ်နည်း မှားယွင်းနေသော လုပ်ပုံလုပ်နည်း
မှန်ကန်ပါသော်လည်း စေတနာချို့တဲ့နေသော
ကိုယ်စားလှယ်တော်များ အနုပညာရှင်နှင့်
စာပေနယ်မှ သူများ တိုင်းသူပြည်သားများကိုလည်း
တိုင်းပြည်အကျိုးရှေးရှုကာ စေတနာအခြေခံပြီး
သကာလ မှန်ကန်သော လုပ်ရပ်များဖြင့်
ပြည်ကျိုး ပြုနိုင်ပါစေကြောင်း ဆန္ဒပြု
ရေးသားရင်း " အကောင်း အဆိုး ဆိုကြရာဝယ် "
စာစုကို နိဂုံးချုပ်လိုက်ရပေတော့သတည်း ………………
………………………………………………………
………………………………………………………
………………………………………………………
မောင်သုခ
(15 - Nov - 2017)
